Kriminal avtoritet Levan Canqveladzenin Tbilisidə öldürülməsindən 2 ay sonra, onun böyük qardaşı, Suxumi klanının lideri Merab, bu münasibətlə İtaliyada 30-a qədər olan tərəfdarları ilə birgə “sxodka” (görüş) toplayıb. İştirakçılar arasında Taro, Mateviç, Xutu, Qurçiani, Landia, Zviad, Vatiya, Enzo, Lavasogli, Naveriani və başqaları olublar.

Lent.az xəbər verir ki, nümayəndə heyətlərində Taro və Merabın yaxın ətrafı ilə yanaşı, “yunanlar” tərəfindən müxtəlif zülmlərə məruz qalan “oğru”lar da iştirak ediblər.

Levanın qatilinin asayiş keşikçisi kimi xidmət etdiyi Georgi Coxadzenin görüşə gözlənilən şəkildə gəlməməsi toplaşanlara onu “fahişə” elan etmək və edam cəzasına məhkum etmək üçün dəmir üstü əsas verib. Hətta telefonla danışan Şakronun da bununla razılaşdığını deyirlər.

Levanın qətlinin təşkilində əsas şübhəli olan Laşa Şuşanaşvili ilə yanaşı, tənqidi oxların əksəriyyəti onun ən yaxın silahdaşı Koba Şemazaşviliyə yönəlib. Qətldə iştirak edən, ən kiçik bir şübhə belə, harada olurlarsa olsunlar, onların hamısı üçün “ov” elan edilib.

Yaponçiki öldürməkdə qismən təqsirli bilinən Makonun təşəbbüsü ilə “yunanlar” İtaliya sammitini “oğru”ların toplantısı deyil, “LGBT etirazı” adlandırıblar.

Qeyd edək ki, əvvəllər Merab və Levan Canqveladze qardaşları mərhum azərbaycanlı kriminal avtoritet Rövşən Lənkəranskinin yaxın adamları olublar. Lakin “Ded Xasan”ın ölümündən sonra hər ikisi Lənkəranskiyə dönük çıxıblar. Hətta Levanın Moskvada bazarlara nəzarətlə bağlı “razborka”ların birində Lənkəranskini bıçaqlaması barədə də iddialar yayılıb.