Azərbaycan Respublikasının Prezidenti cənab İlham Əliyevə,
Azərbaycan Respublikasının 1-ci vitse prezidenti xanım M.Əliyevaya,
Ombudsman Aparatının rəhbərinə,
AR-nı Kənd Təsərrüfatı naziri cənab İ.Kərimova,
A R-sı Prezident Aministrasiyası hüquq Şöbəsinin müdirinə,
Azərbaycan Respublikası Daxili İşlər naziri cənab R.Usubova,
AR president Administrasiyasının rəhbəri cənab R.Mehdiyevə,
Azərbaycan Respublikası Baş prokuroru cənab Z.Qaralova,
AR Dövlət Təhlükəsizlik Xidməti rəisi cənab M.Quliyevə,
Baş Prokuror yanında Korrupsiyaya qarşı Mübarizə İdarəsinin rəisinə,
Bütün KİV orqanlarına,
DİN-nin Baş İstintaq və Təhqiqat İdarəsinin rəisi E.Usubova,
Şəki rayon Prokurorluğuna və Şəki rayon İcra H-nin başçısı cənab Usubova
AR- Müdafiə Sənayesi Nazirliyi, Milli Aerokosmik Agentliyin Təbii Ehtiyatların Kosmik Tədqiqatlar İnstitunun aparıcı elmi işçisi , Yasamal r-nu, Zərdabi küç.ev 73, mən 39-da yaşayan Hümmətov Ramis Mürsəl oğlu tərəfindən (ev 432 66 68)
İntihar etmiş qardaşım Məmmədov Rasim Mürsəl oğlunun korrupsiyalaşmış mütəşəkkil cinayətkar dəstə tərəfindən özünü öldürmə həddinə çatdırmanın araşdırlması barəsində
M Ə L U M A T
Şəki rayonun Baş Göynük kəndində 13 may, səhər saat 7-də kiçik qardaşım Rasim Hümmətov yaşadığı evin həyətindəki tövlənin çardağında özünü trosla asmışdır. Mən qardaşımın son addım atmasını əvvəlcə başa düşə bilmədim. Mən Bakıdan rayonaçatanadək Şəkidən gəlmiş polislər hadisə yerinə baxış keçirmiş və Rasimin cibindən çıxan son məktubu da özlərilə aparmışlar. Sonradan ailə-uşağı çox yalvarsa da polislər hələlik məktubu ailəsinə təhvil vermək fikrində deyillər.
Mən məsələnin niyə və nə səbəbdən baş vermə ehtimallarını araşdırdım:
Xatırladım ki, qardaşım Rasim son gününədək Baş Göynük kənd Bələdiyyəsində əmək müqaviləsi əsasında torpaq bölgülərinin aparılması işlərini, Şəki İcra Hakimiyyətinın Baş Göynük kənd nüməyəndəliyində isə rəhmətə getmiş Sərvər Aslanovun yerinə torpaq işlərilə bağlı sənədləşmə işlərini aparırdı. Ölümündən bir neçə gün əvvəl ona kənd icra nümayəndəliyində bildirmişlər ki, Rasim sən yerinə icar nüməayəndəsinin qohumu olan Yusif adlı şəxsə görüdüyün işləri öyrətməlisən və saxladığın bütün sənədləşmə işləri olan kompüteri də, fleşkalarını da ona təhvil verməlisən. Bundan sonra 12 mayda kənd icra nümayəndəsi Rza müəllimin ad günü mərasimində iştirak etmişdir. Rasimə İbad adlı şəxs tərəfindən telefonla ciddi hədə-qorxu gəlinibmiş ki, gördüyü bütün işlərlə bağlı məsuliyyət sənin üzərindədir. Və bütün dəymiş ziyana görə Rasim cavabdehdir. Verilən məlumatda bildirilir ki, həmin məclisdə Rasim bir tikə belə çörək yeyə bilməmişdir. O avtomobilini yüksək sürətlə idarə edərək evinə gəlmişdir. Evdəkilər də onun sifətinin boğulmasını görüb narahat olmuşlar. Deyilənə görə Rasimi məclisdə ciddi təhdid etmiş və konkret mənimsənilən pula görə onu “yükləmişlər”Rasim ailəsinə də son dəfə bildirmişdir ki, onu işdən çıxarıblar.Ona görə keyfi yoxdur.O evdə kağıza qeydlər edibldir Bunu ailəsi də görübdür. Və hesablayıb ki, evini-eşiyini də satsa onu darda qoyan iş yoldaşları cinayət məsuliyyətini onunla bölüşmək istəmədiklərindən o əlacsız qalıb canına qıymışdır. Mən hərdən rayona ata evinə gedib onunla görüşəndə hiss edirdim ki, o babat dolanır. Mal-qarası qoyunları vardı. Avtomobil almışdı. Yəni, bu gün fikirləşirəm ki, onun əlilə torpaq işlərində qazanılan milyonların əvəzinə ona verilmiş qəpik-quruşla o özünə babat şərait yaratmışdır. Gərək rəhmətlik qardaşım onu son anda tək qoyaraq ölümə təhrik edən vicdansız yoldaşlarının vədlərinə inanıb şirniklənməyəydi. Nə isə.
Hadisə baş verən gün səhər Şəkidən polislər araşdırmaya gəldiyi zaman kənd icra nümayəndəsi Rza Calalov da özünü Rasimin evinə salaraq orda axtarış aparmaq istəmiş, polislər dərhal ona otağı tərk etməyi demişlər. Görəsən kənd icra nümayəndəsi Rza müəllim Rasimin otağında nəyi itirmişdir? Elə həmin vaxtlar səhər Baş Göynük kənd Bələdiyyəsindən iki minik avtomobilini sənədlərlə doldurub təcili olaraq naməlum istiqamətdə aparıblar. Xatırladım ki, Kənd bələdiyyəsinə məxsus 270 kv.m otaq sahəsi kənar müdaxilə nəticəsində yanmış bir çox sənədlər məhv olmuşdur.
Mən qardaşımın ölümünün əsas səbəbi kimi son illərdə kənd sakinlərinə və fermerlərə taxıl əkini üçün dövlət tərəfindən hər ha üçün ayrılan 50 manat yardım subsidiyaların yeni kənd Təsərrüfatı Naziri tərəfindən yenidən yoxlanılması barədə göstərişi əsas olmuşdur. Hansı ki, bu torpaq işlərinin də texniki tərəfinin hamısını Rasim sənədləşdirmişdir.Deməli, rəhbərliyin göstərişləri nəticəsində kimlərinsə üzərinə torpaq sahəsi olmadığı və əkilmədiyi halda çox miqdarda hektar torpaq formal yazılaraq dövlət pullarının mənimsənilməsi illər üzünü baş vermişdir. Bu bir fakt. Digərlərini də yəqin ki, polis araşdırması ortalığa çıxardacaq. Mən yuxarıda qeyd etdiyim məlumatları Rasimə yaxın olan şəxslərdən almışam və ciddi araşdırmaya zərurəti vardır.
Şəki RPİ-nin əməkdaşlarının Rasimin son məktubunun ailəsinə qaytarmamasından çox narazıyam və tələb edirəm ki, bu məktubun orjinalı dəyişdirilmədən dərhal ailəsinə qaytarılsın!Məktubu əvvəlində böyük qardaşı Zinyətə yazmışdı ki, “məni yoldan çıxartdılar, evimi yıxdılar... sonrasını polis oxumağa imkan verməyib.Evdən kadastr sənədlərini, cib telefonunu, və pulunu, mənim aldığım kompüteri də polislər aparıblar.
Cənab Prezident və Baş Prokuror Zakir müəllim! Sizlərdən xahiş edirəm ki, qardaşım Rasimi əvvəlcə bacarıqlı işçi kimi bələdiyyə və icra nümayəndəliyində qanunsuz işə götürərərək onu şirnikləndirərək məhz torpaq işlərilə bağlı ağır cinayətlər törətməyə məcbur etmiş və sonda ona hədə-qorxu gələrək bütün məsuliyyəti üzərinə götürməyə vadar edərək onu ölümə təhrik etmiş korrupsiyalaşmış cinayətkar dəstənin son illərdəki fəaliyyətinin ciddi araşdırlmasına göstəriş verməyinzi xahiş edir və əvvəlcədən təşəkkürümü bildirirəm.
Xahiş edirəm məni bu məsləilə bağlı PA-dan cənab Fuad Ələsgərov və Korrupsiyaya qarşı Mübarizə İdarəsinin rəisi cənab Kamran Əliyev qəbul etsin. Xatırladım ki, Rasimin bir xəstə oğlu və 8-ci sinif şagirdi olan sevimli qızı yetim qalmışlar.
İMZA: Hümmətov Ramis Mürsəl oğlu (055 7629423 və 070-6024228)
16 may 2018.
dia-az.site olaraq bütün maraqlı tərəfləri dinləməyə hazırıq...
