DİA.AZ: - Lənkəran Regional Miqrasiya İdarəsi barəsində 2013-cü ildən etibarən dövrü mətbuatda tənqidi yazılar yazılırdı. DİA.AZ xatırladır ki, bu məqalələrdə 90 gün müddətinə gələn əcnəbilərdən müvəqqəti olma müddətinə görə qeydiyyata alınması üçün qanunvericilikdə ödəniş nəzərdə tutulmadığı halda, pul alındığına dair bəhs olunurdu.Bu tipli məqalələrdə idarənin açıq bazar olması və pulyığma əməliyyatlarına əvvəlcə rəis müavini, sonradan isə rəis vəzifəsini daşıyan Səmədağa Abdullayevin birbaşa başçılıq etməsi göstərilirdi.Lakin, bu tənqidi yazılardan Səmədağa Abdullayev və onu bu vəzifəyə təyin edərək himayə edən şəxslər nəticə çıxarmırdı.
23.08.2012-ci il tarixində Lənkəran İcra Hakimiyyətinin müavini vəzifəsindən çıxarılan Səmədağa Abdullayev 01.09.2012-ci ildə Lənkəran Regional Miqrasiya İdarəsinə rəis əvəzi təyin edilmişdir.2012-ci ildə Lənkəran Regional Miqrasiya İdarəsinə Səmədağa Abdullayevin rəis müavini təyin edilməsi regionda yaşayan əhalini çox təəcübləndirmişdi. Həmin təyinat gerçəkləşdiyi dövrdə, 01.09.2012-ci il tarixində Dünya İnformasiya Agentliyi tərəfindən “Masallıda dövlət idarələri nədən başsız qalıb” sərlövhəli yazıda(http://www.dia-az.life/print:page,1,9127-masallda-dgvlzht-ddarzhlzhrd-nzhdzhn-baesz-qalb.html) Səmədağa Abdullayevin Lənkəran Regional Miqrasiya İdarəsinə rəhbər təyin olunmasının hansı şərtlər daxilində mümkün olması göstərilmişdir.Onu tanıyanlar bu İdarənin öz şəxsi maraqlarına alət etməsinə şübhə etmirdilər. Bu təyinata qədər Lənkəran Regional Miqrasiya İdarəsində əcnəbilər və yerli vətəndaşlardan qeyri-qanuni ödənişlər aparılması tələb olunmurdu. Lakin, Səmədağa Abdullayevin Rusiyadan kütləvi şəkildə istirahətə gələn soydaşlarımız olan MDB ölkələri vətəndaşları və digər ölkələrin vətəndaşlarını pulsuz qeydiyyata götürülməsinə şərait yaratması inanmaq sadəlövlük olardı. Əcnəbilərin və vətəndaşlığı olmayan şəxslərin heç bir pul ödəmədən qeydiyyata alınması prosedurlarına onun idarəçiliyində rast gəlmək təəcüblüdür.
DİA.AZ-ın məlumatına görə, miqrasiya sahəsindən uzaq olan bu şəxs Lənkəran İcra Hakimiyyətində vəzifəsindən çıxarıldıqdan sonra qısa müddətdə Lənkəran Regional Miqrasiya İdarəsinə rəis müavini təyin edilməsi, xüsusi rütbə verilməsi diqqəti cəlb edir.Hətta, idarənin rəis müavininə bahalı “Mitsubişi Pajero” markalı avtomobil də verildi. Peşəkar kadrların nailiyyətlərindən bəhrələnən Səmədağa Abdullayevə 19 mart 2017-ci il tarixində miqrasiya işçilərinin peşə bayramı münasibəti ilə “miqrasiya orqanlarında fərqlənməyə görə” medalı ilə təltif edilməyə təltif edilənlər sırasında təqdim edilmiş və həmin şəxs medalla təltif edilmişdir.Sabiq DMX rəisi Firudin Nəbiyev öz sevimli kadrlarından olan Səmədağa Abdullayevə imtiyaz verərək, bir növ idarəni onun arzularına uyğun idarəetmə forması həyata keçirməsinə münbit şərait yaradırdı.Halbuki sabiq DMX rəisi tərəfindən analoji münasibət digər regional idarə rəhbərlərinə sərgilənmirdi.
İdarəyə “kommersiya strukturu”, bir növ MMC kimi baxan Səmədağa Abdullayev göstərişi və əcnəbilərdən əldə etdiyi vəsait hesabına ilk əvvəl idarənin inzibati ərazisindən kənar hissədə plastik materialdan hazırlanmış köşkdə iki ədəd 0,4 kVt gücündə surətçıxarma aparatından istifadə etməklə immiqrantların qeydiyyata alınması üçün istifadə olunurdu.Hətta, köşkdə surətçıxarma üçün enerji sərfiyyatı idarəyə məxsus SMART kart tipli elektrik sayğacından istifadə olunurdu.Yüzlərlə əcnəbi vətəndaşlar bu köşkün qarşısında sanki, “çörək növbəsi”nə düzülmüş kimi düzülərək qeydiyyat üçün pul ödəməyə məcbur idi.Bu “qeydiyyat biznes”inin ona aid olmadığını göstərmək və bəd ayaqda məsuliyyətdən yayınmaq üçün burada işləyənlərin adına VÖEN açdırırdı.Mətbuatın bu mövzuya müdaxiləsindən sonra Səmədağa Abdullayev həmin fəaliyyəti idarənin daxilinə keçirdi.İdarənin birinci mərtəbəsində idarəyə aid olmayan iki şəxs həmin fəaliyyəti davam etdirirdi. Hər gün burada işləyən iki xanım iş saatlarında işə gəlir və iş vaxtı qurtarana yaxın evlərinə gedirlər.Bu “ştatdankənar” işçilərini tez-tez dəyişilirdi. Həmin idarəyə aid olmayan mülki şəxslər illərdir idarənin müşahidə kameralarında görüntülənir.Lakin, DMX-nin müvafiq qurumları bu hallara açıq-aşkar göz yumub, əcnəbilərdən pul yığılmasına şərait yaradılmışdır.Vergilər Nazirliyinin əməkdaşlarının bu sahədə günahı var.
Bu idarədə “qeydiyyat biznesi” sonradan idarənin daxilində həyata keçirilirdi.Hətta, narazılıq edənlərə ödəniş qəbzi də verilir və hərdən vergi də ödənilirdi.Halbuki miqrasiya qanunvericiliyinə görə əcnəbilərin olduğu yer üzrə qeydiyyatına görə ödəniş tələb olunmur.Bir ailənin qeydiyyata alınmasına görə hər bir adam 3 manat ödəməklə 12-15 manat təşkil edir.Əcnəbilərin çoxu bu “xidmətə” görə çox narazıdır və pul ödəmək istəmir.Lakin, bir çoxunun latın əlifbası ilə yaza bilməməsi,məbləğin bir çoxuna xırda görünməsi, şikayətlərə görə əlavə vaxt itkisi və gələcəkdə süni manelər yaradılması ehtimalı, pul verib işini həll edilməsi ənənəsinə sadiqlik rəis Səmədağa Abdullayevin işinə yarayırdı.Çoxuna xırda görünən bu pullar yığılaraq adambaşına sayına vurulduqda böyük vəsait təşkil edir və miqrasiya orqanlarının sözügedən vəzifəli şəxslərinin varlanmasına xidmət edirdi.Yay fəsli miqrantların kütləvi şəkildə səfər etdiyi dövrdür.Cümə və bazar günləri təyyarə reysləri olduğundan bazar ertəsi qeydiyyat üçün müraciət edənlərin sayı çox olur.Əgər miqrant müraciəti çoxdursa, qeydiyyatdan əldə edilən gəlir də çox olur.Təsəvvür edin ki, Biləsuvar rayonuna gələn xarici ölkənin vətəndaşı ailəsi ilə qatar və şəxsi avtomobillərlə yay fəslində ölkəyə gəlir. Əvvəllər poçt vasitəsi ilə qeydiyyata düşmək üçün müraciət olunurdu.Lakin, poçt vasitəsi ilə müraciətlər qəbul edilmədiyi üçün bu xidmət ləğv olundu.İndi miqrantlar məcbur olub 100-110 km yol qət edərək Biləsuvardan Lənkərana gələrək qeydiyyata alınırlar.Bütün bu əziyyətlər Lənkəran Regional Miqrasiya İdarəsindən hər bir adamdan alınan 3 manat pula görə həyata keçirilirdi.Bu İdarədə obrazlı desək, Azərbaycan Respublikasına turist səfərinə əfsanəvi boksçu Maykl Tayson da gəlsə pul verməsə qeydiyyata alınmazdı.
DİA.AZ bildirir ki, Dövlət Miqrasiya Xidmətinə rəis təyin olunduqdan sonra iki gündür “qeydiyyat bazar”ı dayanmış və həmin “ştatdankənar” şəxslər idarədən çıxarılmışdır.Şəxsi maraqlarının girovuna çevrilən Səmədağa Abdullayevin idarədə pulyığma əməliyyatları ilə dövlətimizin imicinə zərbə vurulmasında fərqində olmamışdır.Ölkəmizin turizm potensialını gücləndirmək üçün miqrasiya orqanlarında sivil münasibətlərinin olması günün tələbidir.Yalnız peşəkar və savadlı şəxslərlə bu qurumun keçmiş nüfuzunu qaytarmaq olar.
DİA.AZ olaraq bütün maraqlı tərəfləri dinləməyə hazırıq. Mövzu diqqətimizdədir.
