BU PROSES ƏSAS ETİBARI İLƏ CİNAYƏT SAYILSA DA…
Azərbaycanı əhatə edən düşmən dövlətlər, bu ölkəni ideoloji mübarizə meydanına çevirərək, Burada milli əxlaqi dəyərlərin məhv edilməsinə, milli-mədəni və əxlaqi dəyərlərin unutdurulmasına və milli şüurun məhv edilməsinə yönəlmiş addımdır atırlar.
Xalqı özünün əxlaqi dəyərlərindən uzaqlaşdırılması, onun milli-mədəni dəyərlərinin unutdurulmasına millətin milli mənliyinin itirilməsinə və milli şüurun, millətin soy kökünə uyğun olmayan yad elementlərlə yüklənməsinə gətirib çıxarır.
Dünyada barışmaz ideologiyaların mübarizəsi zamanı bir tərəfdə qanlar tökülür kütləvi şəkildə insanlar öldürülürsə, digər bir tərəfdə heç bir atıcı silahdan istifadə edilmədən xalqlarının əxlaqi dəyərlərinin düşünülmüş şəkildə məhv edilməsi istiqamətində işlər aparılır. İdeoloji müharibənin digərindən fərqi ondadır ki, bu ideoloji müharibə zamanı hücuma məruz qalan tərəf hücum edən tərəfi həmişə müəyyənləşdirə bilmir.
İdeooloji mübarizədə hücum edən tərəf, hücuma məruz qoyduqları xalqların daha çox can atdıqları müstəqil davranış və əxlaq qaydalarından məharətlə istifadə edirlər. Onlar hədəfə aldıqları millətlərin və xalqların tanınmaz hala gəlməsi üçün onların xarakterində, laqeyidlik psixologiyasının formalaşmasına çalışırlar. Sanki böyük və gözəgörünməz bir qüvvə insanları cəmiyyətin həyatındakı bir çox vacib problemlərdən yayındırmaqla onlarda В«mənə nəВ» laqeyidlik prinsipini xalqın və millətin gündəlik vərdişinə çevirərək, hədəf götürdükləri insan kütləsini tanınmaz hala gətirərək onları sanki kodlaşdırmaq istəyirlər.
Müxtəlif xalqlar üzərində tətbiq edilən bu mənfur keyfiyyətlər elmi ədəbiyyatda əxlaq soyqırımı kimi qeyd olunur. Əxlaq soyqırımı uzunmüddətli bir prosesdir. Bu proses əsas etibarı ilə cinayət sayılsa da, bu cinayətin daşıyıcısını yəni cinayətkarın müəyyənləşdirilməsini, təyin etmək həmişə çətin olur. Beləliklə bu cür soyqırım aktlarını faktlarla təsdiq edilməsi çətin olduğundan onu hüquqi qaydada mühakimə etmək də həmişə çətin olur. Maraqlıdır ki, burada günahı əksər hallarda bu bəlaya düçar edilənlərin özləri daşıyırlar.
Əxlaq soyqırımı tətbiq edilərkən, hədəf seçdikləri xalqa və millətə qarşı müxtəlif üsullardan və vasitələrdən istifadə edərək, bu millətin və xalqın içərisində rüşvət, dilənçilik, alkoqolizm, insan alveri, narkomaniya, qumar, fahişəlik və parnoqrafiya kimi cəlbedici tədbirlər həyata keçirərək, bu millətin mili əxlaqının təməl anlayışlarının çökdürülməsinə və məhv edilməsinə çalışırlar.
Hal-hazırda gündəlik həyatımızdakı müəyyən insanların imiclərinin dəyişdirilməsi, istedadlı gənclərin parnoqrafik şəkillər çəkdirməyə sövq edilməsi, müxtəlif növ əxlaqa zidd şouların təbliğ edilməsi bu qəbildən olan soyqırımın Azərbaycana qarşı tətbiq edilməsinin ilkin təzahürləridir.
İnsan idrakının tamamən və ya qismən dəyişdirilməsi, planlı şəkildə düşünülən əxlaq soyqırımıdır. Bu soyqırım aktı yüz illərlə bir müddət ərzində həyata keçirilməyə hesablanmış bir aksiyadır. Bu təbliğat maşını heç bir güc tətbiq etmədən insanların öz evlərinə, mənzillərinə internet, mətbuat və televiziya proqramları vasitəsi ilə çox sakit halda daxil olur. Bu cür təbliğat vasitəsi insanların beyinlərinə güclü şəkildə təsir etmə qabiliyyətinə malikdir. Bu cür vasitə ilə insanlar yeni vərdişlərə məcbur edilərək qul, kölə vəziyyətinə gətirilərək əsarət altına salınır və onların hisslərinə hakim olurlar. Belə olduqda bu təbliğat, insanları hafizəsizliyə, əxlaqi dəyərlərin itirilmsinə və təklənməsinə xidmət etmiş olur. Bu prosesə uğrayan insanlar təbii ki, müstəqil qərar vermək qabiliyyətindən də məhrum olurlar.
Təsüf hissi ilə qeyd etmək lazıımdır ki Azərbaycan özünün daim yüksələn inkişaf tempi və strateji mövqeyi ilə qonşu dövlətlərdə qısqanclıq hissi yaratmışdır. Odur ki, azərbaycan ərazilərinə diş qıcayan dövlətlərin təsiri ilə ölkəmiz, daim inkişafda olan eloktron texnologiyanın köməyi ilə bu cür mənfi proseslərin mərkəzinə düşmüşdür. Müxtəlif sponsorların vasitəsi ilə Azərbaycan teleməkanında baş alıb gedən əxlaqa və mənəviyyata zidd teleşoular artıq bir çox insanların gündəlik həyatında pis vərdişlərə çevrilməkdədir.
Bir çox telekanallarda musiqi sənəti ilə məşğul olan bir çox populyar insanların həyatlarındakı mənfi halların qabardılaraq tez-tez reklam edilməsi, onlar arasında süni intriqaların yaradılması, bu cür insanları daşıdıqları alicənablıq hisslərindən məhrum edərək, müftəxor, yalançı, ikiüzlü kimi mənfi obrazlarla pərdələyərək onların gələcəkdəki liderlik imicinə zərbə vururlar. Yəni gələcəkdə ictimai lider kimi yetişmək prespektivi olan insanları xalqın gözündən salaraq, sanki adi kağğız maklaturaya çevirərək bir kənara tullayırlar.
Efir məkanında baş alıb gedən bütün bu mənfi proseslər dialektdə, geyimdə, adət-ənənələrdə də özünü qabarıq şəkildə büruzə verir. Yəni efir məkanında heç də həmişə rəsmi danışıq dilindən istifadə edilmir.
Adətən geyim, adət ənənə çərçivəsində mövsümlə (qış, yaz, yay, payız), mərasimlərlə (toy, yas), bayramlarla, məşğuliyyətlərlə, gəzintilərlə və s bağlı olmalıdır.
Lakin Azərbaycanın efir məkanında həmişə milli geyim mədəniyyətimiz qorunmur. Qışın oğlan çağında bəzən ekrandan boylanan yarıçılpaq aparıcı qızın çılpaq bədəni öz müdhiş görkəmi ilə insanda təəssüf hissi yaradır.
Avropadan ixrac edilən yarıçılpaq gəlinlik geyimləri gənclərimizin gündəlik həyatına daxil olduqca milli mədəni dəyərlərimizi sıxışdırıb aradan çıxarır, əxlaqımıza mənfi təsir göstərir. Bir zamanlar gəlininin ayağının azacıq açılmasını ayıb sayan bəylərimiz, indi bakirə qızlarını toy günü yarıçılpaq gəlinlik paltarında 500 kişinin gözləri qarşisinda nümayiş etdirməkdən belə çəkinmirlər.
Məz bu proseslər zamanı xalqımızın və millətimizin milli-mədəni və əxlaqi dəyərləri, xanımların geyim qarderobları kimi yad, milli mentalitetlərə uyğun olmayan ənənələrlə əvəzlənir. Burada milli ənənələrin yabançı detallarla əvəzlənməsi sözssüz ki gələcəkdə milli xarakterlərin də dəyişməsinə səbəb olacaqdır.
Azərbaycanın nüfuzlu ANS və ATV kimi telekanallarında nümayiş etdirilən “Toy olsun”, “Onun yarısı” verlişləri, illərdən bəri xalqın milli mənliyindən süzülüb gələn toy mərasimlərinə ciddi zərbə vurmaqla milli mentalitetimizə uyğun olmayan yeni toy ənənələrinin əsasını qoyur. Bu cür toy şoularına cəlb edilən insanlar verilişi gündəmdə saxlamaq üçün yersiz mübahisələrə, qarşılıqlı təhqirlərə yol verir və bəzən də bu nigahları baxıcıların, cindarların, falabaxanların ümidinə buraxırlar. Beləliklə bu mərasim getdikcə milli dəyərlərdən uzaqlaşaraq xurafata, cəhalətə sürüklənir. Olabilsin ki gələcəkdə övladını evləndirən şəxs kiminsə qapısına elçiliyə getmək əvəzinə falçı vəya cadugər yanına getsə bu heç də qəribə səslənməyəcəkdir.Bu isə xalqı cəhalətə, xurafata sövq edən amildir. Maraqlıdır ki bu iki verilişdə iştirak edən 4 aparıcının heç biri milli adət ənənələrdən, folklordan xəbərləri yoxdur. Onların heç biri veriliş booyu icra etdiklərin vəzifənin mahiyyətinin izahını verə bilmirlər.
Bu cür zərərli verilişlərdən daha biri yenə ATV kanalında gedən “Tanıdım səni” verilişidir. Mahiyyət etibarı ilə veriliş əyalətlərdən istedad axtarışı ilə başlasa da sonda hələ çoxusu həddi buluğa çatmayan bu gəncləri xalqdan SMS istəməyə məcbur edilirlər. Hətta toplanan SMS-lər nəzərdə tutulduğundan az olduqda onları kütlə qarşısında ayağa qaldırıb qınaq obyektinə çevirirlər, onları utandırırlar. Uşaqların məcbur edildiyi bu iş, əslində dilənçiliyin yeni mütərəqqi metodudur. Azyaşlı uşaqların əməyindən sui-istifadə edərək pul qazanmaq və ya onları dilənçiliyə məcbur etmək qanunla qadağandır.
Bu gün Azərbaycan, özünün mili dəyərlərinə və əxlaqına tuşlanmış bu cür hücumların zərərsizləşdirilməsinə hazır olmalıdır. Azərbaycan gəncliyi öz mili əxlaqına xas olmayan bu cür çirkin təbliğat xarakterli oyunların oyunçularına çevrilməməlidir. Azərbaycan gəncliyi, görünən və görünməyən müstəvidə bu ölkənin məhvinə yönəlmiş soyqrımların zərərsizləşdirilməsi üçün təşkil etdiyi və təşkil edəcəy tədbtrlərlə çətin imtahan qarşısındadır.
İndiki mürəkkəb zamanda Azərbaycan, В«ideloji müharibəВ» adlandırılan bu dövlətlər arasında gedən ideoloji mübarizə zamanı özünün ərazi bütövlüyünü, dövlətçiliyini, tarixini, əxlaqi dəyərlərini, mili mədəniyyətini, milli ənənələrini qoruyub saxlamaqla bu mübarizədən qalibiyyətlə çıxmalıdır.
Faiq İsmayılov.
Azərbaycanın İşğal Olunmuş Ərazilərindəki Tarix və Mədəniyyət Abidələrini Müdafiə Təşkilatı ictimai birliyinin sədri.
