PREZİDENTƏ MÜRACİƏT OLUNDU
Məhbus Fuad Hüseynovun anası “Kurtalar Vadisi” adlanan dəstədən Prezident İlham Əliyevə də şikayət edib.
Tia.az-ın elektron ünvanına Ucar rayonu N.Nərimanov küşəsi ev № 19-da yaşayan Hüseynova Süsanə Yusif qızı tərəfindən göndərilmiş müraciəti olduğu kimi dərc edirik:
Hörmətli Mətbuat!
Mənim oğlum Fuad Hüseynovun, “Kurtlar Vadisi” adlı cinayətkar dəstə yaratmış Ucar RPŞ-nin rəisi Tahir Quliyev, Onun müavini İlham Əhmədov və həmin rayonun Məhkəmə hakimi Çingiz İsgəndərov qondarma ittihamla şərləyib girov götürmələri barədə mətbuata daima yazılar gedir. Oğlum Fuadın heç bir təqsirinin olmadığı, bu cinayətin qondarma olması artıq bir daha Şirvan Apellyasiya Məhkəməsində sübut olundu. Ucar rayon Məhkəməsinin 26.09.2011-ci il tarixli hökmündən Fuadın verdiyi apellyasiya şikayəti üzrə 1-ildir ki, Şirvan Apellyasiya Məhkəməsində məhkəmə istindaqı aparılır.
“Kurtlar Vadisi” adlı cinayətkar dəstənin qurduğu planın təşkilatçıları şahid polisin əlaltısı, şər atma alətləri Elçin Əliyev və Şahlar Ələkbərov bu qondarma cinayət işində maddı sübut olan bıçağı qondarma zərərçəkənlər Azad Hüseynova və Akif Cəfərova vermiş, Onlar Gəraybəyli kənd qəbirstanlığında özlərinə xəsarət yetirib, əvvəlcədən yazılıb hazırlanmış şikayət ərizəsi ilə şikayət edib, şər planını həyata keçirmişdilər.
İbtidai istindaq zamanı Fuadın əleyhinə yalan ifadə verməyə məcbur edildiklərini etiraf edən zərərçəkən Akif Cəfərovun, şahidlər Vidadi Mürsəlovun, Ramil Salahovun, Fərman Abdullayevin, Aqşin Mehdiyevin bu hərəkətlərindən qorxuya düşən işverən Elçin Əliyev də video kamera qarşısında etiraf edib “Kurtlar Vadisi” mafiyasını ifşa edir. Həmin Şahidlərin zərərçəkənin və işverən Elçin Əliyevin etiraf video çıxışları Youtube.com saytında yayımlanır. Həmin video çıxış olan diski Prezident cənab İlham Əliyevə göndərmişik.
Hətda bu işverən Elçin Əliyev video çıxışının birində höküməti açıq-aşkar söyüb-təhqir etməkdən də belə çəkinmir. Qeyd edim ki, işverən Elçin Əliyev bir neçə dəfə etiraf çıxışı edib. Axırıncı dəfə telefonla danışığında höküməti söyüb-təhqqirdə edirki, həmin aidio yazıda Youtube.com saytında yayımlanıb.
Bu video çıxışdan sonra “Kurtlar Vadisi” mafiyasının qəzəbinə gəlmiş Elçin məhkəmədə bildirir ki, diski çəkəndə mənim kürəyimə avtomat dirəyiblər. Ağdaş rayonunun Xosrov kəndində Miri və Fuad Hüseynovun yeznəsi Əvəz məni diskdə olduğu kimi danışmağa məcbur ediblər. Mən ölümlə üzbəüz qalıb diskdəki kimi ifadə vermişəm. Hətda bu barədə prokurorluğa da ərizə vermişəm.
Ancaq həmin çəkilişdə açıq-aydın görünən odur ki, Elçinin kürəyinə heç bir avtomat dirəməyiblər, O, tam sərbəst danışır, hətda Prezidentə də müraciət edir. Bundan başqa Şirvan Apellyasiya Məhkəməsinin sorğusuna cavab verən Ağdaş
Rayon Prokurorluğu Elçin Əliyev adlı şəxsin Onlara şikayət ərizəsi ilə müraciət etmədiyini bildirir. Elçinlə bir yerdə video çıxış edən Vidadi həmin zaman heç bir təzyiqin olmadığını məhkəmədə söyləyir. Həmçinin Miri adlı şahid, Əvəz Kərimov, Fərman Abdullayev, Ülviyyə Rüstəmova, Ramil Salahov Elçinin yalan ifadə verməsini sübutlarla ifadələrində təsdiq edirlər.
Bundan başqa qondarma zərərçəkənlər Akif Cəfərovun və Azad Hüseynovun 03 iyul 2010-cu il tarixdə qondarma cinayət hadisəsi baş verməsi qeyd edilən saatda Onların telefonlarına zənglər gəlmiş və Onlar özləri zənglər edib uzun-uzadı danışmışdılar. Belə çıxır ki, qondarma ittihama inansaq qondarma zərərçəkənlər eyni vaxtda həm Fuadın bıçaqla zərbələrindən müdafiə olunublar, həmdə telefonla danışıblar.
Hörmətli Mətbuat!
Mən mətbuat vasitəsi ilə Prezident cənab İlham Əliyevə müraciət edib çox-çox xahiş edirəm; hörmətli Prezident mənim oğlum Fuadın qondarma ittihamla “Kurtlar Vadisi” adlı mafioz dəstə tərəfindən şərlənərək həbsə atıldığını sübut edən Youtube.com saytına yerləşdirilmiş və biri Sizə göndərilmiş diskdə olan video etiraf çıxışlarına baxın. Bu video etiraf çıxışlarından başqada mutəbər sübutlar var ki, məhkəməyə təqdim edilib.
Mənim oğlum Fuadın təqsiri yoxdur, ümüdümüz O, bir olan Allaha və Sizədir. Sizdən xahiş edirəm ədalətin bərpa edilməsində bizə yaxından kömək edəsiniz. Xahiş edirəm bizi qəbul edib dinləyib kömək edəsiniz.
Hörmətli Mətbuat!
Qeyd edim ki, Fuadın 14.10.2010-cu il tarixdə həbs edilib, Ucar rayon Məhkəməsinin 26.09.2011-ci il tarixli hökmü ilə, AR. CM-nin 221.3-cü maddəsi ilə təqsirli bilinib 6-il 6-ay müddətində azadlıqdan məhrum edilib. Hökmdən verdiyi apellyasiya şikayəti üzrə Şirvan Apellyasiya Məhkəməsində hakim Amil Dosiyevin sədrliyi ilə 1-ildir ki, istintaq aparılır.
Qondarma ittihama əsasən Fuad guya 03 iyul 2010-cu il tarixdə qondarma zərərçəkənlər Akif Cəfərovu və Azad Hüseynovu saat 18 radələrində Ucar postunun qarşısında bıçaqla vurub onlara xəsarət yetirməklə xuliqanlıq cinayəti törədib.
Bununla yanaşı qeyd edim ki, evladım Fuadın Hüquqlarını İnsan Haqqları Monitorinq Qrupu müdafiə edir. Hüquq müdafiəçiləri Novellaxanım Cəfər oğlu, Səidə Qocamanlı, Səadət Bənanyarlı, Çingiz Qənizadəyə dərin minnətdarlığımı bildirirəm. Xahiş edirəm onların mövqeyini də öyrənəsiniz. Onlar bu iş üzrə qondarma zərərçəkən şahidləri qəbul edib dindiriblər. Bütün sübutlar faklar onlarda var.
Allahdan sizə uzun ömür, möhkəm can sağlığı və işlərinizdə daima uğurlar arzulayıram. Sizdən xahiş edirəm bu müraciətimi dərc edəsiniz.
