
"Naxçıvanda onsuz da əhali qalmayıb. 500 min vətəndaşdan yarısı bu yenilərin əlindən başını götürüb gedib. Yerdə qalanını da yarıtmaz səhiyyə sistemi qırır. TƏBİB Naxçıvanda ləğv olundu... amma gərək elə səhiyyə nazirliyini də ləğv edib, xəstəxanaları birbaşa Bakıya tabe eləsinlər. Çünki bunlar düzələnə oxşamır. Bir ara dedilər ki, DTX Naxçıvan Səhiyyə Nazirliyini araşdırır... amma görünəni odur ki, kimsəyə dəymədilər... yenə də özbaşınalıqdır".
"DİA-AZ" xəbər verir ki, bu barədə Naxçıvan sakinləri adından edilən müraciətdə deyilir. Müraciət müəllifləri daha sonra bildirir:
"Naxçıvanda həkimlər iki gündən bir yoxa cıxır. Gedirsən həkimə deyirlər, "burda yoxdur... Türkiyəyə gedib". Belə özbaşınalıq olar? Allah özü bizə kömək olsun...
Naxçıvanda səhiyyə, təhsil, ölüb ağlayan yooxdur...
Doğum mərkəzində 9 ayı keçmiş xəstəni əməliyyat eləmirlər... Deyirlər ki, olmaz... Millət çarəsizlikdən bəyənmədiyimiz Iğdıra üz tutur...
Naxçıvanda tibb sahəsi o qədər geridə qalib ki, xəstələnmək günah sayılır daha... Çanki xəstələndinsə... ölümü göz önünə almalısan..."
Qeyd edək ki, daha sonra müraciətdə ad çəkərək ittihamlar səsləndirilir. Bu barədə müəyyən dəqiqləşdirmə aparandan sonra daha geniş faktları təqdim edəcəyik. Bizi izləməyə davam edin...