Xaçmaz rayonunun Ləcət kənd sakini Həmidə Zülfüqarova keçmiş həyat yoldaşı Əziz Mahirovdan şikayətçidir. "DİA-AZ"ın məlumatına görə, vətəndaş bildirir ki, 2009-cu ildə Əziz Mahirovla rəsmi nikaha daxil olub və bu evlilikdən 2010-cu il təvəllüdlü bir övladı dünyaya gəlib.
Onun sözlərinə görə, müəyyən səbəblərə görə cütlük 2013-cü ildə ayrılıb. Məhkəmənin qərarı ilə uşağın saxlanması üçün Əziz Mahirovun aylıq 170 manat aliment ödəməsi müəyyən edilib. Lakin Zülfüqarova iddia edir ki, keçmiş həyat yoldaşı artıq 2 ildən çoxdur aliment borcunu qərəzli şəkildə ödəmir.
O, idda edir ki, məsələ ilə bağlı dəfələrlə aidiyyəti üzrə Xaçmaz rayon İcra və Probasiya Şöbəsində onun işini icra edən Faqil Adğözəlova müraciət etsə də, nəticəsi olmayıb. Onun sözlərinə görə, Əziz Mahirov nə aliment borcunu ödəməsi üçün xəbərdarlıq edilir, nə həbs olunur, barəsində heç bir tədbir görülmür.
Vətəndaş "DİA-AZ" vasitəsilə aidiyyatı dövlət qurumlarına müraciət edərək Xaçmaz rayon İcra və Probasiya Şöbəsində işini yerinə yetirməyın icraç Faqil Adgözəlov barəsində təbir görülməsini və övladının ehtiyaclarını ödəyə bilməsi üçün yığılmış aliment borcunun ödənilməsinsə ona kömək etmələrini xahiş edir.
