"SOCAR böyük bir sirk səhnəsidir... oyunbazlarla doludur. Rüşvət, korrupsiya və s. məsələlər barəsində SOCAR-a ünvanlanan ərizə və şikayətlər ərizə şikayətlər şöbəsini rəisi kimi özünü təqdim edən Ziyad "müəllim" in üstünə gedir və o da özünəməxsus formada "araşdıraraq", nəticəsiz həll edir..." "DİA-AZ" xəbər verir ki, bunu öz gileyində Emil Tahirov adlı SOCAR əməkdaşı ifadə edib.
Narazı vətəndaş daha sonra bildirir: "Bunu tam olaraq necə həll edir, deyə bilmərəm... bir onu bilirəm ki, insanların əziyyəti özünə qalır. Qaldı ki, vakansiya ilə bağlı SOCAR-da həyata keçirilən oyunbazlıqlara... boş şeydir... Kim tapşırılır və ya əlində babat pulu varsa, o da o vakansiya üzrə müyyən olunmuş ştata yerləşdirilir.
Bundan əminəm.
Ötən ilin oktyabr ayında cənab Prezidentimizə ünvanladığım ərizənin araşdırılması üçün Ziyad "müəllim" mənə zəng vurdu. Söhbətimiz zamanı "Azəriqaz" İstehsalat Birliyinin Ağsu RQİİ-də baş verənləri detalları ilə açıq-aydın desəm də, bu günə qədər nəticəsiz qalıb.
Halbuki dediklərimi özüm eləmiş olsaydım, indi çoxdan dəmir barmaqlıqlar arasında seyr edirdim olanları. Səmimi söhbət əsnasında mənim tələbimin nə olduğunu soruşdu... dedim R.Nəcəflə görüşmək istəyirəm... bir neçə ay keçməsinə baxmagaraq bu istəyim də yerinə yetirilmədi. Aydın olanı odur ki, bizə oturub ümidlə gözləmək qalır..."
