DİA.AZ: - 10 May ərəfəsi əfv fərmanının veriləcəyi gözlənilsə də, sonradan bu qərarın 28 May - Respublika Günü münasibətilə rəsmiləşəcəyi haqda informasiyalar yayıldı.
Bu barədə DİA.AZ-a danışan hökumət içindəki mötəbər mənbənin bildirdiyinə görə, ümumiyyətlə, gözlənilən əfv fərmanı ilə bir neçə tanınmış məhbusun azadlığa çıxması planlaşdırılır.
Mənbə bildirir ki, onların arasında sabiq OMON-çular da var. Hansılar ki, ömürlük həbsə məhkum ediliblər və dəfələrlə onların cəzalarının 15 illik cəzaya dəyişdirilməsi ilə bağlı müxtəlif instansiyalara müraciətlər edilib.
dia-az.life-a daxil olan məlumata görə, Respublika Günü münasibətilə veriləcək əfv qərarı ilə eyni zamanda bir neçə dindar məhbusun, habelə adı «siyasi məhbus» siyahısında yer alan şəxslərdən bəzilərinin və 2 jurnalistin da azadlığa çıxması gözlənilir.
