"Şikayətim "BAKU ELECTRONİCS"dəndir..." "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımında Zərifə Cəfərova adlı istifadəçi gileylənir.
Narazı vətəndaş daha sonra bildirir: "8 fevral tarixində "Baku Electronics"in baş ofisindən nağd alışla 850 azn ödəyib (+66 azn texniki detal sığortası) "Yoshiro" markalı soyducu aldım, (qeyd: alanda həmin məhsulun stokda cəmi 1 ədəd qaldığı qeyd edilmişdi) 9 fevral tarixində məhsul gətirildi, çox qaçaqaç bir vəziyyətlə imzanı çəkdim təhvil təslim edildi, 10 dəqiqə sonra üzərində istehsal qüsuru olduğunu gördüm. İlk silməyə çalışdım , ləkə getmədi, sonra şəkili Chat GPT əlavə edəndə ləkənin səbəbi bu formada qeyd edildi : Bu toz, yağ, barmaq izi, nəqliyyat kiri tipli şey OLA BİLMƏZ. Bu, böyük ehtimalla: temperli şüşənin istehsal zamanı örtük qüsuru, ya da şüşə laminasiyasında texnoloji defektdir. Bunu gördükdən sonra daşınma üçün gələn ustalara yığdım “aldığınız mağaza ilə danışın” dedilər, daha sonra çağrı xidmətinə yığdım servisə yönləndirdilər, servisə yazdım onlar da eyni cavabı yazdılar. Mağazaya getdim, baş ofisə. Müştəri xidmətləri bölməsində Lamiyə xanım problemi dinlədi, nömrəmi aldı dedi 3 gün ərzində sizə zəng gələcək, usta gəlib baxış keçirəcək, qərar qəbul ediləcək : ya ödənişin bir miqdarı geri ödəniləcək endirimli qiymətlə satış olacaq, ya məhsul dəyişdiriləcək eyni məbləğdə soyuducu ilə, ya da soyuducu geri qaytarılıb ödənişiniz geri ödənəcək. Mən həmin həftəni gözlədim usta nə zəng etdi nə baxış keçirdildi. 14-ü yəni həftənin 6-cı günü yenidən mağazaya gedib yenidən Lamiyə xanıma yaxınlaşdıq. O əlaqə saxladı usta göndərən bölmə ilə, məlum oldu ki həmin bölmənin əməkdaşı nömrəni yanlış qeyd edib əlaqə yaratmağa çalışıb və nömrə təyin edilmədiyi üçün şikayəti bağlanmış şikayətlər dosyesinə əlavə edib. Bu artıq nə dərəcədə məsuliyyətsizlikdir? Bizi əmin etdilər ki həmin gün ərzində ən geci 1-ci gün yəni ayın 16-sı usta əlaqə saxlayıb gələcək. 6-cı günü zəng gəldi ərazini soruşdular ünvanı qeyd etdim. Dedilər o əraziyə biz baxmırıq ora baxan usta yığacaq sizə. Mən artıq əlavə 2 gün də gözlədim yenə xəbər çıxmadı. Sonuncu dəfə Lamiyə xanımın otağından çıxanda özünə də bildirdim ki 3-cü dəfə artıq gəlməyəcəm mağazanıza, şikayətimi bir başa Antiinhisar və İstehlak Bazarına Nəzarət Dövlət Agentliyi-ə yazacağam. Yazdım əlavə olaraq buradan da paylaşıram ki bəlkə bir xeyiri olar.
Məsələ budur ki , bu kosmetik bir qüsurdur. Lakin mən qüsurlu məhsulu niyə orjinal qiymətinə əldə etməliyəm? Əgər outlet mağazada görüb bilib alsaydım bu daha doğru olardı, deffektli məhsulu stokda saxlayıb, öz qiymətinə satışını etmək dolandırıcılıqdır. Problemi yerində həll etmək əvəzinə məsuliyyətdən qaçmaqları isə iki qat dolandırıcılıqdır. Tələbim odur ki qeyd etdikləri kimi qısa bir müddətdə baxış keçirtsinlər və qatşılıqlı razılıq əsasında əldə olunan qərar həyata keçsin.
Hal hazırda məni bu qədər tələsdirən odur ki mən soyuducudan istifadə edə bilmirəm, necə qoyublarsa o cür də qalır mətbəxdə. Qutusuna qədər saxlamışam. Bir problem olmasın..."
