Fotonun alt sətri nə idi?
Və niyə məhz belə bir foto ilə Prezident mesajını qeyri-siyasi təqdimatla bəyan etdi?
İnsan öz evində rahat olur, sərbəst davranır və bu, onun ən qabarıq instinktidir.
Lakin Zəngilandan, İlham Əliyevin istirahət və qələbə mesajı verdiyi nöqtədən Ermənistana aşağı-yuxarı 3 km olar, olmaz.
İstirahət hüquqdan əvvəl arxayınlıq, təhlükəsizlik və özünəinamın təcəllisidir ki, kimsə onu orada təhdid edə bilməz.
Qalibiyyətin işarəsini isə görüşdə zatən bəyan etmişdi:
“Biz istəmirdik ki, Ermənistanla savaşaq və onu məcbur qalaraq məğlub edib, özümüzdən asılı vəziyyətə salaq”.
Zatən Ermənistandakı seçkilərin baş şüarı da bu deyilmi?
“Paşinyan Əliyevin vassalıdır”, — deyir müxalifət.
Yeri gəlmişkən, burada zidd heç nə yoxdur, təbiidir və bu əsər də Prezident Əliyevin gücünün ifadəsidir. Sadəcə Paşinyan örnəyini Koçaryana, Karapetyana da göstərdi ki, revanşizmin fərqli aqibəti ola bilməz və erməni xalqı üçün hazırda açılan qapıları birilərinə görə əbədi bağlamağa dəyməz.
Koçaryan demişkən, bu əcaib varlıq seçkilər çərçivəsində Göyçənin Şişqaya kəndinə gəlib, bir xeyli də sərsəmləmələrdə bulunub.
Amma xatırlatmaqda fayda var:
General Madatovun başını külləyib Qarabağın kəndlərini Mehdiquludan aldığı dövrü çoxdan bizdə qapadıblar. Allah Ələsgərə rəhmət eləsin, Göyçə torpağı da sevənləri üçün müqəddəsdir, oradan da Qarabağ qoxusu gəlir.
Belə bir fotonu Göyçə sahilində də görəcəyik, lakin dediyimiz kimi, işğalla deyil.
Əziz Əlibəyli — Beynəlxalq münasibətlər üzrə tədqiqatçı
"DİA-AZ"
