Gənclər və İdman Nazirliyində aparılan audit yoxlaması zamanı bir sıra pozuntular aşkarlanıb.
Teleqraf-ın məlumatına görə, auditin əhatə dairəsi məbləğ baxımından 32 milyon manatdan çox olub.
Audit zamanı müəyyən edilib ki, sifarişçi tərəfindən “Azərbaycan Respublikası Dövlət İnvestisiya Proqramının tərtibi, icrası, monitorinqi və qiymətləndirilməsi Qaydaları”nın tələblərinə riayət edilməyib.
Belə ki, “Bakı şəhəri, Qaradağ rayonu, Ələt qəsəbəsi ərazisində mini futbol meydançası və idman zalı binasının tikintisi” obyekti üzrə resurs metodu ilə hesablanmış smeta sənədlərinə bəzi işlərin vahidinin qiymətinin sistemlə müəyyənləşdirilmiş qiymətdən də yüksək qiymətlə daxil edilməsi işlərin müqavilə dəyərinin ümumilikdə 101640,53 manat artırılması ilə nəticələnib.
Eyni hal Qaradağ rayonu Sanqaçal qəsəbəsində İdman zalı və mini futbol meydançasının tikintisi zamanı da baş verib. Qiymətlərin düzgün tətbiq edilməməsi hesabına işlərin dəyəri 92397,4 manat, Olimpiya hərəkatı və İdman Muzeyinin tikintisi obyektinin smeta sənədlərinin tərtibində isə torpaq işlərində daşınma həcminin düzgün göstərilməməsi, dövlət ekspertizasından keçmiş layihə ilə müəyyənləşdirilmiş həcmlərdən artıq həcmlərin, eləcə də layihədə nəzərdə tutulmayan işlərin daxil edilməsi hesabına işlərin dəyəri 275659,3 manat artırılıb və podratçı təşkilatlara artıq ödənişlər edilib.
“Olimpiya hərəkatı və İdman Muzeyinin tikintisi” obyektinin Gənclər və İdman Nazirliyinin inzibati binasına çevrilməsindən sonra dövlət ekspertizasından keçmiş layihə-smeta sənədlərində söküntü işləri nəzərdə tutulmadığı halda müqavilə və yerinə yetirilmiş işlərin qəbul aktına söküntü işlərinin daxil edilməsi işlərin dəyərinin artması və podratçıya 58275,7 manat artıq ödənilməsinə səbəb olub.
Sirişçi tərəfindən “Olimpiya hərəkatı və İdman Muzeyinin tikintisi” layihəsi üzrə əvvəlcədən layihənin qiymətləndirilməsini özündə əks etdirən investisiya təkliflərinin hazırlanmaması, texniki-iqtisadi əsaslandırmaların aparılmaması və prioritetliyin düzgün seçilməməsi, sonradan layihənin prioritetliyinin itirilməsi və daha prioritet layihə kimi Gənclər və İdman Nazirliyinin inzibati binasına çevrilməsinə səbəb olmaqla yanaşı, investisiya xərcləri üzrə 3420867,2 manat izafi xərcə yol verilməsi və obyekt üzrə 283412,4 manat dəyərində alınmış 19 AUDİTOR TRİBUNASI 2025, № 4 tikinti materialının obyektin təyinatına uyğun olmaması ilə nəticələnib.
Auditlə əhatə olunan “Olimpiya Hərəkatı və İdman Muzeyi” kimi tikintisinə başlanılmış obyektin Gənclər və İdman Nazirliyinin inzibati binasına çevrilməsi”, “Bakı şəhəri, Xəzər rayonu, Türkan qəsəbəsi ərazisində mini futbol meydançası və idman zalı binasının tikintisi” və “Bakı şəhəri, Qaradağ rayonu, Puta qəsəbəsi ərazisində mini futbol meydançası və idman zalı binasının tikintisi” obyektlərinin smeta sənədlərində müəyyənləşdirilmiş həcmlərdən fərqli və faktiki icra edilməyən bəzi işlərin yerinə yetirilmiş işlərin qəbulu aktlarına daxil edilməsi tikinti normativlərinin tələblərinin gözlənilməməsi ilə yanaşı, işlərin həcminin və dəyərinin 3 obyekt üzrə ümumilikdə 757245,71 manat artırılması və podratçıya artıq ödənilməsi ilə yekunlaşıb.
Sifarişçi tərəfindən dövlət əsaslı vəsait qoyuluşu hesabına maliyyələşdirilmiş obyektlərdən tikintisi başa çatmış və balansa qəbul edilmiş “Bakı şəhəri, Xəzər rayonu, Türkan qəsəbəsi ərazisində mini futbol meydançası və idman zalı binasının tikintisi” obyektinin, eləcə də İstismara razılıq Aktı mövcud olan, lakin balansa qəbul edilməmiş “Bakı şəhəri, Qaradağ rayonu, Puta qəsəbəsi ərazisində mini futbol meydançası və idman zalı binasının tikintisi” obyektinin audit dövrünədək fəaliyyətsiz saxlanılması dövlət əmlakından səmərəli istifadənənin təmin edilməməsi ilə yanaşı, onun idarəetmə və istifadəsində də bəzi izafi xərclərin yaranmasını şərtləndirir.
Nəzarət tədbiri ilə əhatə olunan obyektlərdən 3 obyekt üzrə qanunvericiliklə müəyyənləşdirilmiş qaydaya uyğun əsaslandırıcı sənədlər olmadan vəsaitlərin ödənilməsi hallarının olması dövlət satınalmalarını və mühasibat uçotunu tənzimləyən qanunvericiliyin tələblərinin gözlənilməməsinə səbəb olmaqla yanaşı dövlət vəsaitinin də uzun müddətli özəl qurumların istifadəsində saxlanılmasına şərait yaradıb.
