“Azərbaycanın Gəncə hava limanından qalxan Türkiyəyə məxsus C-130 hərbi təyyarəsi qəzaya uğrayıb. Hərbi təyyarənin qəza görüntülərinə baxdığımız zaman xaricdən müdaxilə və ya təyyarənin daxilinə hansısa partlayıcının yerləşdirilməsi ön plana çıxır. Üçüncü variant isə, təyyarənin hansısa bir qüsur səbəbindən düşməsidir. Normal halda təyyarənin mühərriklərinin 4-ü də dayansa, bu şəkildə qəzaya uğramamalı idi. AZAL-a məxsus təyyarənin Qroznuda vurulduğu kimi təyyarə qəribə bir şəkildə birdən alovlanmağa başlayır və yerə düşür”.
Bu barədə Bizimyol.info xəbər portalına danışan Türkiyənin Qafqaz Araşdırmaları Mərkəzinin rəhbəri, siyasi analitik Həsən Oqtay bildirib ki, 10 noyabr atəşkəs razılaşmasının 5-ci ili tamam oldu, bunu sülhlə taclandırmamağın gərginliyi və sülh bağlanması yerinə Bakıda hərbi paradın keçirilməsi üzərinə bu hadisə olunca istər-istəməz fərqli sui-qəsd nəzəriyyəsi ağıla gəlir: “Biz 3 təyyarə - biri AZAL-a məxsus, digəri Suriya sərhəddində düşən hərbi təyyarə, bir də İran prezidenti İbrahim Rəisinin helikopterinin Azərbaycanda bir bənd açılışından sonra ölkəsinə dönərkən dağlıq bir ərazidə təyyarənin elektronik bir müdaxilə ilə vurulması hadisələri baş verdi. Biz bunun bir sui-qəsd olduğu barədə fikir bildirmişdik. Bu üç təyyarə üçbucağında Qafqazda baş verən hadisələrə baxdığımız zaman Türkiyə-Azərbaycan-Ermənistan sülh müqaviləsinin imzalanması lazım idi. Bu günə qədər qalmamalı idi. Bir tərəfdən Türkiyə Azərbaycandakı hərbi tədbirlərə qatılarkən, digər tərəfdən Türkiyə sülh müqaviləsinin imzalanmasını arzulayırdı”.
Politoloq hesab edir ki, Gürcütsanla Türkiyə münasibətləri olduqca yaxşıdır və bu münasibətləri pozmaq istəyənlər Gürcüstan daxilindən bir əməliyyat həyata keçirə bilərlər: “Xəritəyə baxdığınız zaman araya Azərbaycan torpağı girdiyi üçün, təyyarənin qəzaya uğradığı yerlə Ermənistanın yerləşdiyi məkana nəzər yetirdiyiniz zaman Ermənistandan hansısa bir müdaxilənin edilməsi çətin görünür. Digər tərəfdən Rusiya torpaqları-Dağıstan üzərindən bir xarici əməliyyat həyata keçirilmiş ola bilər.Daxildən bir sui-qəsddirsə, bunun İbrahim Rəisinin təyyarəsinin düşməsi ilə birlikdə dəyərləndirimiz zaman bir İsrail əməliyyatı şəklində ifadə etmək mümkündür”.
Həsən Oqtay bu sadaladıqlarının sadəcə bir ehtimal olduğunu dilə gətirərək bildirib ki, bölgənin strateji olduğunu nəzərə alaraq, Rusiyanın kənarlaşdırılması və Rusiya və İran sanksiyaları nəzərə alınaraq, dünən Əhməd əş-Şaraa ilə Trampın görüşməsi, Türkiyə Xarici İşlər naziri Hakan Fidanın da bu görüşə qatılması bölgədə bir risk və ya təhlükə müddətinə girildiyini ifadə etmələri mümkündür.
Həsən Oqtay hesab edir ki, Cənubi Qafqazda sülh müqaviləsi yubandıqca, bu və buna bənzər hadisələr baş verəcək.
