Azərbaycanın iri sement istehsalçısı olan “Holcim Azərbaycan” ASC-yə yeni baş direktor təyin edilib.

Banker.az-ın əldə etdiyi məlumata əsasən, cari ilin iyulundan etibarən Serchio Stoikov (ingilis dilində: Sergiu Stoicov) şirkətin direktoru təyin edilib. Serchio Stoikov şirkətin konsolidə edilmiş audit hesabatına da direktor kimi imza atıb. O 2021-ci ildən bu vəzifədə çalışan Xalid Samakanı (Khalid Samaka) əvəz edib. X.Samakadan öncə isə bu vəzifədə Frederik Qumbalı idi.

X.Samaka 2001-ci ildən “LafargeHolcim Russia”da çalışıb. O, 2017-ci ildən “LafargeHolcim Russia”da texniki direktor vəzifəsində çalışıb. Bundan əvvəl isə o, Rusiyanın Kolomna və Voskresensk şəhərlərindəki sement zavodlarına rəhbərlik edib. Onun öz açıqlamasında isə “LafargeHolcim”un Mərakeşdəki törəmə zavodu olan “LafargeHolcim Maroc”da fəaliyyətini davam etdirəcək.

Serchio Stoikov isə 2021-ci ildən etibarən “Holcim Azerbaijan” ASC-də Kommersiya direktoru idi. Moldavan əsilli kadır ilk fəaliyyətinə “Holcim Moldova”da başlayıb.

Xatırladaq ki, 70 ölkədə fəaliyyət göstərən “Holcim” şirkətı Azərbaycanda 2000-ci ildən fəaliyyətə başlayıb. Onun nizamnamə kapitalı 31 mln 812 min 880 manatdır. Şirkətin səhmlərinin 86 %-i İsveçrənin “Lafarge Holcim” və “Holcim Auslandbeteiligungs GmbH.” şirkətlərinə (müvafiq olaraq 76 % və 10 %), 14%-i isə fiziki şəxslərə məxsusdur. “Holcim Azerbaijan”in illik istehsal gücü 1,7 milyon tondur.