DİA.AZ: - Bir neçə ay əvvəl Azərbaycan Respublikasının prezindeti İlham Əliyev mərkəzi və yerli icra orqanlarında korrupsiyaya bulaşmış şəxslərin ciddi cəzalandırılması ilə bağlı fikirlər səsləndirdi. Bundan sonra bir çox rayonlarda, o cümlədən Ağstafada da yoxlamalar aparmağa başladı. Bu müxtəlif sahələri əhatə etdi.

Hazırda isə yoxlamalar BTC boru kəmərininn keçdiyi rayon və kəndləri əhatə edir. Bu barədə DİA.AZ-a göndərilən məlumatda deyilir.

Daha sonra xəbərdə bildirilir: "BTC boru kəməri Ağstafa rayonunun Saloğlu, Ağgöl qəsəbəsi, Aşağı Göyçəli, Qırlı, Poylu, Qıraq Kəsəmən, Zəlimxan kəndlərini əhatə edir. Bu kəndlərdə isə onlarla icarədarın adına torpaqların 10 il bundan qabaq icarə müqaviləsi əsasında götürülməsi və milyonlarla vəsaitin mənimsənilməsinə şəraitin yaradılmasından söhbət gedir. Hətta, bu faktların açılmasına səbəb kimi Respublika Prokurorluğuna, Korrupsiyaya qarşı Mübarizə İdarəsinə şikayət olunduğu, bunun əsasında rayon prokurorluğunun araşdırma aparması bildirilir. Düzdür, bir müddət əvvəl “Bələdiyyələrlə bağlı araşdırmalar zamanı aktlarda qanunsuzluqlara rast gəlirik. Araşdırma nəticəsində ciddi qanunsuzluqlar aşkar olunduqda mütləq onun hüquqi qiymətləndirilməsi məsələsi gündəmə gəlir. Respublika prokurorluğuna göndəririk” – demişdir, Ədliyyə Nazirliyi Bələdiyyələrlə İş Mərkəzinin rəisi Mehdi Səlimzadə. Amma hazırda göstərişin Mehdi Səlimzadədən gəldiyi inandırıcı görünmür. Çünki, Ağstafa BTC-nin keçdiyi kəndlərdə istifadəçi icarədarların istifadəsinə düşən boru xəttinə aid ərazilərdə aparılan yoxlamaların yuxarıdan istiqamət aldığı qənaəti yaranır. Bundan əlavə, bir neçə il bundan qabaq bələdiyyələrin qanunsuz olaraq torpaq satışı həyata keçirmələri, bələdiyyədə baş verən özbaşınalıqlar ölkə prezidenti İlham Əliyev tərəfindən gündəmə gətirildi. Çünki, prezident İlham Əliyevin bələdiyyələr tərəfindən torpaq satılmasına dair qadağanı əks etdirən 2006-cı ildə imzaladığı sərəncamın tərəfləri bir çox bələdiyyə sədrləri tərəfindən pozulub, əvvəlki tarixə torpaq satılıb.

Məsələn, 2004-cü ildə Ağstafa rayonunun Qıraq Kəsəmən kənd bələdiyyəsinə sədr olan Şahin Əhmədov 2001-ci il tarixinə özündən əvvəlki bələdiyyə sədri Zeynəb Vəliyevanın adına akt tərtib edərək dövlət əmlakının mənimsənilməsi halına yol verməsidir. Belə ki, guya kənd sakini Əhmədov Sübhi Həşim oğlunun adına olan torpaqdan keçən neft boru kəmərinə görə ona 75 min manat pul verilməli imiş. Bələdiyyə sədri Sübhi Əhmədovu aldadıb. Bir ay sonra Sübhi Əhmədovun adından qanunsuz etibarnamə əldə edilib. Bundan Sübhi Əhmədovun xəbəri olmayıb. Kənd bələdiyyə sədri qanunsuz etibarnamə əsasında Sübhi Əhmədovun adına olan 75 min manatı Şahin Əhmədov Qazax rayon Mərkəzi Bankından çıxararaq mənimsəmişdir. Hələ də bu moxinasiya Əhmədov Sübhi Həşim oğlu üçün onun adına olan torpaqdan neft-boru kəmərinin keçdiyinə dair müəmmalı olaraq qalır. Əslində, Sübhi Əhmədovun adına olan torpaq sahəsi başqa şəxsin adına olub, Sübhi Əhmədovun adına saxta olaraq rəsmiləşdirilib. Hətta o da bildirilir ki, Şahin Əhmədov bu kimi bir neçə işə Rayon İcra Hakimiyyətinin 1-ci müavini Ramiz Tatarov və icra hakimiyyətində şöbə müdiri işləyən Şaiq Qurbanov tərəfindən məcbur edilib. Həmin vaxt rayonun icra başçısı Cümşüd Musayev olub. Hazırda Cümşüd Musayev Rayon Statistika İdarəsinin rəisi vəzifəsində çalışır".

Daha sonra diaaz.space-a daxil olan məlumatda deyilir: "Digər tərəfdən, prokurorluq QHT xətti vasitəsi ilə kənddə abadlıq və içməli su probleminin həlli üçün verilmiş 120 min manat vəsaitin bəlli olmayan səbəblərdən hara xərclənməsini araşdırır. O cümlədən, Şahin Əhmədov neft-boru kəmərinə yaxın mühafizə zolağına aid torpaqlarda 200 həyətyanı sahə satıb. Bu da prokurorluq tərəfindən araşdırılır. Qanunla ölkə prezidentinin sərəncamına əsasən boru kəmərinin ətrafı istifadə edilə bilməz, bu da nəzərə alınmayıb. Buna əsasən, bu torpaqlara Dövlət Torpaq və Xəritəçəkmə Komitəsindən şəhadətnamə verilməyib. Çünki, həmin torpaqlar bələdiyyə mülkiyyətinə aid olan ehtiyat fond torpaqları kateqoriyasına aid olub. Bu torpaqlara isə dövlət aktının verilməsini Dövlət Torpaq və Xəritəçəkmə komitəsi qanunsuz hesab edib. Səbəbi belə izah edilib ki, bələdiyyəyə məxsus ehtiyat fond torpaqları vətəndaşlara həyətyanı uçastka kimi satıla bilməz. Şahin Əhmədov isə vətəndaşlardan 6 il bundan qabaq hər bir həyətyanı uçastkaya görə 300 manat alıb. Həmin torpaqların bələdiyyənin ehtiyat fondundan çıxarılaraq Dövlət Ehtiyatı Fonduna aid edildiyi əsas götürülüb və bu hal qanunazidd bir addım kimi dəyərləndirilib. Bu kimi sual doğuran və qaranlıq maliyyə sövdələşmələrində adı hallanan bələdiyyə sədri hazırda narahat olmağa başlayıb, çünki rayon prokurorluğu yoxlamalar aparır. Rayon prokurorluğunun yoxlaması rayon İcra Hakimiyyətinin I müavini Ramiz Tatarova, o cümlədən Ərazi İdarəetmə orqanları üzrə şöbə müdiri Şaiq Qurbanovu narahat edir. Səbəb Ramiz Tatarov o vaxt rayon torpaq komissiyasının sədri olub, hər şeyi bilir, daha doğrusu özü edib.
Elə bu səbəbdən BTC ətrafında aparılan yoxlamalar borunun 40 metrliyindən keçəcək TANAP xəttinə görə istifadəçi icarədarlara aid torpaqlara dair birdəfəlik kompensasiyaların verilməsində şübhəli məqamları ortaya çıxarmışdır. Məlum olmuşdur ki, H.Əliyev adına BTC və Bakı-Tblisi-Ərzurum kəmərlərinin Ağstafa rayon ərazisindən keçən Qıraq Kəsəmən kəndində istifadəçi Vəliyev Hacıməmməd Hüseyn oğlunun adına olan torpaq sahəsindən boru xətləri keçir. BTC boru xəttinə dair Vəliyev Hacıməmməd Hüseyn oğluna 10 il bundan qabaq yüksək məbləğdə kompensasiya verilib. İstifadəsində olan icarə toprağı Sənaye və Energetika Nazirliyinin elektron bazasında 2066-cı ilə kimi Vəliyev Hacıməmməd Hüseyn oğlunun adına rəsmiləşdirilib. Vəliyev Hacıməmməd Hüseyn oğlu dünyasını dəyişdikdən sonra bu torpaq rəsmiyyətlə həyat yoldaşı Vəliyeva Zeynəbin adına keçib. Hazırda məlum olur ki, 2066-cı ilə kimi icarədar Vəliyev Hacıməmməd Hüseyn oğlunun həyat yoldaşı bu hüquqdan məhrumdur. Yəni, torpaq Zeynəbin adından çıxarılaraq saxta sənədlərlə digər şəxsin adına rəsmiləşdirilib. Bu 2010-cu ildən sonra baş verib. İcarədar Zeynəb Vəliyevanın bundan xəbəri olmayıb. Məqsəd TANAT boru xəttinə görə veriləcək yüksək məbləğdə kompensasiyanın mənimsənilməsidir. Bunu mənimsəmək istəyən şəxs isə təbii ki, havadarı Ramiz Tatarov başda olmaqla, kənd sakini Yaqubəliyev Ələddindir. Qıraq Kəsəmən kənd icra nümayəndəsi Yaqubəliyev Nurəddinin atası Yaqubəliyev Ələddin Əmrah oğlu, Ramiz Tatarovun himayəsi altında icarədar Vəliyev Hacıməmməd Hüseyn oğlunun adına olan torpağa veriləcək kompensasiyanı mənimsəmək istəyir. Amma oğlu icra nümayəndəsi olan Ələddin Yaqubəliyev fikirləşməyib ki, Sənaye və Energetika Nazirliyinin elektron bazasında 2066-cı ilə kimi məlumat bazasındakı sənədlərə əhəmiyyət veriləndə belə biabırçı faktların üstü açılacaq.

2003-cü il Nazirlər Kabinetinin qərarına əsasən, istənilən strateji əhəmiyyət daşıyan boru kəmərinin 250 metr sağ və solu istifadəyə və icarəyə verilə bilməz. Ağstafa rayonunda boru kəmərlərinə görə verilmiş kompensasiyalara baxılsa, onlarla cinayət faktı aşkarlanar. Təbii ki, rayon icra hakimiyyəti başçısının birinci müavini Tatarov Ramiz Cahangir oğlundan soruşulsa ki, siz rayon komissiyasının bu işlərlə bağlı sədri olmusunuz, nə cavab verə biləcəyini isə təsəvvür etmək mümkün deyil. Baxın, qanunsuzluqlar o həddə çatıb ki, bu qanunsuz “çete” özlərinə yeni himayədarı rayon neft kəmərləri idarəsinə rəis gətiriblər. Bu şəxs məhkəmə sistemində yüzlərlə qanuna zidd qətnamə və hökm çıxaran, ölkə prezindeti İlham Əliyevin fərmanı ilə vaxtından əvvəl işdən çıxarılan Qazax rayon Məhkəməsinin sədri İlham Hüseynovdur. Ağstafa və Qazax rayonlarında məhkəmə sədri işləyən İlham Hüseynovdan Azərbaycan Respublikasının Ədliyyə naziri, Məhkəmə Hüquq Şurasının sədri Fikrət Məmmədova ölkə prezidenti İlham Əliyevə olunan şikayətlərin təsdiqini tapması onun məhkəmə sistemindən uzaqlaşdırılmasına səbəb olmuşdur. İndi İlham Hüseynov strateji sahə olan kəmərlər idarəsinin rəisi işləyir. Qanunsuz hərəkətlərini davam etdirərək Vəliyev Kənan Hacıməmməd oğlunun da hüquqlarını pozur. Onun icarədar olmasına əhəmiyyət vermədən (müqavilə yolu ilə) istifadəsində olan torpağın digər şəxslərin adına rəsmiləşdirilməsində iştirak edir. Məlumatlara görə, bu faktın özü də Ağstafa rayon Prokurorluğu tərəfindən nəzarətə götürülmüşdür.

Məlumat üçün bildirək ki, mətbuat Ağstafanın “Lenin”i adlandırılan Ramiz Tatarovu “təcrübəli kadr” kimi xarakterizə etmişdi. Hətta, 2000-ci ildə Ramiz Tatarovun Şaiq Qurbanovla birləşərək Ağstafa rayonunda SSRİ dönəmindən çəkilmiş bütün yeraltı su borularını, yerüstü qaz xətlərini doğratdırıb qara bazarda satdırmaları haqqında məlumat vermişdir. Kolayır kəndində yerləşən böyük su paylayıcı stansiyasından rayonun bütün kəndlərinə gedən 330 mm-lik su borularını və rayon mərkəzindən 70 km aralıda Sadıqlı kəndinə gedən 530 mm-lik qoşa qaz kəmərlərini çıxartdırıb satılmasını yazmışdır. Ramiz Tatarovun turbo “brokoniyeri” kimi tanınan bacısı oğlu Balakişinin “komandası” Qravi çay hövzəsindən Ceyrançöl ərazisinə çəkilmiş Tovuz Su Təchizatı İdarəsinə məxsus 47,9 km 620 mm-lik, o cümlədən 377 mm-lik su kəmərlərini buldozerlə çıxartdırıb satdırmasını qeyd etmişdir.

2009-2010-cu illərdə Ağstafada aparılan abadlıq işlərini sabiq icra başçısı hazırda Statistika İdarəsinin rəisi Cümşüd Musayev Ramiz Tatarov və Şaiq Qurbanova tapşırmaqla, 800 min manat dövlət əmlakının talanmasına şərait yaratmasını vurğulamışdı. Rayonu talayan rayon təşkilatlarına hərrac kəsib onlardan rüşvət tələb edən bu şəxslərə qarşı tədbir görülmür, əksinə onların rayon əhalisinə zülm etməsini vurğulamışdır. “Təcrübəli Tatarov, Qurbanov tendemi” elə bir həddə çatıb ki, onlar hazırki icra başçısı Məhərrəm Quliyevi də saymır, kimi fikirləri yazmışdır. Rayonda daş karxanaları, mebel mağazaları, tikinti materialları mağazaları, restoranları, kafe və çayxanaları, mal-qara fermaları, un dəyirmanı, 300 hektarlarla torpaq sahələri olmasını bildirmişdir.

Hazırda görünən odur ki, yenə Ağstafanın “Lenin”ləri heç kimi saymır. Bütün problemlərinin pul ilə həll edirlər. Aparılan yoxlamaları pul ilə bağlamaq istəyirlər. Çünki, təcrübəli Tatarov TQDK-nı da pul ilə ala bilib. TQDK-nın xətti ilə 53 bal toplayan oğlu qəbuldan kənarda qalsa da, sonradan İqtisad Universitetinin Dağıstan filialına qəbul olub. Sonra Bakıya “perevod” edilib. Belə “rəhbərlər”dən Ağstafa əhalisinə xidmət edən olmadığı kimi onlarda Vətən sevgisi də olmaz. Məqsədləri rayonu çapıb-talamaq olan hər iki şəxs nədən məsuliyyətə cəlb olunmur? Korrupsiya tədbirləri nədən onlardan kənarda qalır, bilinmir".

diaaz.space olaraq qarşı tərəfi də dinləməyə hazırıq...