Azərbaycan Respublikasının Maliyyə naziri cənab S.Şərifova,
Azərbaycan Respublikası İqtisadiyyat Nazirliyinin Antiinhisar Depertamenti İdarəsinin rəisi cənab Z.İsayevə,
AR Maliyyə Nazirliyinin Dövlət Sığorta Nəzarəti Xidməti rəisinə,
AR Maliyyə Bazarlarına Nəzarət Palatasının sədri cənab R.Aslanova,
Ombudsman Aparatının rəhbəri cənab A.Səfixanlıya,
“PAŞA Sığortanın Direktorlar Şurasının sədri cənab Mir Camal Paşayevə,
“Azsığorta” ASC-nin sədri cənab T.Şükürova,
Bakı ş, Qaradağ rayonu, lökbatan qəsəbəsi, İ.Nəbiyev küç.,ev 3 ”A” ünvanda yaşayan Osmanov Azər Nəriman oğlu tərəfindən
Ş İ K A Y Ə T
28.08.2016-cı il tarixində, saat 02:00 radələrində Qaradağ rayonu, Lökbatan qəsəbəsi 28 may küçəsində hərəkətdə olarkən idarə etdiyim Mercedes Benz E-230 markalı 90 FX 029 qeydiyyat nişanlı avtomobilim Muradov Elşən Şahmalı oğlunun idarə etdityi VAZ 21074 markalı () FG 717 dövlət qeydiyyat nişanlı avtomaşınla toqquşmuş, toqquşmadan sonra mənim avtomobilim irəli hərəkət edərək yolun sol hissəsində beton bardyura dəydikdən sonra dayanmış halda olan İbrahimov Polad Abbas oğlunun idarə etdiyi Mercedes Benz 270 markalı, 90 SR 085 dövlət qeydiyyat nişanlı avtomaşına çırpılmışdır. Nəticədə hər üç avtomobil müxtəlif dərəcədə zədlənmişlər. Hadisə Qaradağ rayon Polis İdarəsində araşdırılmış və hər iki avtomobilin idarə edilməsində günahın olması barədə qərar qəbul edilmiş və hər iki avtomobilə yol hərəkəti qaydalarını pozduqlarına görə inzibati qaydada cəza verilmişdir.
Budur, bizim avtomobilin sığorta şəhadətnaməsi “Azsığorta” ASC tərəfindən verildiyinə görə VAZ 21074 markalı avtomobilə dəymiş ziyan hesablanmışdır.Lakin VAZ 21074 markalı, 90 FG 717 nömrəli avtomobilin sığortaçısı hesab edilən “ Paşa Sığorta” Şirkəti mənim avtomobilimə ( 90 FX 029 nömrəli) dəymiş ziyanı hesablayarkən qanunvericiliyə zidd hərəkətlərə yol vermişlər. Belə ki, hadisə zamanı avtomobilimin tam yarasız hala düşməsini həm “Azsığorta”ASc-nin, həm də “Paşa Sığorta” şirkətinin qəza komissiya əməkdaşları video və foto çəkilişlər apararaq belə nəticəyə gəlmişlər ki, biz bu avtomobilə tam yarasız vəziyyətə düşdüyünə görə maksimum 5500AZN pul kompensasiyası ödəyə bilərik. Polis İdarəsində təhqiqat başa çatmış və bu müddət ərzində mən avtomobilimin tam yarasız hala düşməsinə görə xarici və daxili təsirlər nəticəsində mühərrik hissəsi sıradan çıxmış və karobka zərbənin təsirindən yerə düşmüşdür. Ona görə də 11000AZN-ə aldığım avtomobili 1200 AZN-ə mettalloma verməli oldum.
Bu ilin yanvar ayında avtomobilimə dəymiş zərərə görə “Paşa sığorta” şirkətinə ərizə verdim. 10 gündən sonra şirkətin Dilqəm adlı əməkdaşı mənə bildirdi ki, biz yalnız fotoşəkillərə baxmaqla avtomobilinizə dəymiş zərəri hesabladıq. 3640AZN pul oldu. Biz etiraz etdik ki, axı sizin əməkdaşlar avtomobilin real vəziyyətini görmüş və geniş formatda foto və videoçəkiliş aparmışlar. İmkan varsa siz həmin videoçəkilişə görə dəymiş zərəri qiymətləndirin. Xeyri olmadı. Deməli, Paşa Sığorta” şirkətinin yekunda mənə ödəyəcəyi kompensasiya 1820 manat olacaqdı. Yəni, real dəymiş zərərin 50 faizini ödəməli olacaqlarını bildirdilər. Şirkətin əməkdaşı Dilqəmdən hesablanan arayışı bizə təqdim etməyi xahiş etsəm də o müxtəlif bəhanələrlə - süründürməçiliklə arayışı verməkdən yayındı ki, şikayət verməyək.
Bu hadisə ilə bağlı digər maraqlı fakt bundan ibarətdir ki, üçüncü şəxsin avtomobilinə (Mercedes 270 , 90 SR 085 nömrəli) arxa buferin sol tərəfi və arxa krılosu bir az zədləndiyinə görə əvvəlcə sığorta 1500AZN kompensasiya hesablamış, bundan xəbər tutan sürücü Polad İbrahimli sığorta şirkətinə gəlmiş və hay-küy qaldırmışdır ki, siz mənim avtomobilimə dəymiş ziyanı az hesablamısınız. O naxçıvandan olduğunu və hərbi hissədə zabit işlədiyini bildirdikdən sonra sığorta şirkəti qorxusundan dəymiş ziyanı yenidən “hesablamış” 2500AZN verəcəklərini bildirmişlər. Paşa Sığorta”nın əməkdaşı Dilqəm isə bizim avtomobilə dəymiş ziyanı yalnız vizual fotogörüntü sayəsində qiymətləndirdiyini bildirsə də, əsas zərbənin dəydiyi sol qabaq təkərin şin və diskisinin tam sıradan çıxmasını nədənsə gözdən qaçırmışdır(?). Lakin bu barədə Dövlət Yol polisi idarəsinin tərtib etdiyi 20.12.2016-cı il tarixli sığorta hadisəsi hesab edilə bilən halın təfərrüatları barədə 6635 nömrəli Məlumatda təhlükəsiz şarlarının açılması,arxa sol qapı, qanad,təkər və disk buferi yazılsa da qiymətləndici müfəttiş qəsdən bu rəsmi məlumatı nəzərə almamışdır.
Hesab edirik ki, Paşa Sığorta” Şirkəti bizim və üçüncü şəxsin avtomobilinə dəymiş ziyanı hesablayarkən ayrıseçkiliyə yol vermiş, dəymiş ziyanı öz əməkdaşlarının yazdıqları protokola və videoçəkilişə əsasən hesablalamamış və sığorta şəhadətnaməsində qeyd edilən kimi fiziki şəxsə qarşı qanuni hərəkət etməmişdir. Əməkdaşın bu hərəkətinin motivi ondan ibarətdir ki, zərərə düşmüş şəxsdən video və ya hər hansı foto material tələb etməklə onu çıxlmaz vəziyyətə salmaq,beləliklə, işlədiyi sığorta şirkətinin büdcəsinə maksimum xeyir gətirməsi nəticəsində Dilqəm əməkhaqqından əlavə mükafat almasına nail olmaqdır.
Nüfuzlu sığorta şirkəti olan “Paşa Sığorta” Şirkətinin zərərə düşmüş sürücüləri məsuliyyətsiz əməkdaşlarının ucbatından narazı salması bu şirkətin nüfuzuna ciddi zərər yetirir.
Hörmətli, nazir Samir Şərifov xahiş edirəm Maliyyə Nazirliyinin Dövlət Sığorta Nəzarəti Xidməti İdarəsindən göstəriş verəsiniz ki, bzim 90 FX 029 dövlət nömrə nişanlı avtomobilimizə qəza nəticəsində real dəymiş ziyanın müstəqil ekspertlər tərəfindən araşdırılaraq zərərin yekun kompensasiyasının hesablanaraq mənə verilməsini təşkil etsinlər. Əvvəlcədən minnətdarlığımı bildirirəm.
Hörmətlə,
zərərçəkmiş şəxs (“Qara kəmər”ustası) A.N.Osmanov
DİA.AZ olaraq redaksiyamıza daxil olan bu şikayət ərizəsi ilə əlaqədar bütün maraqlı tərəfləri dinləməyə hazırıq...
