İsmayıl Vəliyev məzuniyyətə getmək adıyla rayonu tərk edib. Əslində isə rayonda gözlənilən etirazların qarşısını almaq üçün icra başçısının rayondan çıxarıldığı ilə bağlı iddialar var
Böyük ehtimalla İsmayıl Vəliyev Neftçalaya qayıtmayacaq. Onu Masallının icra başçısı Rafil Hüseynovun əvəz edəcəyi gözlənilir.
Neftçaladan aldığımız dəqiq məlumata görə Neftçala rayon İcra Hakimiyyətinin başçısı ötən həftənin sonunda rayonu tərk edib. İcra başçısının ay yarımlıq məzuniyyətə getdiyi bildirilib. Məsələnin ilginc tərəfi isə odur ki, İsmayıl Vəliyev yanvar ayında 20 günlükməzuniyyətdə olub. Hazırda icra başçılarının məzuniyyətə getmədiklərini nəzərə alarsaq, onda Neftçalanın icra başçısının tələm-tələsik rayonu tərk ktməsi qəribə görünür.
Qeyd edək ki, srn zamanlar Neftçala şəhər bələdiyyəsi ilə icra orqanları arasında qarşıdurma mətbuatın diqqət mərkəzində olub. Neftçala şəhər bələdiyyəsi ilə Neftçala şəhər nümayndəsi Gülqədəm Mirzəyeva arasındakı qarşıdurma sonradan qarşıdurma sonradan bələdiyyə sədri ilə icra başçısının qarşıdurmasına çevrilib. Neftçala şəhər bələdiyyəsinin sədri Aydın Aslanovun icra qurumlarınınbələdiyyənin işinə açıq müdaxiləsi İsmayıl Vəliyevin ona qarşı kampaniya başlaması ilə nəticələnib. Neftçala şəhər İstehsalat Təmir İstismar Sahəsinin rəisi Firudin Nağıyevlə baş verən qarşıdurmadan sonra icra başçısının Neftçala bələdiyyəsinin sədri Aydın Aslanovun həbs olunması ilə bağlı İsmayıl vəliyevin göstəriş verdiyi iddia olunur. Lakin polisin bələdiyyə sədrini həbs etməsi üçün halın olmadığı bildirdiyinə görə icra başçısı Neftçala bələdiyyəsinin sədri Aydın Aslanovun YAP-dan çıxarılması haqqında göstəriş verib. Elə həmin gün Aydın Aslanovun YAP-dan çıxarılması haqqında qərar qəbul edilib. Bundan sonra isə icra başçısı gün ərzində iki dəfə Neftçala şəhər bələdiyyəsinin iclasını keçirməyə və Aydın Aslanovu bələdiyyə sədri vəzifəsindən çıxartdırmağa cəhd edib. Lakin hər iki halda bələdiyyə üzvləri Aydın Aslonovu müdafiə etdiyinə görə İsmayıl Vəliyevin istəyi havadan asılı qalıb.
AzMedia.info-nu məlumatlandıran mənbənin bildirdiyinə görə həddindən artıq kasıb vəziyyətdə olan Neftçalada son zamanlar rayon rəhbərliyndən narazılığı həddindən artıq artıb. Buna səbəb isə icra başçısının özünü В«Bağdadın kor xəlifəsiВ» kimi aparan İsmayıl Vəliyevin rayon əhalisinə qarşı saymazyana rəftvarıdır. Qeyd edək ki, təqribən üç il əvvəl İsmayıl Vəliyevin bu davranışı az qala rayonda sosial partlayışla nəticələnəcəkdi. İsmayıl Vəliyevin sağ əli olaraq rayona Qobustandan gətirdiyi Rüstəm Tahirovun əməlləri rayon əhalisini özündən çıxarmışdı. Neftçaladakı mənbə bildirir ki, ütün səlahiyyətlərini Rüstəm Tahirova verən İsmayıl Vəliyev isə gününü yeyib-içməklə keçirirdi. Rüstəm Tahirovun özbaşınalıqlarından cana doyan Neftçala əhalisi isə ayaca qalxaraq İsmayıl Vəliyevin В«darğasınınВ» təqribən 90 min manatlıq maşınını yandırmışdı. Həmin hadisədən sonra Rüstəm Tahirov təcili olaraq rayondan çıxarılmış, daha sonra isə rüşvət aldığına görə həbs olunmuşdu.
Mənbə bildirir ki, Rüstəm Tahirov Neftçalanı tərk etdikdən sonra İsmayıl Vəliyevin də vəziyyəti acırlaşmışdı. Lakin vəzifəsini qoruya bilən icra başçısı kef məclislərindən kabinetinə dönməyə məcbur olmuşdu. Bundan sonra isə icra başçısı xaraba qalan və 70-ci illərdən sonra daşı-daş üstünə qoyulmayan Neftçalada abadlıq işlərinə başlamışdı. Böyük layihələr başladan icra başçısının rayonda hörməti də artmışdı. Lakin bir ildən sonra bu böyük layihələrin hamısı yarımçıq qaldığından və işsizlik sürətlə artdığından Neftçala sakinləri yenidən icra başçısından narazılıq etməyə başladılar. Qeyd edək ki, bu günə qədər Neftçalda çox böyük layihələrin təməli atılıb və on milyon manatlarla vəsait həmin layihələrə sərf olunub. (Çox böyük mənimsəmə faktları barədə ikinci yazımızda məlumat verəcəyik). Hazırda isə icra hakimiyyətinin binası istisna olmaqla, İsmayıl Vəliyevin bütün layihələr yarımçıq qalıb. Bu layihələrin bitməsi üçün vəsaitlər isə ortada yoxdur. Ən nəhayət isə icra başçısı bütün işləri ataraq yenidən kef məclislərinə qayıdıb. Artıq başçını heç kim iş üstündə tuta bilmir. Onu axtaranlar ancaq restoranlarda tapa bilirlər və təbii ki, problemli insanlar öz dərdlərini başçıya anlada bilmirlər.
AzMedia.info-nu məlumatlandıran mənbə bildirir ki, son iki ildə İsmayıl Vəliyev üçün Rüstəm Tahirovu başqa bir yerlisi, Rafiq İbrahimov əvəz edib. İçki və kef məclislərində gününü keçirən İsmayıl Vəliyev rayonun bütün işlərini məhz Rafiq İbrahimova həvalə edib. Mənbə bildirir ki, hətta başçı rayonda əldə etdiyi mülk və sərvətlərini Rafiq İbrahimovun adına keçirib.
Mənbənin sözlərinə görə bütün baş verənlər rayon əhalsini yenidən başçıdan həddən artıq narazı olmağa sövq edib. İcra başçısının Neftçala şəhər bələdiyyəsi ilə baş verən son qarşudrmadan sonra isə neftçalalıların səbr kasası daşıb. Mənbə bildirir ki, məsələ heç də Aydın aslanovun müdafiəsi ilə bağlı deyil. Məsələ bir başa İsmayıl Vliyevin rayona qeyri etik hərəkətlərə yol verməsi ilə bağlıdır və bu üzdən də Neftçala sakinlərinin etirazları gözləniləndi.
AzMedia.info-nu məlumatlandıran mənbə bildirir ki, icra hakimiyyətindən əldə etdiyi məlumata görə məhz bu üzdən İsmayfl Vəliyev təcili şəkildə məzuniyyətə göndərilib. Böyük ehtimalla isə İsmayıl Vəliyev Neftçalaya qayıtmayacaq. Onu Masallının icra başçısı Rafil Hüseynovun əvəz edəcəyi ilə bağlı iddialar da var.
Yazıda adı keçən şəxslərin mövqeyini dərc etməyə hazırıq.
