Dəqiq məlumata görə tələbələrin təqaüd kartları direktorun evindəki seyfdə saxlanılır və hər ay Qulu Xəlilova yaxın adamlar Göyçayda və yaxın rayonlarda həmin kartlardan pul çıxarır.
Ölkə təhsilində rüşvətə qarşı aparılan mübarizə hələ ki problemin qarşısında acizdir. Xüsusən kolleclərdə rüşvət baş alıb gedir və bu açıq rüşvət bazarı rəzalətinə dur deyən yoxdur.
Ölkənin müxtəlif rayonlarında fəaliyyət göstərən kollec və təhsil ocaqlarında rüşvət azalmaq əvəzinə çıxalmaqda davam edir. Belə bir təhsil ocaqlarından biridə Göyçay Dövlət İdarəetmə və Texnologiya Kollecidir.
AzFakt.com-a Göyçaydan daxil olan məlumata görə Göyçay Dövlət İdarəetmə və Texnologiya Kollecində artıq imtahan bazarı açılıb. Öncədən qeyd edək ki, adı çəkilən təhsil ocağında 1000-dən yuxarı təhsil alan tələbə ilə bərabər, 100-ə yaxın müəllim işləyir. Direktor isə kollec yaranan gündən ona rəhbərlik edən Qulu Xəlilovdur.
Göyçay Dövlət İdarəetmə və Texnologiya Kolleci 11 ixtisaslar üzrə mütəxəsisslər hazırlayır. Bunlar, Fiziki tərbiyə müəllimliyi (ümumi orta təhsil bazası üçün); Texnologiya müəllimliyi; Təsviri incəsənət müəllimliyi; Hüquq mühafizə fəaliyyəti; Mühasibat uçotu; Maliyyə işi; Elektrik təchizatı; Nəqliyyat vasitələrinin texniki istismarı (nəqliyyat növləri üzrə); Yol hərəkətinin təşkili; Aqrar (fermer) təsərrüfatının təşkili; Nəqliyyat vasitələrinin təmiri və servisi ixtisaslarıdır.
Qeyd edək ki, uzun illərdir mətbuatda Göyçayda fəaliyyət göstərən bu təhsil ocağındakı rüşvət və korrupsiya faktları ilə bağlı məlumatlar dərc olunsa da, vəziyyət dəyişmir. Çünki Qulu Xəlilov öz yerini o qədər möhkəm bərkidib ki, artıq kolecdə onu “əbədi” direktor ayaması ilə çağırırlar.
Adının çəkilməsini istəməyən bir qrup kollec tələbəsinin AzFakt.com-a göndərdiyi məlumatda qeyd olunur ki, təhsil ocağında artıq imtahan bazarı açılıb. Bu bazarın sahibi isə kollecin direktoru Qulu Xəlilovdur. Tələbələrdən aldığı rüşvət sayəsində özünə cah-cəlalı həyat quran Qulu Xəlilov, həmin pullar hesabına tez-tez özü haqqında bəzi media qurluşlarında tərif yazısı da yazdırır. Tələbələr yazırlar ki, “Qulu Xəlilov nə qədər özünü təriflətsə, özünün aydan arı, sudan duru olduğunu söləsə də, Göyçayda və Dövlət İdarəetmə və Texnologiya Kollecinin kollektivi onun necə rüşvətxor bir direktor olduğunu yaxşı bilir”. Kollec tələbələrinin verdiyi məlumatda bildirilir ki, artıq yay imtahanlarının başlama vaxtıdır və buna görədə Qulu Xəlilov dekanları, müəlimləri yeni qiymətlərə təlimatlandırıb. Bu yeni qiymətlər isə 250 manatdan 450 manat arasında dəyişir.
Məlumatlarda vurğulanır ki, sessiya imtahanlarının vaxtı yaxınlaşdıqca kollecdə hökm sürən ab-hava əsil əmtəə birjasını xatırladır. Əslində, bu təhsil müəssisəsində imtahanların nəticələri əməlli-başlı bazar forması alıb. Müxtəlif fənlər üzrə imtahan qiymətləri məhz müəllimlərin, “prinsipiallığı” və tələbələrin “qiymət öldürmək” bacarıqlarına müvafiq olaraq fərdi qaydada müəyyən edilir. Təbii ki, müəllimlərin “prinsipiallığı” dedik də onların təyin etdikləri ilkin qiymətlərdən aşağı düşməmək bacarıqları nəzərdə tutulur. İmtahanlarda uğursuzluğa düçar olan tələbələrdən hər kəsiri “düzəltmək” üçün 100 manat tələb olunur. Kollecdə tələbələrdən pul tələbi ildən-ilə yüksələn xətt üzrə artır.
Digər məlumatda qeyd olunur ki, bir çox tələbələrin adı jurnalda getsə də, özlərinin dərslərdə iştirak etməməsi buna əyani sübutdur. Məlumatlarda deyilir ki, dərslərdə iştirak etməməyin aylıq “xərci” 100 manatdır. Kollecin bu cür məzuniyyətə buraxılmış tələbələri paytaxtın və başqa şəhərlərin inşaat meydançalarında fəhləliklə məşğul olurlar. Aydın məsələdir ki, belə halda bu gənclərin əmək hüquqları da qorunmur. Bütün bunlar əlbəttə ki, ölkənin ümumilikdə təhsil sisteminə, bir vətəndaş kimi hələ tam formalaşmamış gənc nəslin təlim-tərbiyəsinə çox böyük ziyan vurur.
Tələbələrə ayrılan təqaüd isə onlara çatmır. Çünki tələbələrin adlarına olan kartları direktor Qulu Xəlilov özündə saxlayır. Dəqiq məlumata görə tələbələrin təqaüd kartları direktorun evindəki seyfdə saxlanılır və hər ay Qulu Xəlilova yaxın adamlar Göyçayda və yaxın rayonlarda həmin kartlardan pul çıxarır. Sonra kartlar və pullar Qulu Xəliovun seyfinə qayıdır. Direktor tələbələrin təqaüdlərini açıq şəkildə mənimsəməsini də gizlətmir. Kollecdə hər kəs yaxşı bilir ki, Qulu Xəlilovdan təqaüd kartını tələb edən tələbə qısa müddətdə kollecdən qovulacaq. Azfak.com-u məlumatlandıran mənbə iddia edir ki, belə bir hal bir neçə dəfə təkrar olunduğuna görə artıq heç kim direktordan təqaüd kartını istəməyi içitndən belə keçirmir.
Göyçay Dövlət İdarəetmə və Texnologiya Kollecində baş alıb gedən bu cür onlarla qanunsuzluğa baxmayaraq Qulu Xəlilova 15 ildir ki, heç kəs “gözün üstündə qaşın var” demir. Çünki Qulu Xəliov illər ərzində yığdığı milyonların bir hissəini rayon icra hakimiyyətinə və Təhsil nazirliyinə dadızdırmağın yolunu yaxşı bilir. Elə məhz ona görədir ki, Göyçaya kim icra başçısı təyin edilirsə, ilk günü kabinetininq arşısında əlində hədiyyə, cibində paket bağlaması ilə Qulu Xəlilovu görürlər. Ağsaqqal vaxtında rayon icra başçısı və səlahiyyətli məmurları haqqında məclislərdə dayanmadan sağlıqlar deyən kollec direktoru əslində yaltaqlığın kitabını yazıb. Məhz bu cür xasiyyətinə görədə Təhsil nazirliyində tanınan və “seçilən” Qulu Xəlilov vəzifəsində uzun müddət qalmaq niyyətindədir.
Qeyd edək ki, Göyçay Dövlət İdarəetmə və Texnologiya Kollecinin tələbələri kllecdə baş alıb gedən rüşvət sistemi və onlara rəhbərlik edən müəllimlərin siyahsını yaxın vaxtlarda saytımıza göndərəcklər.
