Müğənni Sevda Əliqızı "7 tamam" verilişində qonaq olub.
Pproqram zamanı sənətçi aparıcı Nanə Ağamalıyevanın "Hansı mahnını oxuyacaqsınıız" sualına belə cavab verib:
"Bu gün lirikaya qətiyyən yer vermək istəmirəm. Bu gün pozitiv mahnılar oxuyacağam. Çünki keçən dəfə verilişində lirik bəstə ifa etdim, bir həmkarım iradını bildirdi. Dedi ki, "Sevda xəstədir, özünə aid mahnı oxudu". Mən də cavab verdim ki, bunun heç bir adiyyatı yoxdur. Xoşuma gələn mahnıdır. İllərdir ki, bu mahnını ifa edirəm. Bəlkə də pis məna ilə deməyib. Mən heç bu bəstəni özümə aid etməmişəm. Əksinə, çox gözəldir. Mahnıda "Öləndə torpağa tapşırma məni, son mənzil olacaq torpağım sənsən" sözləri var. Dedilər ki, gərək bunu oxumazdın".
Nanə Ağamalıyeva isə cavab olaraq bildirib ki, sözügedən mahnıda sənətçi qəmli notlara toxunduğu üçün həmkarları ondan belə neqativ mahnını ifa etməməsini demişdilər.
Qeyd edək ki, süd vəzisində şiş aşkarlanan müğənni ötən il əməliyyat olunmuşdu.
