Lacın Rayon Kalafalıq kəndindən məcburi köckün İbrahimov Alqulu Şavağat oğlu tərəfindən Hurriyyet.org-un redaksiyasına şikayət məktubu daxil olub. Müəllif saytımız vasitəsilə prezident İlham Əliyevə, Birinci vitse-prezident Mehriban xanım Əliyevaya, Baş Prokuror Zakir Qaralova və Dövlət Təhlükəsizliyi Xidmətinin rəisi Mədət Quliyeva müraciət edir. Şikayətçinin məktubunu olduğu kimi dərc edirik:
“Mən İbrahimov Alqulu Şavağat oğlu Lacın rayonu Kalafalıq kəndində anadan olmuşam. Lacın rayonunun Ermənistan tərəfindən 18 may 1992-ci ildə işğal olunması ilə əlaqədar Ağcabədi rayonu “Taxta körpü” ərazisində 552-ci qəsəbədə 376 saylı evdə məskunlaşmışam. Özüm YAP-ın Lacın rayon təşkilatının üzvüyəm. Sizlərə müraciət etməyimin səbəbi Lacın RİH-nin başcısı Aqil Nəzərli tərəfindən məni və ailə üzvlərimin həbs etdirməklə təhdid etməsidir. Səbəbi barədə istərdim sizlərə məlumat verim.
Belə ki, A.Nəzərlinin qardaşı Müqabil Nəzərli feysbuk səhifəmdən istifadə edərək, mənim adımdan 2013-2016-cı illərdə Lacın RİH-nin başcısı işləmiş Akif Səlimov barəsində şantaj dolu yazılar yazmış və nəticədə qarşı tərəfin məni məhkəməyə vermişdir. Aqil Nəzərlinin qardaşı Müqabil Nəzərli daim mənim yanıma gələrək Akif Səlimovdan və idarə müdirlərindən ərizə yazmağı təkid edirdi. Müqabil Nəzərli açıq şəkildə bildirirdi ki, yuxarılara biz şantaj dolu ərizələr yazmalıyıq ki, qardaşı Aqil Nəzərli Lacın Rayonuna icra başcısı gəlsin.
Xatırladıram ki, həmin dövrdə Aqil Nəzərli YAP-ın Lacın rayon təşkilatının sədri, eyni zamanda Lacın RİH-nin müavini vəzifəsində calışırdı. M.Nəzərli mənim telefonuma müdirlərin və Akif Səlimovun adamlarınının səsini yazdırmaq üçün şantaj etmək məqsədi ilə proqramlar yazdırdı. Hətda bir dəfə M.Nəzərli A.Səlimovdan ərizə yazmaq ücün mənim yanıma gələndə ona məxsus 21031 markalı minik maşını qəflətən alovlandı, ətrafdakı insanların köməyi ilə alovun qarşısı alındı. Həmin anda M.Nəzərli özü etiraf etdi ki, biz A.Səlimova qarşı haqsız iş görürük, ona görə maşın alışıb yanır.
Həmin dövrdə Lacın Rayon Mədəniyyət Şöbəsinin müdiri işləyən Yusif Hüseynovun səsinin yazdırılmasını Müqabil Nəzərli təşkil etmişdir.
Möhtərəm Prezident!
Hazırda Lacın RİH-nin başcısı işləyən Aqil Nəzərlinin qardaşı Müqabil Nəzərlinin mənim adımdan Akif Səlimovu şantaj etməsinə görə Lacın Rayon Məhkəməsi mənə 2800 manat cərimə kəsmişdir. Məhkəmə ərəfəsində Aqil Nəzərli qardaşı Müqabil Nəzərli və atasını mənim yanıma göndərərək, onların adlarının cəkilməməsini xahiş etmişdir. İcra Başcısı təyin olunandan sonra Aqil Nəzərli məni otağına cağıraraq təklif etdi ki, sən mətbuata yaz ki, Akif Səlimov Lacın Rayonuna icra başcısı təyin olunanda guya Ermənistanla telefonla danışıb. Bildirirəm ki, bu fikirlər hörmətli Aqil Nəzərliyə məxsusdur. Eyni zamanda Aqil Nəzərli məni qəbul edəndə, o, Lacın rayonunda üç ildən artıq icra başcısı işləməyəcəyini, ”hesabı” verib başqa rayona icra başcısı gedəcəyini bildirdi. Mənə İcra Hakimiyyətinin Xeyriyyə Fondundan hər ay 150 manat verməklə məhkəmənin hökmü ilə verilmiş 2800 manat cərimənin ödənməsi ücün Aqil Nəzərli kömək edəciyini bildirdi. İcra Başcısı dedi ki, 10-15 ildir işləyən idarə müdirləri var, onlarla işləmək istəmir, ona görə də həmin müdirlərdən şantaj dolu ərizələr yazmasını mənə tapşırsa da, etirazımı bildirdim. Təbii ki, köhnə müdirləri çixarıb rüşvət müqabilində yeni müdirlər təyin etmək istəyirdi.
Möhtərəm Prezident!
Bütün bunları bildirməkdə məqsədim icra başcısı işləyən şəxsin vəzifəyə gəlmək ücün hansı işlərlə məşğul olduğunu göstərməkdir. Görünür, cənab A.Nəzərlinin şəxsi maraqları dövlət və partıya maraqlarından üstündür.
Bu gün hörmətli A.Nəzərlinin təyin etdiyi Təhsil Şöbəsinin müdiri Nicat Həsənov övladlarımızın təhsil aldığı məktəblərdən aylıq yığır. Baş həkim Güllü İbadova sağlamlığımızın keşiyində duran tibb işcilərindən pul yığır. Aqil Nəzərli və dövlət işində hec vaxt işləməmiş Dövlət İdarəetmə Akademiyasında guya təhsil alan Müqabil Nəzərli hərbi xidmətdə olmamışdır.
Sonda onu bildirirəm ki, Aqil Nəzərli bu günə qədər Laçın rayon tədbirlərində heç bir çıxışı olmayıb. SƏBƏB; Savadsızlığı və intelekt səviyəsinin aşağı olmasıdır.
Sizlərdən Lacın RİH-də baş verən bu özbaşınalıqların aradan qaldırılmasını, mənim və mənim kimi digər insanların şər-böhtandan, təhdidlərdən qutarmağınızı rica edirəm”.
Hurriyyet.org
