Vətəndaşların çətinlik çəkdiyi problemlərdən biri də etibarlı tikinti şirkəti tapmaqdır. Çünki bu günə kimi onlarla tikinti firması fırıldaqla məşğul olaraq, payçıları aldadıb.
Belə fırıldaqçı tikinti şirkətləri gah bir mənzili bir neçə payçıya satır, gah inşaatı yarımçıq qoyur, gah da evlərin təhvil verilməsini gecikdirirlər.
Hazırda daşınmaz əmlak almaq istəyənlərin əlində iri həcmdə pul vəsaiti olmadığından vətəndaşlar xalq arasında “novostroyka” adlandırrılan yeni tikilmiş binalardan hissə-hissə ödəniş etməklə mənzilə sahiblənirlər.
Lakin tikinti şirkətlərinin sonradan verdiyi vədlərə əməl etməməsi vətəndaşlara əlavə problemləryaradır.
VİP mənzillər tikən şirkətlərdən fərqli olaraq, digər tikinti şirkətlərində alıcıların aldadılması hallarına demək olar ki, hər addımbaşı rast gəlinir. Çünki bu sahədə fəaliyyət göstərən şirkətlər yağışdan sonra artan göbələk kimi peyda olurlar.
Bu qəbildən olan şirkətələrə qarşı cinayət işinin başlanması da fırıldaq qurbanına çevrilən şəxslərin qeyd olunan problemlərini tam həll etmir. əli hər yedən üzülən vətəndaş isə çıxış yolunu yuxarı instansiyaalara şikayət etməkdə görür.
Araşdırmalar göstərir ki, tikintiylə məşğul olan MMC-lərin vəzifəli şəxslərinin səlahiyyətlərindən sui-istifadə edərək cəmiyyət tərəfindən inşa edilmiş çoxmərtəbəli yaşayış binasındakı mənzilləri qanunsuz olaraq təkrarən ayrı-ayrı şəxslərə satılır.
Belə tikinti şirkətlərindən Feba” MTK şirkətinin rəhbərliyinin dələduzluğunun qurbanına çevrilən Bakı şəhər sakini Reyhan Əli qızı Səfərli də son ümidini Azərbaycan Respublikası Baş Prokurorluğuna şikayət etməkdə görüb.
Gununsesi.info Reyhan Əli qızı Səfərlinin Baş prokurora etdiyi şikayəti olduğu kimi təqdim edir:
“Cənab Başprokuror!
Mən 202 saylı orta məktəbdə ingilis dili müəlliməsi kimi 24 ildir əmək fəaliyyətimi həyata keçirirəm, şəhid bacısıyam, tək qadınam, ata -anam təqaüdçüdür.
Mənimlə “Feba” MTK arasında bağlanımış 11 fevral 2016-cı il tarixli, 555 saylı Payçı müqaviləsinə əsasən, Bakı şəhəri, Yasamal rayonu, H.Zərdabi pr. 3166 ünvanında tikilməkdə olan “Melissa Park” layihəsinin B binasında, 2-ci blok, 3-cü mərtəbədə yerləşən, 3 saylı, 1 otaqlı mənzilin tikilərək mənim mülkiyyətimə verilməsi öhdəliyi MTK tərəfindən öz üzərinə götürülüb.
Həmin müqavilənin 2.1-ci bəndinə görə, mənzilin ümumi sahəsi 25.8 kv.m olmaqla, ümumi sahəsinə yaşayış, yardımcı, balkon sahələri və sxemə uyğun daxili divar daxildir. Mənzilin ümumi dəyəri 41 280 AZN (qırx bir min iki yüz səksən manat) təşkil edir ki, həmin mənzilin dəyəri tərəfimdən tam şəkildə (İPOTEKA YOLU İLƏ) ödənilib.
Belə ki, mənzilin dəyərini ödəmək üçün Azərbaycan Beynəlxalq Bankının Abşeron filialı ilə mənim aramda bağlanmış 11 fevral 2016-cı il tarixli daxili ipoteka krediti müqaviləsinə əsasən, yuxarıda qeyd edilən ünvanda yerləşən mənzilin alınması üçün mənə 37080 AZN (otuz yeddi min səksən manat) məbləğində kredit verilib.
Nə müqavilə bağlanılan zaman, nə də ki ödəniş həyata keçirildikdən sonra sözü gedən mənzilə baxmaq imkanım olmayıb, MTK tərəfindən hər dəfə müxtəlif bəhanələrlə mənzil mənə göstərilməyib. Yalnız mənə həmin mənzilin cizgi planı göstərilib və 2 ədəd kataloq və mənzilin cizgisi verilib. Həmin cizgidə mənzilin sahəsi eynilə müqavilədə və mənə göstərilən evlərin kataloqundakı kimi 25.8 kv.m qeyd edilib. Həmin vaxt “Melissa Park”ın reklam çarxinda dəfələrlə qeyd olunur ki , istəsəniz evinizin pulunu geri ögəyərik.
Lakin MTK tərəfindən mənim adıma alınan 0972366 saylı, 27.12.2016-cı il tarixli Daşınmaz Əmlakın Dövlət Reyesrindən çıxarışda mənzilin sahəsi 24.5 kv. m qeyd edilib. Bu çıxarış üçün də şirkət məndən 400 azn pul alıb.
Məsələnin araşdırılması üçün “Feba” MTK-nın rəhbərliyinə müraciət edərək mənzilin mənə göstərilməsini tələb etdim. Uzun süründürməçilikdən sonra nəhayət, mənzili gördükdə, mənzilin heç çıxarışda qeyd edildiyi, 24.5 kv.m ölçüdə belə olmadığının şahidi olaraq çox məyus oldum. Çünki 60 yaşıma qədər az olan müəllim əmək haqqı ilə Beynəlxalq Banka kredit ödəyəcəyim evin aldadılaraq mənə satıldığını öyrəndikdə mənəvi sarsıntı keçirdim.
Mənzil mənə sentyabr ayında təhvil verilməli olduğu halda müxtəlif bəhanələrlə əvvəlcə dekabr, daha sonra isə yanvar ayınadək uzadıldı. Bu qədər vaxt ərzində kirayədə qalmağa məcbur olmuşam. Dəfələrlə MTK rəhbərliyinə bildirmişəm kirayədə yaşadığımı, əlavə xərclər çəkməyim müqabilində etibarımdan sui-istifadə edilməsi haqda. Aldadılmağım dözülməz haldır.
Belə ki, həmin mənzilin otağının sahəsi 15.6 kv.m-dir. Halbuki çıxarışda 19.5 kv.m yazılıb, hamamın sahəsi 3.7 kv.m yazılmasına baxmayaraq 2.8 kv.m-dir, balkonun sahəsi isə 1.3 kv.m-dir, hündürlük 3 m yazılıb amma 2.78 m .dir. Yəni, mənzilin sahəsi, ümumilikdə heç 22 kv.m deyil (təxminən 21.5). Bununla da MTK rəhbərliyi ilə mübahisə edərək bu mənzilin yaşayış üçün yararsız olduğunu bildirməklə, ya ödədiyim pulun geri qaytarılmasını, ya da müqavilədə qeyd edilən ölçüdə – 28.5 kv.m sahəsi olan mənzilin mənə verilməsi tələb etdim. Lakin onlar mənə “Pulu geri tam qaytarmırıq, get, kimə şikayət edirsən, et”-, dedilər. Bununla da öz qanunazidd əməllərini davam etdirərək, hüquqlarımı pozmağa davam etmişdirlər. Onlar mənə ancaq mənimsədikləri kvadratmetrin yarısının pulunu verməyə razidirlar . Mənzilin sahəsinin nə müqavilədə, nə də çıxarışda qeyd edilən ölçüdə olmadığını gördükdən sonra mənə məlum oldu ki, ilk gündən mənə mənzili göstərməməklə öz cinayət əməllərini pərdələməyə çalışıblar. Müqavilə bağlamaqla məni aldadıb, etibarımdan sui-istifadə ediblər. MTK mənzilləri sataraq əslində, qanunsuz yolla, vətəndaşlatı aldadaraq gəlir əldə edir.
Azərbaycan Respublikası Cinayət Məcəlləsinin 178.1-ci maddəsinə əsasən, dələduzluq, yəni etibardan sui-istifadə etmə və ya aldatma yolu ilə özgənin əmlakını ələ keçirmə və ya əmlak hüquqlarını əldə etmə – yüz manatdan yeddi yüz manatadək miqdarda cərimə və ya üç yüz altmış saatdan dörd yüz səksən saatadək ictimai işlər və ya iki ilədək müddətə islah işləri və ya iki ilədək müddətə azadlıqdan məhrum etmə ilə cəzalandırılır.
Yuxarıda qeyd edilənləri nəzərə alaraq məni aldadaraq pulumu almış “Feba” MTK-nın rəhbərliyinin törətdiyi cinayət əməlinə görə məsulioyyətə cəlb edilməsi və pozulmuş hüquqlarımın bərpası üçün müvafiq tədbirlər görməyinizi Sizdən xahiş edirəm”.
