"Şikayətim Azercell şirkətindəndir". "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımda Fərid Rüstəmov adlı istifadəçi gileylənir.
Narazı vətəndaş daha sonra bildirir: "Bir neçə nömrəm var, hansıları ki işlətmirəm, və ya nadir hallarda işlədirəm.
Hərəsi "Azercellim" tarifinə qoşulub, abunə haqqı 2 manatdır. Hazırda bu tarifə keçid etmək mümkün deyil, saytlarında arxivdədi.
Həm də tarifə keçmək mənasız kimi bir şeydir, cəmi 25 dəqiqə verilir, o da şəbəkədaxili (yalnız Azercell nömrəsinə zəng etmək üçün), internet də 250 mb, yox kimidir.
Həmin bu 2 manatı bir aydan bir yükləyirəm ki, nömrələr bağlanmasın.
Hər ay nömrələr avtomatik yenilənir, 2 manat balansdan silinir. Bu dəfə baxıram, tarif olub 3.89... (İyulda və indi saytda yazılan qiyməti skrinlərdə əlavə etdim).
Arxivdə olan tarifin qiyməti necə qalxa bilər ki? ))) Mən müqavilə əsasında 2 manatlıq tarifə qoşulmuşam, mənim razılığım olmadığı halda, heç bir xəbərdarlıq olunmadan, qiymət niyə dəyişir?
Məsələ bu 1 manat 89 qəpikdə deyil, məsələ müştəri saymazlıqdan gedir.
Çox pis, #Azercell, çox pis, səndən gözləməzdim.
Cavabında isə əvvəllər kimi hər ay 2 manat deyil, 4 aydan bir 3.89 yükləyəcəm ki, nömrə bağlanmasın sadəcə, xətt bağlı olsa da olar..."
