Ermənistanın eks-prezidenti və “Ermənistan” blokundan baş nazirliyə namizədi Robert Köçəryan növbəti dəfə 44 günlük müharibədən danışıb.
Modern.az xəbər verir ki, Köçəryan Ermənistan İctimai Televiziyasına verdiyi müsahibədə Kollektiv Təhlükəsizlik Müqaviləsi Təşkilaının (KTMT) – “Putinin “hərbi bloku”nun müharibəyə müdaxilə etməməsinin səbəbini Ermənistana etimadsızlıqla bağlayıb.
O xatırladıb ki, bütün KTMT üzvlərinin Azərbaycanla daha yaxşı münasibətləri var. Köçəryan hesab edir ki, KTMT bu lada müharibəyə müdaxilə barədə qərar qəbul etməzdi; əgər Rusiya belə bir qətnaməyə səs versəydi, tək qalardı.
"Amma mən bu məsələni bir telefon zəngi ilə həll edərdim", - deyə Köçəryan qeyd edib və əlavə edib ki, onun rəhbərliyi altında belə bir müharibə baş verməzdi.
Köçəryan əvvəllər Nikol Paşinyanın öz hərəkətləri və açıqlamaları ilə müharibəni qaçılmaz etdiyi barədə iddiasını təkrarlayıb: “O, danışıqları uğursuzluğa uğradıb və ərazi iddiaları ilə Azərbaycanı hücuma təhrik edib, ““Artsax” Ermənistandır, nöqtə” deyib”.
