“Bütün parametrlərlə uğursuz olan, həyatda mövqe tuta bilməyən insanlar uğurlu şəxsləri çəkə bilmirlər.

Yenicag.az xəbər verir ki, bu sözləri Əməkdar artist, tanınmış müğənni Sahib İbrahimov “Xəzər axşamı” proqramında qonaq olarkən deyib.

Müğənni haqqında neqativ rəylər yazan şəxsləri sərt şəkildə tənqid edərək onları “uğursuz” adlandırıb:

“Bütün parametrlərlə uğursuz olan, həyatda mövqe tuta bilməyən insanlar uğurlu şəxsləri çəkə bilmirlər. Bir də görürsən yazırlar ki, güya özü ‘Arazbarı’ oxuya bilir ki, uşağa da oxutsun? Belə rəylər məni heç vaxt qıcıqlandırmır”.

Sənətçi tənqidlərə Mövlanənin kəlamı ilə cavab verib:

“Həzrəti Mövlanə buyurub ki, bizi bilən bilir, bilməyən də özü kimi bilir. Kim necədirsə, qarşısındakı insana da o cür baxır. Mən də göydən enən mələk, sudan çıxmış ağ qaşıq deyiləm. Qüsurlarımla, səhvlərimlə Allahın bir quluyam. Azərbaycanın 11 milyon əhalisi var, onların hamısı məni sevə bilməz. Neqativ yazanlar olur, amma sayı çox deyil”.