Ankara Böyükşəhər Bələdiyyəsinə qarşı əməliyyat keçirilib.
Yeniavaz.com Türkiyə KİV-ə istinadla xəbər verir ki, Ankara Respublika Baş Prokurorluğu Ankara Böyükşəhər Bələdiyyəsinin “2021-2024-cü illər arasında təşkil edilən konsertlərlə bağlı xərclərdə ictimai ziyana səbəb olması” iddiaları ilə bağlı araşdırma başladıb.
İstintaq çərçivəsində bələdiyyə işçiləri də daxil olmaqla 13 nəfər “vəzifə səlahiyyətlərindən sui-istifadə” və “tenderlərin saxtalaşdırılması” ittihamları ilə saxlanılıb.
Daxili İşlər Nazirliyinin istintaq və ekspertiza hesabatları tərəfindən hazırlanan depozit hesabatına əsasən, 32 konsert xidmətinin satın alınmasında 154 milyon 453 min 221,60 lirə ziyan dəydiyi müəyyən edilib.
Ankara Şəhər Polis İdarəsi Maliyyə Cinayətləri ilə Mübarizə Şöbəsi şübhəlilərin saxlaınlaraq Respublika Baş Prokurorluğuna təhvil verilməsi istiqamətində işlərini davam etdirir.