[b]
Kollec məzunlarının işlə təmin olunması, yaxın zamanda bu kadrlara ehtiyac olmayacağı məsələsi gündəmin ən çox müzakirə mövzularındandır. Bu məzunların məktəbəqədər təhsil müəssisələrinə və məktəbəqədər hazırlıq qruplarına müəllim, tərbiyəçi kimi işə qəbulu demək olar ki, dayandırılıb. Halbuki indiyədək bu təhsil müəssisəsini bitirənlər pedoqoji sahələrdə işə asanlıqla işə düzələ bilirdilər. Lakin son illər müəllimlik məsləyinə sahib olanların hər birinin ali təhsil almasının vacibliyi tələbi onların diplomlarını bir növ etibarsız edib. Bəs, kollec məzunu olanlar bundan sonra nə etməlidirlər? Mövzu ilə bağlı [color=#FF0000]Bizim.Media[/color]-ya danışan təhsil eksperti Elçin Əfəndi bildirib ki, hazırda kollec, yəni orta ixtisas təhsili istiqamətində kadr hazırlığı qeyri-pedoqoji ixtisaslarda davam etdirilir: “Həmin ixtisas sahibləri fərqli istiqamətlərdə əmək fəaliyyətinə başlaya bilirlər. Yalnız pedoqoji istiqamətlərdə subbakalavr yox, bakalavr dərəcəsinin tələb olunması onu deməyə əsas verir ki, bir müddət sonra orta ixtisas müəssisələrini pedoqoji ixtisas üzrə bitirənlər dövlət təhsil müəssisələrində çalışmaq imkanını itirəcəklər. Ona görə də onlara tövsiyəmiz ondan ibarətdir ki, çalışıb qarşıdakı dövr ərzində bakalavr pilləsi üzrə ali təhsil alsınlar. Subbakalavrdan bakalavra keçid də ala bilərlər. Nazirlər Kabinetinin müvafiq qərarına əsasən, müsabiqədə də iştirak edə bilərlər. Bu fürsətlərdən yararlansınlar”. Ekspert qeyd edib ki, əvvəlki dövrlərdə müxtəlif sferalarda kadr ehtiyacı kifayət qədər çox olduğu üçün kolleclərin kadr yetişdirməsi labüd idi: “Xüsusilə pedoqoji kolleclər kadr hazırlığını həyata keçirməyə məcbur idilər. İndi isə müasir çağırışlar göstərir ki, kollec təhsili mövcud təhsil standartları ilə ayaqlaşa bilmir. Ona görə də hazırda tədricən pedoqoji yöndə kollec yox, ali təhsil istiqamətində kadrların hazırlanması və onların gələcəkdə iş təminatının daha yaxşı olması əsas şərtlərdən biridir. Ona görə də yaxşı olar ki, kollec təhsili istiqamətində təhsil alan şəxs mütləq ixtisasını inkişaf etdirsin. Subbakalavrın bakalavr səviyyəsini də mənimsəsin. Yaxud da əmək bazarında daha çox ehtiyac duyulan sahələr üzrə təhsil alsın”.[/b]
Kollec məzunlarının işlə təmin olunması, yaxın zamanda bu kadrlara ehtiyac olmayacağı məsələsi gündəmin ən çox müzakirə mövzularındandır. Bu məzunların məktəbəqədər təhsil müəssisələrinə və məktəbəqədər hazırlıq qruplarına müəllim, tərbiyəçi kimi işə qəbulu demək olar ki, dayandırılıb. Halbuki indiyədək bu təhsil müəssisəsini bitirənlər pedoqoji sahələrdə işə asanlıqla işə düzələ bilirdilər. Lakin son illər müəllimlik məsləyinə sahib olanların hər birinin ali təhsil almasının vacibliyi tələbi onların diplomlarını bir növ etibarsız edib. Bəs, kollec məzunu olanlar bundan sonra nə etməlidirlər? Mövzu ilə bağlı [color=#FF0000]Bizim.Media[/color]-ya danışan təhsil eksperti Elçin Əfəndi bildirib ki, hazırda kollec, yəni orta ixtisas təhsili istiqamətində kadr hazırlığı qeyri-pedoqoji ixtisaslarda davam etdirilir: “Həmin ixtisas sahibləri fərqli istiqamətlərdə əmək fəaliyyətinə başlaya bilirlər. Yalnız pedoqoji istiqamətlərdə subbakalavr yox, bakalavr dərəcəsinin tələb olunması onu deməyə əsas verir ki, bir müddət sonra orta ixtisas müəssisələrini pedoqoji ixtisas üzrə bitirənlər dövlət təhsil müəssisələrində çalışmaq imkanını itirəcəklər. Ona görə də onlara tövsiyəmiz ondan ibarətdir ki, çalışıb qarşıdakı dövr ərzində bakalavr pilləsi üzrə ali təhsil alsınlar. Subbakalavrdan bakalavra keçid də ala bilərlər. Nazirlər Kabinetinin müvafiq qərarına əsasən, müsabiqədə də iştirak edə bilərlər. Bu fürsətlərdən yararlansınlar”. Ekspert qeyd edib ki, əvvəlki dövrlərdə müxtəlif sferalarda kadr ehtiyacı kifayət qədər çox olduğu üçün kolleclərin kadr yetişdirməsi labüd idi: “Xüsusilə pedoqoji kolleclər kadr hazırlığını həyata keçirməyə məcbur idilər. İndi isə müasir çağırışlar göstərir ki, kollec təhsili mövcud təhsil standartları ilə ayaqlaşa bilmir. Ona görə də hazırda tədricən pedoqoji yöndə kollec yox, ali təhsil istiqamətində kadrların hazırlanması və onların gələcəkdə iş təminatının daha yaxşı olması əsas şərtlərdən biridir. Ona görə də yaxşı olar ki, kollec təhsili istiqamətində təhsil alan şəxs mütləq ixtisasını inkişaf etdirsin. Subbakalavrın bakalavr səviyyəsini də mənimsəsin. Yaxud da əmək bazarında daha çox ehtiyac duyulan sahələr üzrə təhsil alsın”.[/b]
