Böyük Britaniya və Polşa Rusiyanın təhdidlərinin qarşısını almaq üçün birgə səylər haqqında bəndi ehtiva edən müdafiə müqaviləsi imzalamağı planlaşdırır.
AzVision.az “Politico” nəşrinə istinadən xəbər verir ki, Böyük Britaniyanın Baş naziri Kir Starmerin ofisi belə məlumat yayıb.
Varşavaya səfər edən Böyük Britaniya hökumətinin başçısının səfər proqramına müdafiə paktı və onun icrası ilə bağlı danışıqlar daxildir.
“Kir Starmer bildirib ki, Polşa ilə Böyük Britaniya arasında hərbi müqavilə bir çox məsələləri əhatə edəcək. Pakt Rusiyanın qarşısının alınması və qeyri-qanuni miqrasiya ilə mübarizə sahəsində əməkdaşlığı nəzərdə tutur”, - qəzet yazıк.
Bəzi ekspertlərin fikrincə, bu müdafiə müqaviləsinin bağlanması Böyük Britaniyada Avropa ilə sıx münasibətlərin yenilənməsi kimi təqdim edilir.
Xatırladaq ki, əvvəllər Böyük Britaniya Almaniya və Fransa ilə belə müqavilələr bağlayıb. Dünən isə Kir Starmer və Ukrayna prezidenti Vladimir Zelenski 100 illik ortaqlıq haqqında saziş imzalayıblar. Müqavilənin imzalanma mərasimi Kiyevdə baş tutub. Sənəd Böyük Britaniyaya Ukraynada öz hərbi bazalarını və onun limnalarda öz hərbi gəmilərini yerləşdirməyə icazə verir.
