Hərbçi generaldan çox, ferma müdirinə oxşayan Xəqani Cəbrayılovla bağlı yazmaq istəyərkən, yadıma Milli Qəhrəman, şəhid polkovnik Şirin Mirzəyev düşdü. Niyəsini izah edim. Şirin Mirzəyev 1988-ci ildə Moskvada Hərbi Siyasi Akademiyada təhsil alaraq, Daxili Qoşunlar alayında 15 illik xidmət yolu keçmişdir. 1991-ci ildə qəlbində alovlanan Vətən məhəbbəti, vətənə xidmət arzusu onu Ağdama çəkib gətirdi. Və ordu quruculuğunda böyük xidməti oldu, 1992-ci ildə şəhid oldu. Allah rəhmət eləsin.
Fikir verdinizmi, Şirin Mirzəyev Moskvada o boyda karyerasını ataraq Azərbaycana gəldi. Sonradan çoxları SİFARİŞLƏ Azərbaycana gəldilər.
Bəli, məhz sufarişlə, Nəcməddin Sadıkovun dəvətilə. Bunları Azərbaycana göndərmişdilər. Şahin Mirzəyev kimilər isə vətən sevgisi ilə özləri gəlmişdilər.
Fikir verdinizmi, vətən eşqi ilə gələnlərin çoxu şəhid oldu, bəziləri öldürüldü. Amma Nəcməddin Sadıkov, Xəqani Cəbrayılov kimi sifarişlə gələnlər nəinki şəhid olmadı, heç burunları qanamadı, hətta milyonçuya çevrildilər, general oldular. Fərqi hiss etdinizmi..?
Bir gün gizli arxivlər açılacaq, hər şey bəlli olacaq. Bəli, Xəqani Cəbrayılov kimilər hətta MARŞAL olsalar da mahiyyətcə ferma müdirindən o tərəfə keçə bilməzlər. Bunların mahiyyəti donuz saxlamaq, toyuq-cücə fermasına sahib olmaq, mal-qara otarmaqdır. Kimin şübhəsi varsa, bir az diqqətli olsun.
Deməli, Ulu Öndər 1993-cü ildə yenidən hakimiyyətə qayıdanda güc nazirlərini qaldırıb sorğu-sual edirdi. Növbə Milli Təhlükəsizlik Naziri general Fəxrəddin Təhməzova çatanda cənab nazirin dili-dodağı dolaşdı, özünü itirdi...
Cənab Heydər Əliyev sərt şəkildə ona "Otur aşağı..səndən general olmaz.." dedi.
İkinci bir tarixçəni yada salım. İllər öncə Sovet İttifaqi Qəhrəmanı, general-mayor Həzi Aslanov haqqında bir rus generalının dediklərini heç vaxt unutmuram. Qoca rus generalı deyirdi ki, Hərbi Akademiyada oxuyarkən Həzi Aslanovun RAPORT zamanı eşitdiyim əzəmətli səsini 50 ildir unuda bilmirəm. Dastanlarımızda əbəs yerə demirlər ki, Koroğlu nərə çəkdi. Bəli, qəhrəmanların, generalların, sərkərdələrin səsi də əzəmətli olmalıdır.
Bir müdrik dostumuz da deyirdi ki, qaranlıqda 2 hərbçi gəlsə hansının general, hansının sıravi olduğunu deyə bilərəm, çünki generalın qaməti, yerişi qaranlıqda da aydın görünür. Bir dənə də müqayisə aparaq. Biri var rəhmətlik Müslüm Maqomayevin ƏSL KİŞİ-BARİTON səsi, biri də var “Qardaşımın toyunda sındıra-sındıra süzərdim” oxuyanların...
Yəqin fərqi hiss etdiniz. Bunları nə üçün yazıram. Azərbaycan Prezidenti, Ali Baş Komandan İlham Əliyev cənabları bir qrup yüksək çinli hərbçiləri, generalları qəbul edərkən ürəyimcə olmayan bir məqam oldu. Hərbçilər növbə ilə ad və soyadlarını deyərək cənab Ali Baş Komandanı salamlayır və keçirdilər. Növbə general-mayor Xəqani Cəbrayılova çatanda...
Bəli, general nazik-cır səsi ilə salam verdi və ən dəhşətlisi odur ki, adını və soyadını səhv salaraq Xəqani Cəbrayilov əvəzinə... Cəbrayıl Xəqaniyev deyərək aləmi qarışdırdı.
Sözün düzü, generalın bu salamı, duruşu, səsi məni çox məyus etdi. Rəsmi tədbirdə özünü itirən, çaş-baş qalan, ad ilə soyadını qarışdıran ( yaxşı ki atasının adını demədi ) generalın döyüş meydanında, tankların, raketlərin nəriltisi altında özünü necə aparacağı gözümün önünə gəldi. Bir də el-obada ağsaqqalar deyərdi ki, filanakəsin səsi axta öküzün səsinə oxşayır, elə bil mələyir. Doğrudan da, kəlin, buğanın səsi ilə, axta öküzün mələməsi heç uyğun gəlmir. Həm də buğadan fərqli olaraq öküz yük daşımaq üçündür. (bu sözlərin Xəqani Cəbrayılova aidiyyatı yoxdur, biz adi bir el misalı çəkdik)
Bax, həqiqi, əsl generalla, (s)axta general Xəqani Cəbrayılovun fərqi o qədərdir.
Nə isə indi əsas mövzuya keçmək olar. Bəli, cənab Prezident İlham Əliyevin təşəbbüsü ilə 2021-ci ildə ordumuzda ciddi hazırlıq-təmizləmə əməliyyatı aparıldı. Və Xəqani Cəbrayılov kimi bəzi generallar ehtiyata buraxıldı. Çünki Nəcməddin Sadıkovun “sağ əli” olan Xəqani Cəbrayılov Azərbaycan ordusuna biznes gəlir mənbəyi kimi baxırdı.
İndi gəlin Azərbaycan ordusunun hesabına Xəqani Cəbrayılovun əldə etdiyi biznesə nəzər salaq: Sabiq birlik komandirinin Sumqayıt və Xızı ərazilərində böyük fermaları, restoran və kafeləri fəaliyyət göstərir: - Sumqayıt şəhərində restoran, kafe və marketləri; - Bakı-Quba yolunun Xızı rayonu ərazisindən keçən hissəsində restoranı; -Xızı rayonunun Şorabad kəndi və Yaşma qəsəbəsi ərazilərində hektarlarla sahəni əhatə edən donuz ferması; - Xızı rayonunun Altıağac qəsəbəsi ərazisində torpaq sahələri və istirahət mərkəzi; - Xızı rayonu ərazisində heyvandarlıq təsərrüfatı. Bu adamın təkcə 5000 baş mal-qarası və 10000 baş qoyun-quzusu var.
Hələ xaricdəki biznesini, yaxud Şəhrizad xanımın əli ilə MAXE düzəltdiyi şəxslərdən yığdığı pulları demirik. Yaxın zamanda bu boyda sərvətin sahibindən soruşacaqlar ki, bunları necə, hansı yolla əldə etmisən ? Hansı maaşla bunları qazanmısan..?
Bəli, hələ (s)axta generalın ləkələdiyi vətənpərvər hərbçi-snayper qızlardan danışmırıq…. Əgər, lazım olsa, Flora xanım da danışacaq. Suallar çoxdur, bir deyil, iki deyil.
Yəqin ki, yaxın zamanlarda bu suallara cənab Cəbrayılov cavab verəcək. Biz isə bir media olaraq dövlətimizə dəstək üçün Xəqani Cəbrayılovun bütün obyektlərini, mal-mülkünü çəkib cəmiyyətə göstərəcəyik. Bunu təhdid üçün deyil, haqq-ədalətin yerini tapması üçün edəcəyik. Necə ola bilər ki, canını vətən yolunda qoyanlar özünə iş tapa bilmir, Xəqani kimi generallar isə milyonçuya çevilib. Və əminik ki, Xəqani Cəbrayılov və onun kimi bəzi generallar yaxın zamanda həbs olunacaq və əmlakları dövlətin xeyrinə müsadirə olunacaqdır. //gundelik-baku.com//
