Nyus.Az-ın redaksiyasına Bakı şəhər sakini Quliyev Əfqan Bəhlul oğlu tərəfindən şikayət məktubu daxil olub.Şikayətçi yazır:
2019-cu il iyul ayının 24-də ailəmlə birlikdə Masallı rayonunda yerləşən "İstisu" sanatoriyasına istirahətə getmişdim. Evimizdə siqnalizasiya sistemi olmadığından və gedişimizin uzumüddətli olacağını düşündüyümüz üçün istirahətə gedən zaman valideynlərimdən qalan, ailə quran vaxt hədiyyə edilmiş, övladlarımın ad günlərində yaxın qohumlar tərəfindən bağışlanmış qızıl-zinyət əşyalarını, özümün, yoldaşımın, oğlumun ümumvətəndaşlıq pasportunu və digər lazımi əşyaları özümüzlə götürmüşdük.28.07.2019-cu il tarixdə gündüz saat 14:20-16:30 arasında mənə məxsus Mersedes-Benz markalı 99EM320 qeydiyyat nişanlı avtomobilim qarət olundu. Avtomobilin arxa yan şüşəsi sındırılaraq, yoldaşımın əl çantası aparılmışdı. Həmin çantadan mənim, onun və oğlumun ümumvətəndaşlıq pasportu, bugünkü qiymətlərlə təqribən 20 min manatlıq qızıl-zinət əşyaları və digər dəyərli əşyalar oğurlanmışdı. Hadisə yerindən dərhal DİN-nin “102” xidmətini məlumatlandırdım.Şikayətim əsasında əməliyyat - axtarış tədbirlərinə başlayan Masallı polisi tanımadığım Nurlan Səmədov adlı bir şəxsi saxlamışdı.Təcili şəkildə məhkəməyə ötürülən cinayət işi qeyri-obyektiv, qərəzli, birtərəfli qaydada və heç bir maddi sübut olmadan aparılmışdı. Hadisə baş verən günü götürülmüş əl izlərinin ekspertizası oğurluğu Nurlan Səmədovun törətdiyini təsdiqlənməmişdi. Polis cinayət işinin istintaqını prosessual nəzarətin olmaması səbəbindən istədiyi kimi aparmışdı.Məhkəmə prosesi qeyri-obyektiv aparılmaqla 18.06.2020-ci il tarixdə hökmü elan etdi və Azərbaycan Respublikası CM-nin 177.2.4, 177.2.5, 178.2.2 və 326.2-ci maddələri ilə təqsirli bilinərək, Nurlan Səmədov cəzasını ciddi rejimli cəzaçəkən müəssisəsində çəkməklə 4 (dörd) il müddətinə azadlıqdan məhrumetmə cəzasına məhkum edildi.
Masallı rayon Məhkəməsinin 18.06.2020-ci il tarixli, в„– 1(05)-070/2020 saylı hökmü aşağıda qeyd olunanlara görə əsassızdır və ləğv edilməlidir. Bildirirəm ki, nə istintaq dövründə, nə də ki, məhkəmə istintaqının gedişində cinayət işi obyektiv araşdırılmayıb. Bununla bağlı Məhkəmə-Hüquq Şurasına, Baş Prokurorluğa, ölkə rəhbərinə dəfələrlə müraciət etmişəm və mətbuatda ictimailəşdirmişəm. Məhkəmə qərarında 3-cü səhifəsində göstərilir ki, Nurlan Səmədov “İstisu” sanatoriyasında “Mədə bulağı” deyilən ərazidə tikintidə günü 20 (iyirmi) AZN-ə işləmiş və meşəlik ərazisində özünə yatmaq üçün yer düzəldərək həmin yerdə də gecələmişdir. Nurlan Səmədovun kimin yanında günü 20 (iyirmi) AZN işləməsini və meşə ərazisində gecələməsini heç bir fakt təsdiqləmir,bununla bağlı heç bir kəsin ifadəsi yoxdur və heç bir kəs dindirilməyib. Avtomobilim qarət olunan gün Nurlan Səmədovun işdə olub-olmamasını və nə vaxt Bakıdan qayıtması barədə dəfələrlə vəsatət verib, günü 20 AZN-ə işlədiyi yerin sahibinin məhkəməyə dəvət olunmasını tələb etsəm də, hakim bunu təmin etmədi. Nurlan Səmədov ifadəsində bildirir ki "İstisu"sanatoriyası ərazisindən Seybətin kruqu deyilən əraziyə qırmızı rəngli, jiquli markalı taksidə gəlib. Masallı rayonun mərkəzindən “İstisu” sanatoriyasına gələn və əks istiqamətə gedən taksilərin sayı məhduddur. Cəmi bir neçə şəxs bu marşrutda taksi fəaliyyəti ilə məşğul olur. Bu avtomobillərin sürücüləri arasında əməliyyat-axtarış tədbirləri həyata keçirilərsə, Nurlan Səmədovun Seybətin dairəsi deyilən əraziyə hansı taksi ilə gəldiyi məlum olardı. Nəticədə, Nurlan Səmədovun yanındakı başqa bir şəxsin, əlində çanta olub-olmaması və hadisəni kimlər tərəfindən törədildiyi dəqiqləşərdi.
Nurlan Səmədovun “İstisu” sanatoriyası ərazisindən hansı taksi ilə Seybətin dairəsi deyilən əraziyə gəlməsi müəyyənləşəndən sonra taksi sürücüsünün mobil telefon nömrəsi əldə edilər və texniki vasitələrin köməyi ilə taksidə olan digər şəxslərin kimliyi dəqiqləşirdi. Üstəlik, onların telefonlarını izləməklə cinayətin izinə düşmək olardı.
Seybətin dairəsi deyilən ərazidən Bakıya adam daşıyan taksilərin də sayı məhduddur. Əməliyyat tədbirləri keçirməklə Nurlan Səmədovun Bakıya hansı taksi ilə və kimlərlə getdiyini müəyyənləşdirmək olardı. Lakin nədənsə bu məsələ nə polisi, nə də məhkəmə istintaqını maraqlandırıb.
Nurlan Səmədovu Bakıya hansı taksi sürücüsünün apardığı müəyyənləşdirilsə, onun mobil telefonun nömrəsinə əsasən avtomobildə digər hansı şəxslərin olmasını dəqiqləşdirmək olardı.
Nurlan Səmədovun izahatında onun Bakı şəhərində harada, kiminlə gecələməsi haqqında heç bir məlumat yoxdur və bu məsələ müstəntiqi nə də ki hakimi maraqlandırmayıb. Çox ehtimal ki, o, Zabrat qəsəbəsində yaşayan qardaşıgildə gecələyib. Amma cinayət işində onun qardaşının ifadəsi yoxdur. Müstəntiqin hansı səbəbdən N.Səmədovun qardaşından ifadə almaması məlum deyil və dəfələrlə vəsatət verib qardaşının məhkəmə prosesinə dəvət olunmasını tələb etsəm də, hakim bunu təmin etmədi.
Yenə 3-cü səhifədə də yazılır ki, Nurlan Səmədov yerdən dəmir parçası tapıb sol arxa qapısının şüşəsini sındırmış, sonra da dəmir parçasını əraziyə atmışdır.
Nurlan Səmədovun avtomobilimin şüşəsini sındırdığı dəmir parçası maddi sübut kimi ortada yoxdur və onun tapılması üçün heç bir cəhd edilməyib.
Qərarın 4-cü səhifəsində yazılır: O, hadisəni törətdikdən sonra tanımadığı şəxsin avtomobilinə əyləşib Bakı şəhərinə getmişdir.
Məhkəmə gedişi zamanı Nurlan Səmədova sual verərək “İstisu” ərazisindən Masallı şəhərinə hansı rəngli maşınla gəldiyini soruşduqda o, qırmızı rəngli “Jiquli” markalı maşınla gəldiyini bildirdi. Məhkəməyə təqdim etdiyim diskə köçürülmüş kamera görüntülərində qırmızı rəngli “Jiquli” avtomobilinin ətrafında kifayət qədər şübhəli məqamlar vardır. Hakim bu görüntüləri araşdırmağa belə cəhd etmədi. Digər tərəfdən
4-cü səhifədə yazılır ki, Əfqan Quliyevə məxsus avtomobildən oğurluq cinayət əməlini tək törətmişdir.
Hakimə təqdim etdiyim video diskdə isə daha bir neçə nəfərin qırmızı rəngli “Jiquli” markalı avtomobildə şübhəli kimi qeydə alınır.Həmən şəxslərin müəyyənləşdirilərək məhkəməyə dəvət olunmasını dəfələrlə vəsatət verib tələb etsəm də, hakim bu işdə maraqlı olmadı.
4-cü səhifədə yazılır: İbtidai istintaq zamanı və hal-hazırkı vaxta kimi polis əməkdaşları tərəfindən ona heç bir fiziki və psixoloji təsir göstərilməmişdir.
Bildirirəm ki, Nurlan Səmədov istintaq təcridxanasından 6 (altı) dəfə mənə zəng etmişdir. Hər dəfə o, polis şöbəsində bu işin zorla boynuna qoyulduğunu bildirmişdir və məhkəmə gedişində də polis tərəfindən təzyiqlərə məruz qaldığını bildirdi.
Məhkəmə qərarının 6-cı səhifəsində yazılır ki, arvadım Lalənin, oğlum Kamranın və qızım Günayın ümumvətəndaşlıq pasportu oğurlanan sumkanın içində olmuşdur. Bildirirəm ki, qızım Quliyeva Günay Əfqan qızının ümumiyyətlə, ümumvətəndaşlıq pasportu yoxdur. Bu, bir daha hakimin qeyri-obyektiv olduğunu təsdiq edir.
Qərarın 8-ci səhifəsində yazılır ki, Göytəpə polis bölməsinin sahə müvəkkili Vahid Bayramovun ümumvətəndaşlıq pasportlarını necə tapması barədə məhkəmədə ifadəsi elan olunmuşdur.
Bildirirəm ki sahə müvəkkili Vahid Bayramov nə məhkəməyə dəvət olunub, nədə ki onun ifadəsi məhkəmədə səsləndirilməyib.
Qərarın 9-cu səhifəsində yazılır ki, məhkəmə istintaqı zamanı tədqiq edilən mötəbər sübutlar üzrə təqsirləri tam sübuta yetirmişdir.
- Məhkəmə mötəbər sübut dedikdə, görəsən nə nəzərdə tutulur? Ortada heç bir maddə dəlil və sübut yoxdur. Avtomobildən götürülmüş əl izləri Nurlan Səmədovun olduğunu təsdiq etmir. Verdiyim vəsatətlər təqdim etdiyim kamera görüntüləri tam araşdırılsaydı, avtomobilinin kim tərəfdən qarət olunması və qızıl-zinət əşyalarının kimdə olması sübuta yetərdi. Hakim nəyə görəsə, bunları araşdırmaqda maraqlı deyildi.
Qərarın 11-ci səhifəsində yazılır: Masallı RİHB-nin Masallı şəhər İƏD üzrə nümayəndəsi tərəfindən verilmiş xasiyyətnamədən görünür ki, Nurlan Səmədov yaşadığı yer üzrə müsbət xarakterizə olunur.
- Qərarın 3-cü səhifəsində isə yazılır ki, Nurlan Səmədov 2019-cu ilin yanvar ayından Bakı şəhərində, Zabrat qəsəbəsində qardaşıgildə yaşamışdır.
Deməli, son yeddi ayı o, Bakı şəhərində yaşamışdır. Belə bir halda Masallı şəhər İƏD-nin verdiyi xasiyyətnamə nə dərəcədə etibarlıdır və məhkəmənin qərar qəbul edən zaman bunu nəzərə alması nə dərəcədə doğrudur?
- Avtomobilim, 28.07.2019-cu il tarixdə gündüz saat 1500-1700 radələrində qarət olunub. Nurlan Səmədovun verdiyi izahatda bildirir ki, avtomobili qarət etdikdən sonra Bakı şəhərinə getmiş, 29.07.2019-cu il tarixdə isə yenidən Masallı rayonuna qayıtmışdır. Bu qədər qızıl-zinət əşyasının gecəynən satıb qayıtması özündə çoxlu şübhələr doğurur. Bu o deməkdir ki, bu hadisəni bir neçə şəxs birlikdə törədib, ya da ki, Nurlan Səmədovun boynuna qoyulub.
Bütün bunlar barədə məhkəməyə təqdim etdiyim vəsatətlərdə, mətbuatda çıxışlarımda, yuxarı instansiyalara yolladığım şikayətlərdə və məhkəmənin son iclasına təqdim etdiyim son sözdə ətraflı izah vermişəm. Bütün bunlar onu gösdərir ki, Azərbaycan Respublikasının qanunları onun üçün əsas deyil, əsas onun şəxsi maraqlarıdır. Bu məhkəmə işinin nəticəsi əvvəlcədən məlum idi. Hakim Habil Bəhmənov aldığı sifarişi yerinə yetirməklə sanki Azərbaycan qanunlarına "tüpürmiş" oldu. Çünki məhkəmənin ilk iclaslarında hakim Habil Bəhmənov etiraf edirdi ki, sənin yazdıqlarının 85-90 faizi faktdır. Hər bir şəraitdə öz ləyaqətini, şərəfini qorumalı, ədalət mühakiməsinin nüfuzuna, hakimin yüksək adına, şərəf və ləyaqətinə xələl gətirən hər hansı hərəkətdən çəkinməli olan hakim görəsən “Hakimlərin Əxlaq kodeksi”nin bu tələbini xatırlayırmı?:"Hakim müstəqil olmalı, hər bir konkret iş üzrə öz qərarını sərbəst olaraq işin hərtərəfli, tam və obyektiv araşdırılması nəticəsində, özündə yaranan (bizim misalda kişiyana söhbətdə mənə açıqladığı) daxili İnamına əsaslanmaqla, onunla bir tərkibə daxil olan digər hakimlərin (bizim misalda həm də polisin və prokurorluğun) mövqeyindən asılı olmadan qəbul etməlidir”.Habil Bəhmənov qərar qəbul edən zaman bunların heç birini nəzərə almadı.
Məhkəmənin qərarından apellyasiya şikayəti vermişəm. Qeyd olunanlara prosesual əhəmiyyət kəsb edən faktlara və Azərbaycan Respublikasının CPM-nin 398.1.2-ci maddəsinə əsasən apellyasiya şikayətinin təmin edilməsini, birinci instansiya məhkəməsinin hökmünün sosial ədalətin bərpası məqsədilə ləvğ edib yenidən baxılmasını zəruri edir. İnanmaq isdərdim ki. Şirvan Apellyasiya Məhkəsi bu işin obyektiv araşdırılması və avtomobilinin kimlər tərəfindən qarət olunması dəqiq müəyyənləşdirilməsi və mənə dəymiş maddi ziyan tam ödənilməsi üçün zəruri olan bütün addımları atacaqdır.
P.S Azərbaycan dövlətinin nüfuzuna xələl gətirən, dövlətin verdiyi səlahiyətdən sui-istifadə edərək sifarişdi qərarlar qəbul edən və hakim adına xələl gətirən hərəkətlərə yol verənlərə qarşı görəsən nə vaxt hüquqi addımlar atılacaq?Belələrinə qarşı dövlət "sərt üzünü" görəsən nə vaxt gösdərəcək? //Nyus.Az//
