“AZƏRBAYCAN DİLİNDƏ ELƏ DƏ SƏRBƏST DANIŞMIRAM”
Həyat olumdan ölümə doğru yüksələn bir pillədir. İnsan anadan olduğu andan bəri bu pillələrlə özü də bilmədiyi istiqamətə doğru irəliləməyə başlayır. Bu uzun yolda zaman-zaman çiyinlərimizə ağır yüklər qoyulur və biz yüksəldikcə öz yükümüzü də daşımalı oluruq. Kiminin qismətinə kələ-kötür, kirli-paslı pillələr düşür, kimininsə hamar və parlaq dayanacaqlar. Xoşbəxt o kəsdir ki, hər bir dayanacaqda ayaq saxlayaraq, geriyə boylana və nəticə çıxara bilsin. Eyni zamanda qarşıdakı pillələri təmizləyə-təmizləyə, badalaqları adlayaraq yüksəkliyə doğru irəliləsin. Onda yükümüz yüngül olar, yolumuz hamar və yüksəkliyə çatdıqda başımız hərlənməz.
Bugünkü qonağım adı da özü qədər gözəl olan, "Lider" televiziyasının "Qızıl pillə" verilişinin aparıcısı Adıgözəlova Zemfiradır.
- Təqdimata ehtiyaca olmayan Zemfira xanım özünü oxucularımıza necə təqdim edərdi?
- Sadəcə В«Qızıl pilləВ»nin aparıcısı Zemfira.
- Necə oldu ki, televiziya sahəsində çalışmağa başladınız?
- Mən hələ İncəsənət Universitetinin 2-ci kursunda oxuyanda işləməyə başladım. O vaxt В«SaraВ» radio-televiziyası var idi. Ora təcrübə toplamağa getdim. Sonralar AzTV-də rejissor kimi çalışdım. Daha sonra isə hal-hazırda çalışdığım В«LiderВ» TV-yə keçdim. Elə sənətim də rejissordur. Həm də bir veriliş var idi - В«Rəqs atlasıВ», onun aparıcısı idim. В«LiderВ» TV-yə rejissor kimi gəlmişdim. Öncə digər verilişlərdə rejissor, sonra В«Qızıl pilləВ»nin ideya müəllifi və rejissoru kimi birinci ili, ikinci ili artıq həm rejissor, həm aparıcısı kimi fəaliyyətimə davam etdim.
- Bu gün yetərincə populyar aparıcı olan Zemfira xanım inanırdımı ki, nə vaxtsa populyar aparıcı olacaq?
- İnanırdı deyəndə ki, əslində, populyar aktrisa olmaq fikrimdən daha çox keçirdi, nəinki aparıcı. Çünki mən teatr rejissorluğunu bitirmişəm və tələbəlik illərində tamaşalarda oynamışam. Çox da uğurlu olurdu. Rəhmətlik Firdovsi müəllim deyərdi ki, sən televiziyaya getmə, çünki o balaca qutu sənin imkanlarını məhdudlaşdıracaq, teatra, kinoya get.
- Zemfira xanımın o biri həmkarları ilə oxşar və fərqli cəhətləri nədir?
- Məni fərqləndirən bir çox şeylər var. Ən birincisi, mənə məxsus saçlarım, sonra ürəkli olmağım, riski sevməyim, özünəməxsus və belə deyək də, standartlardan kənar cazibəm var. Çox təriflədim, deyəsən, özümü, amma düz deyirəm də. Oxşar cəhət isə görmürəm. Əksinə, bir çoxları artıq məni təkrarlayır geyimimdə, danışıq tərzimdə. Çox adam zəng vurur mənə. Deyir bunları, özüm də görürəm ki, düz deyirlər.
- Nəyə görə bir çox kanallar içində В«LiderВ» kanalını seçdiniz?
- Hələ В«LiderВ» TV-yə gəlməmişdən öncə bu kanala simpatiyam var idi. Mən AzTV-dən gedəndən sonra bir neçə yerdən təklif gəlmişdi, getmədim, В«LiderВ»i gözlədim və o kanala gəldim. Əslində, mən bu TV-yə o məqsədlə gəlməmişəm ki, burda nə isə sərbəst mövzular edim, heç bu fikir başımdan belə keçmirdi. Nə bilim, məncə, yox, başqalarında alınmazdı. Bilmirəm, necə alındı.
- Bir çoxları sizi seksi Zema adlandırırlar. Hətta verilişin musiqi tərtibatında da bu sözlər səslənir. Buna münasibətiniz necədir?
- Seksi Zema deyəndə əvvəllər bir az birtəhər olurdum, səksəkəli gəlirdi mənə. Nəsə öyrəşməmişdim, sonra öyrəşdim. Daha sonra isə dedilər ki, sən demə, o adı qazanmağı bir neçə aparıcı istəyib.
- Özündənrazı həmkarlarınıza sözünüz varmı?
- Yox, mənim heç kimlə işim yoxdur. Özündənrazı olmaq üçün ən azı böyük işlər görməlisən. Gərək ölkədən kənar ölkən üçün nə isə edəsən, onda hardasa bunu başa düşmək olar. Bilirsiniz, kimsə özündənrazı ola bilər, amma qədərində. Biz balaca bir şəhərdə yaşayırıq, burada çox da göylərlə uçmaq olmur, çünki hamı hər şeyi görür.
- Bəzi telekanallarda aparıcılarımızın danışığında çoxlu nitq qüsurları olur. Bu, sizi bir peşəkar aparıcı kimi narahat edirmi?
- Oyyy, aparıcılarda nitq qüsurları da var, nə bilim, zövq qüsurları da var. İntellektual səviyyənin ümumiyyətlə olmaması faciəsi var, nə bilim. Bir çox şeylər var. Amma düzünü deyim sizə, bunu ilk dəfədir etiraf edirəm, mənim heç haqqım yoxdur ki, kimdəsə qüsur tutam, çünki özümdə, danışıq tərzimdə o qədər qüsur var ki. Mən rusdilli olduğum üçün, yəni rus dilində təhsil aldığım üçün ən böyük qüsur məndə var. Çoxları elə bilir ki, mənim asta danışmağımda yalnız naz eləmək, incəlik nümayişi var. Amma bilən yoxdur ki, mən Azərbaycan dilində elə də sərbəst, tez-tez danışmıram. Çünki bir az ehtiyat edirəm ki, söz ehtiyatım olmaz. Düşünərək və beynimdən rus dilindən Azərbaycan dilinə çevirərək danışıram. Oyy, bundan heç tamaşaçıların xəbəri yoxdur. Hə, bəlkə də, oxucular deyəcək ki, bu niyə özündən heç danışmır ki? Amma məni həyatda kim görür, çox təəccüblənir. Çünki mən həyatda elə deyiləm. Arığam, sadəcə, efirdə niyə o boyda düşürəm, hələ də anlamıram.
- Bu gün sizinlə rəqabətə girmək istəyən aparıcı varmı?
- Rəqabət istəyən kolleqam? Bəlkə kolleqalarınız desəydiniz, daha doğru olardı. Hə, var, özü də bir çoxları. Məclisdə də olub, tədbirdə-filanda da. Düzdür, şou-biznes aləmi elədir ki, üzünə gülürlər, В«canım-gözümВ» deyib, öpüb-qucaqlayırlar, amma səmimiyyətdən uzaq, kənarda mənimlə bir məclisdə olmağı və yaxud ümumiyyətlə, mənim bu aləmdə olmağımı istəməyənlər çoxdur. Sizə deyim ki, qısqanclıq tək həmkarlarımdan gəlmir, elə adi insanlardan, tamaşaçılardan da gəlir. Bir də görürsən ki, bir mağazada hansısa paltara baxıram, mənə olan baxışları hiss edirəm. Qadın öz həyat yoldaşının əlindən tutub bayıra çıxarır ki, nə var e, burda, burda bir şey yoxdur, gəl, gəl, çıxaq, Tez-tələsik onu çıxardır, çönüb yoldaşına baxıram ki, heç arvadını eşitmir, kişi elə donub mənə baxır. Qadın məni elə bil ki, parçalayacaq, baxışları ilə, hirslə kişinin qolunu qolundan çıxardır. Belə hallar çox olub. Elə bil ki, mən kişilərin acıyam, nəyiyəm. Bu cür hallar çox olub. Adətən mən müxbirimizlə harasa gedirəm. O da hiss edib ki, Zema, elə bil indi bu qadın üstünə cumub səni döyəcək.
- Tənqid etməyi sevirsiniz, yoxsa tənqid edilməyi?
- Düzünü desəm ki, tənqid etməyi sevirəm. Tənqid olunmağı da. Amma məni o qədər tənqid ediblər, vay-vay.
- Mənə maraqlıdır, В«Qızıl pilləВ» verilişi necə yarandı?
- В«Qızıl pilləВ» 2009-cu ilin yaz aylarında yarandı. Yay aylarında çəkilişə başladıq. Sentyabrın 9-u artıq В«Qızıl pilləВ»nin birinci efiri yayımlanmağa başladı və inanılmaz şok bir reytinq qazandı. Bu ideya məndə çoxdan var idi. Sadəcə, məqamı, vaxtı deyildi. Nəhayət ki, Allahın köməkliyi ilə reallaşdı.
- Bəs necə oldu ki, verilişi В«Qızıl pilləВ» adlandırdınız?
- İş otağımızda bir neçə versiya dedim, uşaqlarla müzakirə edirdik. Şərti olaraq efirə qədər adını В«Qızıl pilləВ» qoyduq. Elə oldu ki, heç başqa variantları düşünməyə vaxtımız olmadı. Həm də hamı dedi ki, yaxşıdır da adı, digər adı neyləyirik? Elə adı belə də qaldı. Birinci mövsümdə aparıcısız, yalnız kadr-arxası səsləndirmə ilə oldu veriliş, ikinci mövsümdə yalnız mənimlə, üçüncüdə isə mən +qonaq В«Qızıl pilləВ»də çalışmışam. В«Qızıl pilləВ»yə layiq olan adamları çəkirəm, düzdür. Amma hərdən olub ki, məyus olmuşam, çəkdiyim şəxsi verilişimə layiq bildiyim üçün. O ki qaldı özümə, mən də çalışıram qızıl pillələrlə addımlayım. Amma qızıl pillənin özünə çatmağıma hələ çox var.
- Sevdiyiniz müğənni, sevdiyiniz mahnı, sevdiyiniz fəsil, sevdiyiniz gül hansıdır?
- Sevdiyim bir müğənni, yaxud aktrisa-filan yoxdur. Hər il o siyahı çoxala və ya azala bilər. Konkret adın üstündə heç vaxt dayanmamışam. Öz zövqüm və simpatiyam var. Sevdiyim gül isə firuzəyi qızılgüllərdir. Bütün fəsillər özünə görə gözəldir, amma yaz mənə daha yaxındır.
- Zema xanım, sonda hansı sualı eşitmək istərdiniz ki, o sualı mən sizə vermədim?
- Suallarınız normaldır, sözün düzü, elə bilirdim ki, şəxsi həyatımdan daha çox sual verəcəksiniz, sevgi-filan, amma yaxşı etdiniz ki, o sualları vermədiniz. Çünki sevmirəm bu haqda danışmağı. Mənim daxilimə aid olan elə mənim daxilimdədir. Təşəkkür sizə də, uğurlar. Çalışın, qızıl pillələrlə addımlayın.
Məncə, həyat pillələrini qızıl edən qızıl kimi insanlardır. Odur ki, mən də hamımıza qızıl pillələrlə addımlamağı arzu edirəm...
Şair-jurnalist Fuad Biləsuvarlı
O.M.
