DİA.AZ: - Bir müddət əvvəl deputat Əhməd Vəliyevin rəhbərlik etdiyi “Odlar Yurdu” Universitetina ağır ittihamlar irəli sürən Tələbə Qəbulu üzrə Dövlət Komissiyasının sədri Məleykə Abbaszadə maraqlı bir ifadəsi ilə də yadda qalmışdı: “Onların əlinə meyit də vermək olmaz”... Doğrudur, sonradan... 2012-ci ildə TQDK tərəfindən Odlar Yurduna tələbə qəbulu üçün şərait yaradıldı, yer ayrıldı. Amma bu dəfə belə olmaya bilər. Bu barədə DİA.AZ daxil olan məlumatlar da təsdiqləyir ki, TQDK sədri deputat-rektora bu il gerçəkdən də yer ayırmaya bilər...
Xatırladaq ki, bir müddət əvvəl Tələbə Qəbulu üzrə Dövlət Komissiyasının (TQDK) sədri Məleykə Abbaszadə adını açıqlamadan özəl ali məktəblərdən birində fəaliyyət göstərən tibb fakültəsinin 24 tələbəsi ilə bağlı ona müraciət edildiyini bildirib. Məleykə Abbaszadə demişdi ki, həmin tələbələrin rezidentura imtahanlarına buraxılmasına kömək edilməsi xahiş olunub. Ancaq araşdırmalar zamanı həmin tələbələrin yalnız 6-nın TQDK-nın 6 il əvvəl keçirdiyi imtahanın nəticəsinə uyğun olaraq həmin ali məktəbdəki tibb fakültəsinə qəbul edildiyi üzə çıxıb: “Digər 18 nəfərin həmin ali məktəbin tibb fakültəsinə necə qəbul olaraq, oxuduqları məlum deyil. Belə adamları nəinki xəstəxanaya buraxmaq olar, heç onların əlinə meyit də vermək olmaz. Sözsüz ki, mən bu xahişi qəbul etmədim. Onlar ona görə bu xahişi etmişdilər ki, mən Müdafiə Nazirliyinə müraciət edərək xahiş etmişdim ki, rezidentura imtahanlarında iştirak edəcək oğlan məzunlara sentyabrda keçiriləcək imtahana qədər möhlət verilsin. Çünki rezidenturaya imtahan sentyabr ayında keçiriləcək. Lakin qanunsuz yolla ali məktəbə qəbul olanların rezidentura imtahanlarına buraxılması müzakirə mövzusu ola bilməz”.
Sonradan aparılan araşdırmalar nəticəsində həmin ali məktəbin Odlar Yurdu Universiteti olduğunu üzə çıxdı. Yəni əslində bu fakt qeyri-leqal tələbə qəbulu prosesinin ifşası idi. Amma nə TQDK sədri bu işin üzərinə yeriyə bildi, nə də bir kimsə. Çünki Əhməd Vəliyev kimlərsə tərəfindən qorunurdu. Təbii ki, onun əsas qoruyucu mələklərindən biri keçmiş təhsil naziri Misir Mərdanov idi ki, artıq o, vəzifə başında deyil.
Xatırladaq ki, Əhməd Vəliyev həmin ərəfədə ifşa olunmuş bu biabırçılıqlara belə bir cavab vermişdi. O bildirmişdi ki, ali məktəblərə tələbə qəbulunun bir neçə forması var: “2004-cü ilə qədər bir qrup tələbə özəl universitetlərin özü tərəfindən aparılan qəbul nəticəsində ali məktəbə qəbul olub. 2004-cü ilə qədər Azərbaycanda özəl məktəblərin tələbə qəbulu aparmaq hüququ olub. Ona görə də bu məsələdə TQDK heç nə deyə bilməz. Bu, Azərbaycanın keçmiş təhsil haqqında qanununun 21-ci maddəsində əksini tapmışdı. İstər Beynəlxalq Universitet, istər Müstəqil Azərbaycan Universiteti, istər Odlar Yurdu Universiteti, istər Xəzər Universiteti və başqa özəl ali məktəblər olsun, bu ali məktəblərə TQDK 5 tələbə göndərirdisə, bu özəl ali məktəblərin 10, lap 100 nəfəri özləri qəbul etmək hüquqları vardı. Rezidenturaya imtahan vermək istəyən tələbələrin bir qismi o xətlə gələnlərdir”.
O, tələbələrin bir təhsil müəssisəsindən digərinə köçürülmə qaydalarının da olduğunu demişdi: “Mobillik məsələsi var, hazırda Baloniya prosesidir. İkinci qrup tələbələr o istiqamətdən gələ bilər. Yəni digər yerlərdə, istər xarici ölkələrin universitetlərindən, istər respublikanın digər universitetlərindən Odlar Yurdu Universitetinin tibb fakültəsinə köçürülə və oxuya bilər bilər”.
Əslində Əhməd Vəliyev bütün bu sadaladıqları ilə həm də keçmiş nazir Misir Mərdanovun və onun qanunsuz qəbul mafiyasının hansı yolla qazanc əldə etməsini detalı ilə ortaya qoymuşdu. Amma bir daha təkrarlayırıq ki, maləsəf, həmin ərəfədə kimsə rektor-deputata güldən ağır söz də deyə bilmədi. Amma indi vəziyyət kifayət qədər dəyişib. ən azından Misir Mərdanov taxtından salınıb.
Bu barədə DİA.AZ-a bilgili qaynaqlardan daxil olan informasiyada bildirilir ki, В«Odlar YurduВ» Universitetindəki qanunsuz tələbə qəbulu prosesi ilə bağlı araşdırmaların aparılması üçün TQDK tərəfindən dəfələrlə təhsil nazirliyinə və müvafiq dövlət qurumlarına müraciət olunub: В«Zaman-zaman bu kimi müraciətlər edilib. Amma tədbir görülməyib. Misir Mərdanov edilən müraciətləri bir kənara atıb. İndi isə yeni nazir Mikayıl Cabbarov həmin istiqamət üzərə araşdırmalara start verib. Çox güman ki, В«Odlar YurduВ»nda yoxlamalar aparılacaqВ».
Mənbəmiz bildirir ki, artıq gənc nazirin adından sözügedən ali təhsil ocağının təftişi üçün Hesablama Palatasına müraciət də edilşib.
Mövzu diqqətimizdədir. Araşdırmalarımız davam edir. Qarşı tərəfi də dinləməyə hazırıq…
