Silahlı Qüvvələrə Yardım Fonduna ianə edən tanınmış sənət adamlarının sırası hər gün genişlənir.
Yenisabah.az xəbər verir ki, prodüser Tarix Əliyev (Tolik) sözügedən aksiyaya qoşulmayan məşhurları sərt tənqid edib. Sosial şəbəkə hesabında canlı yayıma çıxan prodüser müğənnilərə səslənib:
“Nigar Camalın yaxşı kişi dostları var. Onun dostu 200 min dollar verib, klip çəkdirir. Orduya yardım edə bilərlər, amma etmirlər.
Türkiyədə yaşayan məşhurlarımız əslində erməni vəhşilikləri ilə bağlı paylaşım edə bilərlər, amma etmirlər. Mətanət İsgəndərli, sizə böyük hörmətim var, gedib konsert verdiniz, qazandığınız 3-4 min dolların heç olmasa 1000 dollarını orduya köçürərdiniz. Bayram Nurlu qədər də olmadınız? Bayram 2000 manat orduya ianə etdi. Bayram qədər də deyilsiniz? Başqa vaxt Bayramı bəyənmirsiniz. Bayram sizdən min dəfə qeyrətlidir, başa düşdü ki, özü hərbi xidmətdə olmayıb, başqalarına yardım edim dedi. Siz niyə etmirsiniz?”
Qeyd edək ki, Tolik əmək haqqının bir hissəsini Silahlı Qüvvələrinə Yardım Fonduna köçürərək, 1000 manat ianə edib.
