Bazar günü, iyulun 21-də “müqəddəs Baqrat” deyilən revanşist şovinist keşiş və tərəfdarları hazırda “Geğarkunik” adlanan tarixi Göyçə mahalına baş çəkiblər. Noratus, Havar kəndlərini ziyarət edərək oradakı haylarla söhbət ediblər. Ancaq “möhtərəm”lə görüşlərə nəzərəçarpacaq dərəcədə az adam gəlib.
Moderator.az xəbər verir ki, bu haqda Hraparak” qəzeti yazıb.
“Və ən əsası, Geğarkunik yeparxiyasından heç kim, nə yeparxiyanın vikarı Ter-Partev, nə də başqa din xadimləri onu salamlamağa getməyib. Həmin gün, iyulun 21-də Ter Partev “Havar” sosial-tədris Mərkəzində keçirilən hesabat sərgisində iştirak etmiş və həmin sərgidə məzun olan tələbələrə buraxılış şəhadətnamələrini şəxsən təqdim etmiş və bu adi tədbiri möhtərəmlə görüşdən üstün bilmişdir”, - deyə davamında erməni nəşri bildirir.
Bu minvalla aprel ayından bəri Qazax rayonunun işğal altındakı 4 kəndinin Azərbaycana təhvil verilməsinə hazırlığı bəhanə edərək Paşinyan hakimiyyətinə qarşı kütləvi mitinq və yürüşlər təşkil etməyə çalışan, Qarabağın yenidən işğal edilməsinə çağıran və bütün bu işləri iflasa uğrayan keşiş Baqrat növbəti dəfə pərt olub...
