Təmir adı ilə gəlib, suyu birdəfəlik kəsdilər...

"Şikayətim Azərbaycan Dövlət Su Ehtiyatları Agentliyindəndir..." "DİA-AZ" xəbər verir ki, bu barədə Suraxanı rayonu, Hövsan qəsəbəsi sakinləri adından edilən müraciətdə deyilir.

Müraciətdə daha sonra bildirilir: "Son bir neçə müddətdir onsuz da su demək olar gəlmirdi... lakin axır vaxtlar qonşulara nisbətən bizdə daha da az su təzyiqi olduğuna görə müraciət etdik. Gəldilər, sayğacın vaxtı bitib deyib, sayğacı dəyişdilər. Sayğacı dəyişdikdən sonra nə etdilərsə ümumiyyətlə o gələn su da gəlmədi. Dedilər ki guya vintlər dəyişilməlidir və bunu biz etməliyik, onlar yox. Yenidən müraciət etdikdən sonra gəlib hər şeyə yenidən baxdılar və dedilər bizlik deyil, qəza bərpa baxmalıdır, sizin xəttə su gəlmir. Və 5 gündən artıqdır ki müraciət edirik...heç bir xəbər yoxdur. Su da olmadığına görə, təbii ki çətinlik yaranır..."