"Vergi borcları olduğuna görə..."

" "Kapital Bank", məlumatınızın olmağı vacibdir. Respublika ərazisində mobil pos-terminal istifadə edən bir çox ödəyicilər var. Bu gün vergi ödəyicilərinin dövlət üzrə borcları yaranıb (ikinci rüb 2026-cı il üçün)..." "DİA-AZ" xəbər verir ki, bunu özünün sosial şəbəkə hesabında  “Ganjavi Holding”in prezidenti, ictimai xadim və iş adamı Elşən Gəncəvi yazıb.

Müraciətdə daha sonra deyilir: "Vergi borcları olduğuna görə, hər bir ödəyicinin mobil pos-terminal tətbiqi dayandırılmışdır (5 AZN borca görə). Mobil-posterminal aktiv olduğu halda, plastik kartlardan ödənişləri qəbul etdikdə dövlət büdcəsinə olan vergi borcları avtomatik ödənilmiş olacaqdı (çünki sərəncamları alınmalı vəziyyətdədi). Bugünki vəziyyətdə vergi ödəyiciləri 5 AZN aylıq xidmət haqqını ödəyə bilmədiklərinə görə, mobil pos-terminallar işləmir. Nəticədə mobil pos-terminal işləmədiyinə görə Dövlət Vergi Xidməti tərəfindən 1000 AZN maliyyə sanksiyası tətbiq oluna bilər və olunur. Olmazki, vergi borcu olduğu halda, sizin xidmət haqqı olan 5 AZN hansısa formatda ödənilsinki, mobil pos-terminal aktivləşsin (çünki 5 AZN MillÖn ilə ödəniləndə avtomatik vergiyə olan borcundan silinir) və vergi ödəyiciləri müştəri tərəfindən istifadə edilən plastik kartlardan ödənişləri qəbul edə bilsin..."