"Rəsmi kanallarımızda paylaşılmayan heç bir aksiya, lotereya və ya kampaniya “OBA”ya aid deyil!

"Çox vacib bir məlumatı diqqətinizə çatdırmaq istərdik…" "DİA-AZ" xəbər verir ki, bunu özünün sosial şəbəkə hesabında Veysəloğlu Şirkətlər Qrupu nun Mətbuat Xidmətinin rəhbəri Məhəmmədəli Qəribli qeyd edib.

O daha sonra bildirib: "Son günlər sosial şəbəkələrdə Veysəloğlu Şirkətlər Qrupuna daxil olan “OBA” Marketlər şəbəkəsinin adı ilə yayılan qeyri-rəsmi kampaniya və müsabiqələrin şirkətlə heç bir əlaqəsi yoxdur.

Rəsmi kommunikasiya kanallarımızda paylaşılmayan heç bir aksiya, lotereya və ya kampaniya “OBA”ya aid deyil.

Müştərilərə belə hallarda ehtiyatlı olmaq tövsiyə edilir:

• Şübhəli linklərə daxil olmamaq;

• Rəsmi səhifələrdə yayımlanmayan məlumatlara inanmamaq;

• Dolayı yollarla yayılan elanlarla bağlı diqqətli olmaq.

"OBA" Marketlər şəbəkəsi yalnız öz rəsmi platformalarında paylaşdığı məlumatlara görə məsuliyyət daşıdığını və müştərilərin təhlükəsizliyinin prioritet olduğunu vurğulayır..."