BAKIDA FRANSA ŞİRKƏTİ SOYULDU
11-09-2012, 11:11
160 MİN MANATI APARANLAR YAXALANIB
Bakıda şirkətdən külli miqdarda pul oğurlanıb.
Bu barədə APA-ya Bakı şəhər Baş Polis İdarəsindən bildirilib.
Hadisə sentyabrın 10-a keçən gecə Nizami rayonunda yerləşən, Fransa vətəndaşı Lieve Van Sendenin rəhbəri olduğu «Azersix» MMC-də qeydə alınıb. Şirkətin qapısını sındırma yolu ilə içərisində 160 min manat olan seyf naməlum şəraitdə oğurlanıb.
Daxili İşlər Nazirliyi Baş Cinayət Axtarış İdarəsi, Bakı Şəhər Baş Polis İdarəsinin Cinayət Axtarış İdarəsi, Nizami Rayon Polis İdarəsinin Cinayət Axtarış Şöbəsi, Narkotiklərlə Mübarizə Bölməsi və 23-cü Polis Bölməsi əməkdaşlarının birgə keçirdikləri əməliyyat tədbirləri nəticəsində oğurluqda şübhəli bilinən, həmin şirkətdə fəhlə işləyənlər - Gədəbəy rayon sakini Şamil Ələkbərov, Bakı şəhər sakinləri Vüsal Əlifov və Telman Mustafayev sentyabrın 10-da tutulublar.
Geri qayıt