GÜNEY AZƏRBAYCANIN DƏSTƏYƏ EHİYACI VAR
12-08-2012, 12:24
ÖLÜ VƏ YARALI SAYI DURMADAN ARTIR
İranın Şərqi Azərbaycan əyalətində baş vermiş zəlzələ nəticəsində ölənlərin sayı 250-ni, yaralıların sayı isə 2 min nəfəri keçib.
APA-nın Fars xəbər agentliyinə istinadən verdiyi xəbərə görə, ölü və yaralı sayının daha da artması ilə bağlı narahatlıqlar var.
Zəlzələnin episentri olan Əhər, Vərzegan və Həris rayonlarında 110 kəndin tamamilə və ya qismət dağıldığı bildirilir.
Bölgəyə xilasedici dəstələr sövq edilib, ətraf şəhərlərdən də xiasedicilər və tibbi personal cəlb edilib.
Məlumata görə, son iki gündə bölgədə 2,5-4,7 bal arasında dəyişən 50-dən çox təkan qeydə alınıb. Buna görə də əhalinin evlərinə dönməməsi üçün çağırış edilib.
İran dövlət televiziyası daxili işlər naziri Mustafa Məhəmməd Nəccarın zəlzələ bölgəsinə getdiyini xəbər verib. Səhiyyə naziri Mərziyə Vahid Destkerdi isə Vərzegan rayonunda səyyar xəstəxana qurulduğunu bildirib.
Dünən İranın Şərqi Azərbaycan bölgəsində 6,2 və 6 bal gücündə bir neçə zəlzələ baş verib.
Zəlzələ Azərbaycan, Türkiyə və Ermənistanda da hiss edilib.
Geri qayıt