VHP GÜLƏ BAŞSAĞLIĞI VERDİ
25-10-2011, 16:42
TÜRKİYƏNİN DƏRDİ BİZİM DƏRDİMİZDİR
Vətəndaş Həmrəyliyi Partiyasının sədri, millət vəkili Sabir Rüstəmxanlı Türkiyə xalqına başsağlığı verib.
Partiyanın mətbuat xidmətindən daxil olan məlumata görə, Türkiyə Cümhuriyyətinin prezidenti Abdulla Gülə ünvanlanan başsağlığında deyilir:
“Hörmətli Cümhur başqanı!
Türkiyə Cümhuriyyətinin Van şəhərində insan tələfatına səbəb olan zəlzələ xəbərini dərin üzüntü və kədər içində qarşıladım. Qardaş ölkədə baş verən bu faciə hər bir Azərbaycan türkünün qəlbində çox ağrılı bir iz saldı.
Zəlzələ nəticəsində həyatlarını itirənlərin ailələrinə və yaxınlarına, şəxsən Sizə və bütün Türk xalqına dərin hüznlə başsağlığı verir, dərdinizə şərik çıxır, yaralananlara Allahdan şəfa diləyirəm.
Allah rəhmət eləsin!”
Geri qayıt