PREZİDENT ADMİNİSTRASİYASININ QARŞISI DA SÜRÜŞDÜ
26-03-2012, 16:30
SÜRÜŞMƏ SIRASI MƏRKƏZƏ GƏLİB ÇATDI
Bakıda növbəti uçqun hadisəsi baş verib. Bunu Ekologiya və Təbii Sərvətlər Nazirliyinin (ETSN) Kompleks Hidrogeologiya və Mühəndis Geologiyası Ekspedisiyasının baş mühəndisi Şaiq Niftiyev deyib.
Onun sözlərinə görə, Bakının Səbail rayonu, Niyazi küçəsi, 11-də - İncəsənət Muzeyinin arxasında 15 metrədək uzunluğu olan istinad divarı uçub.
"Çökmə torpaq istinad divarının arxasına dolub. Oraya qış aylarında yağış sularının daxil olması ərazidə təbii nəmlənmə yaradıb. Bunun nəticəsində çökmə yaranıb. Çökmə nəticəsində isə istinad divarı uçub", - baş mühəndis əlavə edib.
O qeyd edib ki, istinad divarının uçması nəticəsində yaxından keçən kommunikasiya boruları deformasiyaya məruz qalıb.
Qeyd edək ki, martın ortalarında Səbail rayonu, Əlibəyov qardaşları küçəsi, 10 saylı binanın qarşısında istinad divarı uçmuşdu (Trend).
Geri qayıt