FARS-MOLLA REJİMİ ÇAŞIB
4-10-2011, 16:44
ONLAR ATATÜRKLƏ İLHAM ƏLİYEVİ EYNİ TUTURLAR
DİA.AZ: - Son günlər İran yenə də Azərbaycanın əleyhinə təbliğata başlayıb. Artıq İranın xüsusi xidmət orqanlarının nəzarətində olan xəbər portalları Azərbaycan dövlətin və dövlət rəsmilərinin əleyhinə yeni kampaniyaya start veriblər. Xatırladaq ki, buna qədər də fars-molla rejimi rəsmi Bakıya qarşı “səlib yürüşü”nə keşmişdi. Belə ki, İran Silahlı Qüvvələrinin Baş qərargah rəisi Seyid Həsən FiruzabadiAzərbaycan dövləti ilə yanaşı prezident İlham Əliyevin və eləcə də Azərbaycan türklərinin ünvanına kəskin ifadələr işlətmişdi.
Azərbaycan türklərinin türk olmadığını önə sürən fars təbliğat maşını bizi “Aran xalqı” olaraq adlandırır və guya ki, bu “Aran xalqı”nın da damarlarından “iranlı qanı” axır. Onu da qeyd edək ki, Firuzabadinin bu sərsəm açıqlamaları sonradan təkzib olundu. Halbuki bu açıqlama İranın rəsmi “MEHR” agentliyi tərəfindən yayılmışdı və hətta İran parlamentinin rəhbəri Əli Larcani məlum açıqlamanın yersiz və yanlış olduğunu söyləyərək İran rəsmilərinə xitabən “ehtiyatlı olun, bu cür sözlər iki ölkənin münasibətlərini gərginləşdirə bilər” müraciətini də ünvanlamışdı.
Və bu prosesin ardından da farsların şər-böhtan kampaniyasına ara verilmədi. Son günlər yenə də molla rejiminin ənənəvi dilləri danışmağa başlayıb. Onu da qeyd edək ki, iranlılar bu dəfə İlham Əliyevlə yanaşı Türkiyə türklərinin dahi siması Mustafa Kamal Paşa Atatürkün də ünvanına sərt ifadələr işlədiblər.
Bu barədə “arannyus” xəbər portalının yaydığı məlumatda deyilir: “Rəşt əyalətinin müvəqqəti imam cüməsi höccətül-islam vəl-müslimin Qulamrza Şəfii bu həftəki cümə namazının siyasi-ibadi xütbələrində hicab qadağasına etiraz etdiklərinə görə həbs edilmiş dindarlara 12 il həbs cəzası verilməsinin istənilməsini pisləyərək, bildirdi: "İlham Əliyev, Rzaxan və Atatürk kimi region diktatorlarının başlarına gələnlərdən ibrət götürməli, camaatın islam istəkləri ilə mübarizə etməməlidir. Azərbaycan camaatı sakit dayanmamalı və islami oyanışın belə yüksək həddə çatdığı bir dövrdə öz ölkələrində İslama qarşı çıxmağa icazə verməməlidirlər".
İmam cümə, Fələstin məzlum xalqına dəstək gününün gəlib çatmasına işarə edərək dedi: "Bəziləri fitnə cərəyanından xəbərləri olmadan Fələstin məsələləri barədə azdırıcı şüarlar səsləndirdilər. Bu da onların İslamdan xəbərsizliklərinin əlamətidir".
Höccətül-islam vəl müslimin Qulamrza Şəfii Niya insanın öz həmnövünə kömək etməsini İslamın təkid etdiyi məsələlərdən olduğunu bildirib, dedi: "Məzlumlara kömək etmək İran müsəlmanlarının hər birinin şəri və qanuni vəzifəsidir"”.
Bir başqa məlumatda isə Ərdəbilin imam cüməsindən sitatlara yer verilib: “Bu şəraitdən yalnız ermənilər sevinirlər. Çünki Qarabağın azad olunması üçün 20 illik arzu bu təzyiqlərin nəticəsində geri düşür. Dindarlar azad olmayınca bu ölkənin qələbəsi gerçəkləşə bilməz.
Vəliyyi-fəqihin Ərdəbil əyalətində nümayəndəsi höccətül-islam vəl müslimin Seyid Həsən Amili Ərdəbilin bu həftəki cümə namazının xütbələrində Azərbaycan rəsmilərinin bu ölkənin alim və dindarlarını mühakimə və həbs etmələri barədəki hərəkətlərini tənqid edərək, bildirdi: “Bu şəraitdən yalnız ermənilər sevinirlər. Çünki Qarabağın azad olunması üçün 20 illik arzu bu təzyiqlərin nəticəsində geri düşür. Dindarlar azad olmayınca bu ölkənin qələbəsi gerçəkləşə bilməz”.
Seyid Həsən Amili tarix boyu, xüsusilə də müasir tarixdə İran, İraq, Misir, Liviya, Tunisdə alimlərin zindana salınmalarının açı nəticələrinə işarə edərək dedi: “Alimləri zindana salan, onların izzətini qorumayan, onların təhqir olması üçün şərait yaradan hər bir hökumət, mütləq özü də bir gün xar və zəlil olubdur. Səddam və şah məlun bunun bariz numənələrindəndir”.
Ərdəbilin imam cüməsi cümə namazının xütbələrinin sonunda həyatda problemlər yaradan, yaşayışı çətinləşdirən səhv bidətlərin yığışdırılmasını zəruri bildirib, açıqladı: “Biz əgər günahı və pis işləri yaxşı tanıya bilsək, haqla batili bir-birindən düzgün surətdə ayıra bilərik və öz həyatımız üçün düzgün ölçülər götürə bilərik””.
Hər halda yuxarıda yer alan məlumatlardan da İranın təbliğat maşınının hansı incəliklə üzərimizə yeridiyini görməmək mümkün deyil.
Mövzu diqqətimizdədir.
Geri qayıt