İBRAHİM NEHRƏMLİ İTTİHAMLARDAN NECƏ YAYINIR?
19-09-2013, 11:19
HAQQI YEYİLƏN SAHİBKAR ÜZLƏŞDİYİ ÖZBAŞINALIQDAN ŞİKAYƏTÇİ DÜŞÜB
DİA.AZ: - Qazax rayonu, Aşağı Əskipara kənd sakini Məmmədov Elşad Tofiq oğlu tərəfindən Azərbaycan Respublikasının Prezidenti İlham Əliyev cənablarına, Azərbaycan Respublikası Baş Prokurorluğunun mətbuat xidmətinə, ölkə KİV-lərinə, Azərbaycan Respublikası Ali Məhkəməsinin Mülki Kollegiyasına, Hakim Qəhrəman Allahverdiyevə, AZ 1025, Bakı şəhəri, Yusif Səfərov küç.14, 1193-cü məhəllə, Bakı Apellyasiya Məhkəməsinin sədri İman Nağıyevə, Azərbaycan RespublikasıMilli Təhlükəsizlik Nazirliyinə ünvanladığı şikayət məktubunu DİA.AZ olaraq diqqətinizə çatdırırıq:
“Cənab Prezident! İri maliyyə fırıldağında əli olan, böyük dələduzluq əməllərinin məşhuru “AVESTA” Konserninin prezidenti Hacı İbrahim Nehrəmlinin açıq dələduzluğu ortada olsa da, Baş Prokuror Zakir Qaralov, DİN və Baş Mütəşəkkil Cinayətkarlıqla Mübarizə İdarəsi bu istiqamətdə heç bir tədbir görməməsi, faktiki olaraq Hacı İbrahim Nehrəmlini cinayətdən yayındırmaq məqsədi ilə olkə Prezidentinə, Baş Prokurora göndərilən şikayətlərin hərəkətsiz saxlanması çox düşündürücüdür.
Hacı İbrahim Nehrəmli böyük çinovnik tərəfindən himayə edildiyinə görə hələ ki, azadlıqdadır. Aldadılan vətəndaşlar Hacı İbrahim Nehrəmlinin fırıldaqları haqqında şok faktlar açıqlayırlar. “AVESTA” Konserninin dələduzluq yolu ilə mənimsəmələrin, vətəndaşların vəsaitinin (mənim də 355 000 manat pulumu) mənimsəmə faktına dair mətbuat konfransının keçirilməsi, bu fakt üzrə mətbuatda yayılmaları müvafiq qurumların qulaqardına vurması, Hacı İbrahim Nehrəmliyə nəvbəti ittihamlar şəriki Hümbət Məmmədovdan gəlməsi, mətbuatda Hümbət Məmmədovun sensassion faktlar- Nehrəmli hacı İbrahimlinin Çin vətəndaşına atması, Çin vətəndaşının Naxçıvan qızıl yataqlarının satılması üçün beh kimi əvvəlcə 230 000 dollar pulunu mənimsəməsindən və əcnəbinin şikayəti əsasında Baş Prokurorluğun Ağır Cinayətlərə dair İstintaq İdarəsinin rəisi Eldar Əhmədovun kabinetində Hacı İbrahim Nehrəmlinin həbs edilməsi, lakin Hümbət Məmmədovun Hacı İbrahim Nehrəmlinin mənimsədiyi həmin pulu dərhal çinliyə ödəyib onun azad olunmasını təmin etmiş, onun əvəzinə Hümbət Məmmədovun ödədiyi pulun qaytarılmaması, Çin vətəndaşının şikayəti əsasında cinayət işinin qaldırılmasına dair qərarın surətini bu günə qədər Ağır Cinayətlərə dair İstintaq İdarəsinin müstəntiqi Vüqar Nəsibov tərəfindən nə Hümbət Məmmədova, nə də ki, onun vəkilinə verilməməsinə, Çin vətəndaşının şikayətinə həmin dəqiqə əməl edilməsi, onun pulunun qaytarılması, lakin mən Azərbaycan vətəndaşının 355 000 manat pulunun Hacı İbrahim Nehrəmlidən alınıb mənə qaytarılmasını qulaqardına vuran dövlət qurumları hələ də susur.
Hümbət Məmmədov mətbuat vasitəsi ilə dövlət başçısına, prokurorluğa müraciətdə bildirir ki, o, məhz Hacı İbrahim Nehrəmlinin sifarişi əsasında həbs olunub.
Hörmətli Prezident!
Mən də indi təhlükədən qorunmaq üçün Bakı şəhərini tərk etmişəm, Çünki Hümbət Məmmədov mətbuatda yazır:
Hacı İbrahim, sən mənə şərikli iş qurmaq adı ilə aldığın milyonlarla pulu ələ keçirmək üçün oyun qurdun və sonda heç bir günahım olmadan mənə ömürlük həbs cəzası kəsdirdin”.
Cənab Baş Prokuror!
“Mən bundan xəbərdar olub Bakını tərk etmişəm. Sizinlə bu yaxında, Siz rayonda xalqla görüş keçirərkən, sizin şəxsi qəbulunuzda olarkən bu barədə bəyan etmişəm. Bilirəm ki, dünya axır-əvvəl düzələcək. Çox güman bu haqda bilirsiniz, gözləyək...”
Hörmətli Prezident!
Hacı İbrahim Nehrəmlinin törətdiyi əməllər öz əleyhinə çevrilməkdədir...
Mənim bu növbəti şikayətim Hacı İbrahim Nehrəmlinin qanunsuzluğunu, dələduzluğunu (bu barədə ətraflı ötən şikayətlərimdə bildirmişəm) ört-basdır edən vəzifə sahiblərindəndir. Hüquq Mühafizə Orqanlarının bu, mülkiyyət cinayətidir.
Bu günlərdə daha dəqiq 13 sentyabr 2013-cü il tarixdə “Yeni Müsavat” qəzetini bilgiləndirən bir nəfər E.Hüseynov adlı şəxsin (kimliyi bildirilmir) verdiyi məlumat asasında bildirilir ki, Orxan Sadıqov adlı şəxs Bakıda bir çox məmurlardan milyonlarla manat alaraq aradan çıxıb. Orxan Sadıqovun toruna düşənlər arasında Hacı İbrahim Nehrəmli kimi nəhəng iş adamı və digərləri var.
Bu halda “Yeni Müsavat”a məlumat verən o, hər kimsə: “Orxan Sadıqov tikinti işləri ilə məşğul olub. Onun aldatdığı ona milyonlarla manat pul veriblər. İndi o, ailəsini də götürüb ölkədən qaçıb”-deyib.
Soruşan gərək, Məlumatı verən etibarlı mənbə, cənab E.Hüseynov bunu sizə kim dedizdirir? Axı həmin Orxan Sadıqov, Hacı İbrahim Nehrəmlinin şəriki olan iş adamıdır. Orxan Sadıqov Konsernin tikinti işlərində təmsil olunan şəxs olaraq 51 və 52 saylı mənzillləri mən Elşad Məmmədova şirkətin maliyyə sənədləri ilə alqı-satqısını həmin Orxan Sadıqov apartdırmış. Həmin maliyyə arayışı şikayətlərlə Baş Prokurora göndərilmiş və həmin maliyyə sənədləri Konsernin möhürü ilə təsdiqlənmişdir. İndi bu fikirləşilmiş, Orxan Sadıqovun yoxa çıxmasından istifadə olunur, vaxt dartılır, sirr Konsernin rəhbəri Hacı İbrahim Nehrəmli ilə əlaqədardır. İndi bu deyilənlər onun diktəsidir. Konsernin rəhbərinin yol verdiyi dələduzluqlar, qanunsuzluqların miqyas və çevrəsi edirdi ki, Konsernin prezidenti Hacı İbrahim Nehrəmli, onun “cəsarətli” addımlarının arxasında həqiqətən də böyük bir güc dayanır.
Hacı İbrahim Nehrəmli himayədarının dəstəyinə arxalanaraq heç kimə etimad etmir, faktiki olaraq heç kimin qarçısında cavabdehlik daşımayan şəxs kimi hərəkət edir. İndi o, Orxan Sadıqovu ortaya ataraq müvəqqəti də olsa cinayətlərini pərdələməyə can atır və buna çalışır.
13 sentyabr tarixində “Yeni Müsavat” qəzetində dərc olunan materialın əsaslandığı mənbənin (bildirirəm ki, o hər kimdirsə) Hacı İbrahim Nehrəmlinin müdafiəsinə hesablanan açıqlamasında da mübafiq dövlət qurumlarının susqunluğuna da nəinki normal, hətta ciddi qanunauyğunluq kimi yanaşmaq lazımdır.
Bakı Apellyasiya Məhkəməsi keçirilən prosesdə hakim Xuraman Məmmədovanın- “Siz nə danışırsınız, bu, alma alveri deyil ki?”- deyərək “AVESTA” Konserninin nümayəndəsinə xitabən irad tutduğu halda, alqı-satqı yolu ilə əmlak əldə etmiş mülkiyyətçinin (Elşad Məmmədovun) irəli sürdüyü rəsmi dəlilləri yoxlamadan, rayon məhkəməsinin qətnaməsində adları çəkilən şəxslərdən belə, heç birinin məhkəməyə çağırılmadan, izahatları alınmadan Hacı İbrahim Nehrəmlinin daşınmaz əmlaka (haqqında danışdığım 51 və 52 saylı mənzillərə dair) issianın sübuta yetirilmiş hesab etməsinə qərar verən belə xanım hakimə nə deyəsən. Mənzil satın almış, qiymətini tam ödəmiş, alqı-satqı müqaviləsinə əsasən əmlak mülkiyyətinə keçmiş Elşad Məmmədovun iştirakı olmadan rayon məhkəməsində işə baxmış hakimə nə deyəsən. Bütün bunlar gerçək ünvana işarə deyilmi? Kimsəsiz insanları çətinə düşəndə ayaq altına atıb üstündən keçən belə məmurlara, hakimlərə taleyimizi etibar edə biləcəyikmi?”
Bütün maraqlı tərəflərin mövqelərini işıqlandırmağa hazırıq...
Geri qayıt