MƏHBUS 12 SAYLI KALONDAN ŞOK FAKTLARI AÇIQLADI
16-09-2013, 18:17
DİA.AZ: - Ədliyyə Nazirliyinin Pentensiar Xidmətin 12 saylı Cəzaçəkmə Müəssiəsində cəza çəkən məhkum Xələfov Bahrəddin İmaməddin oğlunun hüquq müdaiəçisi Taleh Xasməmmədov vasitəsi ilə mətbuata, ölkə prezidentinə və hüquq mühafizə orqanlarına müraciət ünvanlayıb. Müraciətin bir nüsxəsi də DİA.AZ-a daxil olub. Müraciətdə deyilir:
“Bildirirəm ki, mən Ağir Cinayətlərə dair işlər üzrə Azərbaycan Respublikası Məhkəməsinin 27 dekabr 2006-cı il tarixli hökmü ilə A.R.C.M- nin 120.2.4- cü maddəsi ilə təqsirli bilinib 15 il azadlıqdan məhrum edilmişəm. Çox çətin vəziyyətdə qalaraq və Sizə bir güvənc yeri olan məsul şəxslər kimi müraciət etmək zərurətində qaldım. Sizdən sonadək bu ərizəni oxuyub, mənə və ailə üzvlərimizə köməklik göstərməyinizi xahiş edirəm.
2011-ci ildə Ədliyyə Nazirliyi Tibb Baş İdarəsində müalicə işinin təşkili idarəsi rəisi İftixar Qurbanovun göstərişi ilə P.X. Müalicə mərkəzinin baş həkimi Rəşad Dəmirov və ruhi xəstəliklər şöbəsinin baş həkimi Allahverdi Bəylərov ilə birlikdə mənim ailə üzvlərimi aldadaraq guya mənim xəstəliyim ağır olduğu üçün cəzadan azad oluna bilərəm və külli miqdarda pul alıblar. Mənim hüquqlarımı qorumaq üçün özləri Muxtarov Şamil Şəkər oğlunu “ vəkil” tutublar. Həmin vaxtdan indiyə kimi nə məni müalicə ediblər, nə cəzadan azad ediblər, nədə aldıqları pulu geri qaytaratcaqlarına söz versələr də, əməl etməyiblər.
Hətta evlərinin əsl sənədlərini də bizə veriblər ki, pulu qaytarıb sənədləri geri alarıq. İndi bizə məlumdur ki, bu şəxslər bizi aldadıb, dələduzluqla pulu mənimsəyiblər. Bu hadisə mənə və ailə üzvlərimin psixi durumuna çox pis təsir edib. Çünki onlara verilən pulun bir qismi Quba rayonunda ailəmə, uşaqlarıma verilən torpaq sahəsini satıb, bir qismini isə borc alımışdılar. İndi pulu qaytarmağa pulları yoxdur. Məlumat üçün bildirim ki, ailə üzvlərimiz qoca anam, həyat yoldaşım və üç azyaşlı uşaqdan ibarətdir. Hal- hazırda onlar acınacaqlı bir vəziyyətdədirlər. Mən qorxuram ki, Tibb baş İdarəsinin işçiəri bizi pis vəziyyətdə qoymaqları ailə üzvlərimi özlərinə qəsd etmək həddinə çatdırarlar və belə bir təhlükə gözlənilir.
Hörmətli Dövlət Məmurları !
Tibb Baş İdarəsində olam haqsızlın, özbaşnalığın, rüşvət və korrupsiyanın artmasını, məhbusların canı bahasına əldə edilən pulların bir qismini nəzərinizə çatdırıram.
1. Cəzacəkmə Müəssəsindən Müalicə mərkəzinə getmək üçün hər məhbus 50-100 manat arasında pul ödəməlidir. Əgər götürsək 17-ci müəssədən hər həftə 150-200 nəfər Müalicə mərkəzinə bunun imzası üçün Tibb İdarəsi 7-10 min pul alınır. Bu ayda 40-50 min manat pul edir.
2. Müalicə mərkəzində qalıb müalicə almaq üçün hər məhbus 1-ci ay 50 manat, 2-ci ay 100 manat, 3-cü ay isə 150-200 manat arası pul verməlidilər. Götürsək ki, Müalicə Mərkəzində 700 və 800 nəfərə yaxın məhbus müalicə alır bu pulun məbləği 70-80 min manatı keçir.
3. Məhbuslar üçün ayrılan dərmanların qiymətliləri onlara satılır ya da İftixar Qurbanovun göstərişi ilə başqa qeyri-qanuni yollarla satılır ki, Tibb İdarəsinə gələn qanunsuz gəlirə 70-80 min əlavə olunur.
4. Cəza Çəkmə Müəssiəsində yerləşən tibb məntəqələrində 20-30 çarpayı olur ki, orda qalıb müalicə almaq üçün hər yerə görə 100-200 manat pul ödəməlisən. Bu da bütün Çəza çəkmə Müəssiəsindən gələn pul bir yerə yığsan 20-30 min manat bir ay üçün təşkil edir. Saydıqlarım bizə məlum olandır ki, toplasaq Tibb Baş İdarəsinin qanunsuz yığdığı pulun məbləği ayda 250-300 min manatı ötüb keçər. Bura türmələrdən və məntəqə tpli müəssiələrdən, ayrı-ayrı məhbusların mənim kimi aldadılaraq alınmış pulları daxil etmirik. Yəqin ki, Tibb Baş İdarəsində gedən rüşvətxorluğdan, dələduzluqdan Baş Nazirin və adiyyatı orqanların xəbəri yoxdur. Dəfələrlə bu haqda general Rəfail Mehdiyevə yazsam da məktubun ünvananına çatmasına Murad Süleymanov və İftixar Qurbanov imkan verməyiblər. Sizə bildirirəm ki, bu işlərin 90 % - nə İftixar Qurbanov rəhbərlik edir. Çunki Murad Süleymanov içki düşgünüdür və alkoqollu içkilərdən başı ayılmır.
Bu yazdıqlarım həqiqidir ! Əvvəlcədən Sizə böyük minnətdarlığımı bildirirəm”.
Bütün tərəfləri dinləməyə hazırıq...
Geri qayıt