GUAM SƏDRLİYİ 2012-Cİ İLDƏ AZƏRBAYCANA KEÇƏCƏK
7-12-2011, 12:33
BU QƏRAR VİLNÜSDƏ VERİLİB
Vilnüsdə ATƏT XİNŞ çərçivəsində GUAM ölkələri XİN rəhbərlərinin iclası keçirilib. İclasda gələn il təşkilata sədrliyin Moldovadan Azərbaycana verilməsi barədə qərar qəbul edilib.
Trend-in məlumatına görə, iclasda həmçinin Moldovanın 2011-ci ildə təşkilata sədrliyi qismində fəaliyyətinə qiymət verilib və qurumun 2012-ci il üzrə büdcəsi təsdiqlənib.
GUAM ölkələri XİN rəhbərləri digər beynəlxalq təşkilatlarla əməkdaşlığın inkişafı məsələlərini də müzakirə ediblər.
GUAM-ın formatı 1997-ci ildə Strasburqda Avropa İttifaqı ölkələri rəhbərlərinin sammiti zamanı yaradılıb. 1999-cu ildə bu formata Özbəkistan da qoşulub, dörd ildən sonra isə çıxıb. 2006-cı ildə Kiyevdə bu formatın birinci sammitində GUAM-ın beynəlxalq təşkilat elan olunması və Demokratiya və İqtisadi İnkişaf Uğrunda Təşkilat - GUAM adlandırılması haqqında qərar qəbul olunub.
Geri qayıt