YEVLAXIN İCRA BAŞÇISI PA-YA VƏZİFƏYƏ GƏTİRİLİR
18-04-2013, 16:17
DİA.AZ: - Yaxın günlərdə Yevlax rayonunda rəhbər dəyişikliyi baş tutacaq. Bu barədə DİA.AZ-a hökumət içindəki etibarlı mənbə xəbər ötürüb
Mənbə bildirir ki, 10 ulə yaxındır ki, Yevlaxın icra başçısı postunu tutan Qoca Səmədova Prezident Administrasiyasında yüksək vəzifə verilir: “Bu səbədən onu indiki vəzifəsindən alırlar. Hələlik Yevlaxa kimin göndəriləcəyi və indiki başçının PA-da hansı vəzifə tutacağı məlum deyil.
Onu da bildirək ki, Qoca Səmədov fövqəladə hallar naziri Kəmaləddin Heydərovun adamı hesab olunur. Və əgər deyilənlər baş verərəsə, o zaman PA-da FHN şefinin kadrı ilk dəfə olaraq vəzifə tutumuş olacaq.
Qeyd edək ki, Səmədov Qoca Çərkəz oğlu 13 oktyabr 1959 –cu ildə Yevlax şəhərində anadan olmuşdur.
1966-1976-ci illərdə M.Ə. Sabir adına 2 в„–-li şəhər orta məktəbində təhsil almışdır.
1976 1977 –ci illərdə Yevlax şəhər 7в„– -li Səyyar Mexanikləşmiş dəstədə və Azərittifaqın Yevlax tədarük bazasında fəhlə işləmişdir.
1977-ci ildə C. İldırım adına Azərbaycan Politexnik İnstitutunun Gəncə filialına daxil olmuş,
1982 –ci ildə Azərbaycan Texnologiya İnstitutunu bitirərək mühəndis –texnoloq ixtisasına yiyələnmişdir.
1982 -ci ildə Şəki şəhəri İpək kombinatında sahə ustası kimi əmək fəaliyyətinə başlamışdır.
1982-1984-cü illərdə ordu sıralarında xidmət etmişdir. 1985-1996-cı illərdə Azərittifaqın Yevlax tədarük bazasında tədarükçü,
1996 -2004 –cü illərdə Yevlaxdakı “Qafqaz” Kooperativinin sədri işləmişdir.
2004 -2005 –ci illərdə Yevlax şəhər 1 saylı Mənzil Təmir İstismar sahəsinin rəisi vəzifəsində çalışmışdır.
2005 -2006 –cı illərdə Yevlax şəhər İcra Hakimiyyəti Başçısının şəhər təsərrüfatı üzrə müavini,
2006 -2011 –ci illərdə Yevlax şəhər İcra Hakimiyyəti Başçısının I müavini vəzifəsində işləmişdir. Azərbaycan Respublikası Prezidentinin 18 fevral 2011-ci il tarixli 1345 saylı Sərəncamı ilə Yevlax şəhər İcra Hakmiyyətinin başçısı vəzifəsinə təyin olunmuşdur.
2004 –cü ildən Yeni Azərbaycan Partiyasının üzvüdür.
Evlidir. 2 övladı var.
Geri qayıt