RAMİZ MEHDİYEV ÜÇÜN DUA EDİLDİ
13-03-2013, 15:22
Xəbər verdiyimiz kimi bu gün Reportyorların Azadlıq və Təhlükəsizlik İnstitutunun mətbuat mərkəzində “Xural” qəzetinin baş redaktoru Əvəz Zeynallının hüquqlarının müdafiəsi komitəsi onun həbsi ilə bağlı mətbuat konfransı keçirib. FaktXeber.com-un verdiyi məlumata görə, konfransda çıxış edən Əvəz Zeynallının anası Şamama Zeynallı maraqlı fikirlər səsləndirib.
Şamama xanım çıxışı zamanı bildirdi ki, Əvəzi şərləyən şəxs Azərbaycanı bütün dünyaya biabır etdi: ” Gülər Əhmədova özü dələduzun böyüyü olduğu halda, onun sözü ilə Əvəz kimi oğula 9 il həbs cəzası verdilər. Görünən budur ki, bunlar hər hansı cinayət törətməsindən asılı olmayaraq qılınclarının qabağı da kəsir, dalı da.”
Baş redaktorun anası sonda Prezident Administrasiyasının rəhbəri Ramiz Mehdiyevə dua etdi: “Sonda hörmətli akademikimizə növbəti parlament seçkilərinə qədər uzun ömür, möhkəm cansağlığı, ölümünün gözünə dik baxana qədər bir mandatı 3 nəfərə yox, 5 nəfərə satacaq qədər cəsarətli kadrlar və nəhayət xeyirli bazar arzu edirəm.”
Geri qayıt