FARS NÖKƏRLƏRİ ÖZ VƏTƏNLƏRİNİ NİYƏ HƏDƏFƏ ALIR?
14-12-2012, 09:22
RƏSMİ TEHRAN BU DƏFƏ DƏ SAPI BİZDƏN OLAN BALTALARI İŞƏ KEÇİRİB
DİA.AZ: - Son günlər guya ki, Azərbaycanı özünə dost ölkə kimi qəbul edən fars-molla rejimi əslində dövlətimizə və millətimizə qarşı təzyiqlərini daha da artırıb. Belə ki, dünən Azərbaycanın xarici işlər nazirliyinə Dünya Azərbaycanlıları Konqresinin Bakıdakı toplantısından narahatçılıq keçirdiklərini ifadə edən notalarını çatdıran rəsmi Tehran nümayəndələri buna paralel olaraq Azərbaycana qarşı təbliğatlarını, fəaliyyətlərini davam etdirməkdədirlər.
Bütün istiqamətlərdən bizi hədəfə alan molə mətbuatı indi də Bütöv Azərbaycan ideyasını qılınclamağa başlayıb. Və acınacaqlı orasıdır ki, bu dəfə də farslara nökərçilik yolunu seçmiş, milli kimliyini unutmuş şəxslərdən Quzey Azərbaycana qarşı istifadə olunmaqdadır. DİA.AZ olaraq «AranNews» portalında yer almış bir müsahibəni olduğu kimi diqqətinizə çatdırır və bildiririk ki, müsahibəni verən şəxs özbəöz türkdür - Azərbaycan türkü! Maləsəf…
«Keçən həftə Dünya Azərbaycanlıları Konqresi adlanan qrup Bakıda "Azərbaycanın quzeyi və güneyi arasında əlaqələr: mövcud durum, perspektivlər və vəzifələrimiz" mövzusunda qeyri-rəsmi və fövqəladə konfrans keçirib. Bu toplantı İranın Bakıdakı səfirliyinin rəsmi etirazına səbəb oldu. İclasda parlament nümayəndəsi Sabir Rüstəmxanlı və İrandan qaçmış əksinqilabçı Əjdər Təqizadə bəzi tarixi həqiqətləri saxtalaşdıraraq İran əleyhinə iddialar ediblər. Bu iddiaları araşdırmaq məqsədilə Təbriz Universitetinin Tarix və Mədəniyyət Mərkəzinin rəhbəri doktor Pərğu ilə qısa söhbət etdik. Bu müsahibəni sizə təqdim edirik:
- Bir müddət əvvəl İran və Azərbaycan ölkələri iki ölkə arasındakı münasibətlərdə hər növ gərginlik yaranmasının qarşısının alınmasına təkid etmələrinə diqqət etməklə, sizin nəzərinizcə, hazırkı şəraitdə bu toplantının keçirilməsində əsas məqsəd nədir?
- Bildiyiniz kimi, hazırda Azərbaycan müxtəlif daxili qrupların, o cümlədən qərbyönümlü partiyalar, islamçılar, müxtəlif etnik qruplar, Qarabağın tezliklə azad olmasını istəyənlərin təzyiqləri ilə üzləşib. Ona görə də belə bir durumda bəziləri öz mənafelərini mövcud durumun davam etməsində görürlər. Onlar belə toplantılar təşkil etməklə həm özlərinin və ağalarının məntiqsiz sözlərini region xalqlarına çatdırmaq, həm də Azərbaycanın ictimai fikrini kənar mövzulara yönəltmək istəyirlər. Əlbəttə, bu senariləri icra etməklə təkcə özlərinin olmayan abırlarını aparırlar və bu toplantıların elmi əsası və məntiqi olmamasına diqqət etməklə onların özlərinin zərərinə tamam olacaq.
- Bu toplantıda Sabir Rüstəmxanlı iddia etmişdir ki, Dünya Azərbaycanlıları Konqresi dünya azərbaycanlılarının iradəsi ilə yaradılmışdır. Bu barədə nəzəriniz nədir?
- Cənab Sabir Rüstəmxanlı və digərləri bu və bunun kimi toplantılarda dəfələrlə belə yalan iddialar irəli sürüblər. Təbriz Universitetinin Tarix və Mədəniyyət Mərkəzinin müəllimləri irəli sürülmüş iddilar barədə elmi bəhslər təşkil etməyə hazırdır. Biz bu mövzu və "DAK" barədə tarixi həqiqətlərin aydınlaşması üçün öz səyimizi göstərəcəyik. Amma o özü yaxşı bilir ki, bu konqres Azərbaycan xalqının iradəsi ilə yox, məntəqədəki yad qüvvələrin sifarişi ilə yaradılıb. Azərbaycan xalqı Quran ayələrinə əməl etməyi özünün iftixarı bilir, millətçiliyi yox. Əlbəttə, xalq Azərbaycan əleyhinə bu mövzuları ortalığa atanların əməllərini və keçmişini yaxşı tanıyır.
- Bakıda anti-İran toplantını təşkil edənlərin iddialarından biri də İranda azərilərin haqlarının pozulmasıdır. Bu barədə nə deyə bilərsiniz?
- İran xalqı, xüsusilə də qeyrətli Azərbaycan xalqı barədə çıxış edənlər gərək tarixi həqiqətlər və azərilərin bu günkü durumu haqda məlumatla yanaşı, özlərinin tarixdə olanlarını da nəzərdə tutsunlar. Azərbaycan xalqı tarix boyu özlərinin İslami İrana sevgilərinin həddini göstəriblər. Səkkiz illik Müqəddəs Müdafiə bunun nümunələrindəndir. Bizim millətimız İranın Fars Körfəzindən tutmuş Xəzərə kimi bütün hüdudlarını sevir və heç kimə icazə vermir ki, İran və Azərbaycanın ayrılıq zümzümələrini başlarından keçirsinlər. Qafqaz və regionun tarixini saxtalaşdırmağa çalışanlar bilsinlər ki, həqiqətdə yeni nəsilə xəyanət edirlər. Əlbəttə, bunu da xatırladım ki, çoxdan bəri başlayaraq bu ölkədə dəfələrlə əlifbanı dəyişməklə və müstəmləkəçilik siyasəti ilə yeni nəsili öz tarixi həqiqətlərindən məlumatsız saxlamağa çalışıblar. Bu şəxslərin elmi səviyyələrinə diqqət etsək, bu mətləbləri deməyə lüzum varmı? İrandan qaçan siyasilər bu barədə nəzər bildirə biləməzlər. Bir çox millətlərin Azərbaycan Respublikasında yaşamasına baxmayaraq, bu ölkə onların ən aşağı haqlarına belə riayət edirmi? İrana qarşı bu iddianı edənlər siyasi muzdurlardır və azadlıq, hüquq kimi ifadələrdən istifadə etməklə öz hədəflərinə çatmaq istəyirlər. Qərbyönümlü təşkilatların bu ölkədə haqlarının tapdalanmasına görə dəfələrlə mitinqlər etdiyi, yüzlərlə azadlıq carçısının həbsdə olduğu bir vaxtda bu şəxslər İranda azərilərin haqlarından danışırlar.
- Cənab Rüstəmxanlı bu toplantıda və ondan sonra İranın Bakıdakı səfirliyinə ünvanladığı cavabda "Vahid Azərbaycan", "Şimali və Cənubi Azərbaycan" kimi ifadələrdən istifadə etmişdir. Bu ifadələrin elmi və tarixi əsası varmı?
- Bu mövzu həqiqətdə saxtakarlıqla üzləşmişdir. Tarix boyu bu birinci dəfə deyil və sonucu dəfə də olmayacaq ki, bəzi muzdur qruplar bir millətin tarixini və bir məntəqənin coğrafiyasını saxtalaşdırmağa çalışırlar və bununla öz partiyaları və qruplarının xeyrinə bəhrələnmək istəyirlər. Tarixi mətnlərə azca diqqət etməklə bu iddianın yalan olması sübuta yetir. Əlbəttə, biz yenə onlarla tarixi bəhsə hazır olduğumuzu və regionun əsasən düzgün və saxtalaşmamış tarixini onlara öyrədəcəyimizi elan edirik.
- Bu toplantını təşkil edənlərin Qarabağ mövzusu barədə iddiaları qarşısında nə deyə bilərsiniz?
- Həqiqətdə belə bir fikrin formalaşmasının əsası Azərbaycanın Parlamentində qoyulmuşdur. Qarabağ müharibəsi və onun ardınca gələn mövzuların əsas səbəbkarları indi Parlamentdə xalq təmsilçisi adı ilə Azərbaycan xalqına xidmət edirlər! İran İslam Respublikası Qarabağ müharibəsi başlayan zamandan öz mövqeini tamamilə müəyyən etmiş, müxtəlif yollarla Azərbaycanın ərazi bütövlüyünü, bu məntəqənin tarix və mədəniyyətini müdafiə etmişdir. İran xalqı öz insani vəzifələrinə əməl edərək Qarabağ mövzusuna diqqət etmişlər. Bu şəxslər düzgün diplomatiyanın əksinə olaraq Qarabağ mövzusundan öz maraqlarına istifadə etmək istəyirlər. Onlar, İran dövləti və xalqının Qarabağ müharibəsində və ondan sonra Azərbaycana yardımlarının hamısını unudurlar. Amma bilməlidirlər ki, biz lazım olsa, İranın Qarabağ müharibəsində və ondan sonra Azərbaycana yardımlarının hamısını onlara xarıtlada bilərik.
- Sizin nəzərinizcə, sionist rejimin bu toplantını, ümumiyyətlə, dırnaqarası "DAK"-ı təşkil etməkdə rolu nədir?
- Bu günləri siyasi arenada sionist rejimin çirkin üzü hamı üçün aşkar olmuşdur. Dünyanın hər bir yerində təfriqə və xəyanət iyi gəlsə, orada sionist rejiminin iştirakı vardır. Azərbaycan xalqı bilməlidir ki, lazım olan surətdə bu rejim Azərbaycandakı iştirakından öz maraqları uğrunda Azərbaycan xalqının əleyhinə istifadə edəcək. "DAK"-ın təşkili həqiqətdə Azərbaycan xalqına xəyanətdir. Çünki bu təşkilatda əsasən xalq iştirak etmir və sionist siyasətləri onu idarə edir.
- Sonda, bu müsahibəyə görə sizə öz təşəkkürümüzü bildiririk. Əgər qeyd edilməli bir mətləb qalıbsa, buyurun.
- Mən də sizə öz təşəkkürümü bildirməklə yanaşı, region, xüsusilə də Azərbaycan xalqına üz tutub deyirəm ki, bir mövzu barədə dəqiq fikirləşsinlər. O mövzu budur ki, görün hansı söz, hansı məntiq və siyasət sizi xeyirxahlığa hidayət edir. Keçmişə azacıq diqqət etmək göstərir ki, İran həmişə Azərbaycan xalqının xeyirxahı olmuşdur və bu günləri də bu ölkənin başıucalığını istəyir. Amma Azərbaycan xalqı bilməlidir ki, onların keçmişinə xəyanət edənlərin yenə də dəfələrlə digər xəyanət etmək zəminələri vardır».
Geri qayıt