ASTARA SAKİNLƏRİ «QİYAMƏT GÜNÜNƏ» HAZIRLAŞIR
7-11-2012, 10:25
RAYONDA FƏNƏRLƏRİN VƏ FƏNƏRLİ ALIŞQANLARIN QİYMƏTİ BAHALAŞIB
DİA.AZ: - Astaradan redaksiyamıza olduqca maraqlı bir məlumat daxil olub. Kifayət qədər dindar zona hesab olunan bu rayonda yerli əhalinin digər bölgələrimizin sakinlərilə müqayisədə son günlərin təbliğatına uyaraq qiyamət gününün yaxınlaşmasına daha çox inandığını söyləyən astaralı müəllimlərdən birinin verdiyi xəbərə görə, artıq rayon sakinləri «qiyamət günü» tədarükündədirlər.
DİA.AZ-a daxil olan xəbərdə deyilir ki, bu gün Astarada fənər və fənərli alışqanlar yerli əhali tərəfindən sürətlə alınır: «Təbliğatda deyilir ki, 4 gün qaranlıq olacaq. Camaat da buna inanıb. İndii əksəriyyət dükanlardan fənər və fənərli alışqan alır. Tələbat o qədər artıb ki, hətta işbaz alverçilər normalda 30 qəpiyə olan fənərli alışqanı 60 qəpiyə, bəzi yerlərdə isə 1 manata belə satırlar».
Mənbəmiz eyni qaydada fənərlərin də qiymətinin qalxdığını bildirir.
Geri qayıt