VƏHABİLƏRİN QƏNİMİ OLAN RƏİS BAKIYA GƏLDİ
10-11-2011, 11:15
8 RAYONDA POLİS RƏİSİ DƏYİŞDİRİLDİ
Azərbaycanda bir neçə rayonun polis rəisi dəyişdirilib.
Daxili İşlər Nazirliyinin mətbuat xidmətinin rəis müavini Ehsan Zahidovun verdiyi məlumata görə, daxili işlər naziri, general-polkovnik Ramil Usubovun imzaladığı müvafiq əmrlərlə Zaqatala Rayon Polis Şöbəsinin rəisi Faiq Şabanov Xəzər Rayon Polis İdarəsinə, Xəzər Rayon Polis İdarəsinin rəisi Musa Musayev Nəsimi Rayon Polis İdarəsinə, Nəsimi Rayon Polis İdarəsinin rəisi Məmməd Mikayılov isə Suraxanı Rayon Polis İdarəsinə rəis təyin ediliblər.
Bundan başqa, R. Usubovun əmrləri ilə Gəncə Şəhər Baş Polis İdarəsi Nizami Rayon Polis İdarəsinin rəisi Ağahüseyn Məmmədov Kəpəz Rayon Polis İdarəsinə, Kəpəz Rayon Polis İdarəsinin rəisi Ədalət Sadıqov Nizami Rayon Polis İdarəsinə, Şəki Rayon Polis Şöbəsinin rəisi Azad Məmmədov Şabran, Şabran Rayon Polis Şöbəsinin rəisi Eldar İlyasov isə Şəki Rayon Polis Şöbəsinə rəis təyin olunublar. Adları qeyd olunan şəxslərin hamısı polis polkovnikidir.
E. Zahidov, həmçinin bildirib ki, Suraxanı Rayon Polis İdarəsinin rəisi Etibar Qazıbəyli təqaüdə göndərilib.
Zaqatala Rayon Polis Şöbəsinə isə hələlik rəis təyin edilməyib. Həmin vəzifəni rəis müavini icra edir.
Qeyd edək ki, Zaqataladan Xəzər rayonuna göndərilən Faiq Şabanov vəhabilərə qarşı uğurlu əməliyyatları ilə də diqqətə gəlib. Hətta bir neçə il əvvəl onun vəhabilər tərəfindən qəsdən avtomobil qəzasına salındığı da söylənilir.
Geri qayıt