"Liftlər baxımsızdır, amma illik pul yığılır..."

"Bakı Şəhər İcra Hakimiyyəti nəzdində olan Bakı Lift-Təmir İstehsalat Birliyinə nəzrət edən yoxdur.." "DİA-AZ" xəbər verir ki, bunu öz etiraz dolu müraciətində tanınmış hüquqşünas Səbuhi Axundov qeyd edib.

O daha sonra müraciətini belə davam etdirir: "Bu kimi qurumlara ayrılan pulların 10 faizini özəl şirlətlərə verilsə, daha yararlı xidmət göstərərlər. Liftlər baxımsızdır. İllik pul yığılır, amma bir dəfə də çağıranda tapa bilməzsən. Qaynar xəttə 3 həftədir zəng vurub xəbər edirsən. Telefonun o biro tərəfindən az qalırlar adamı döysünlər. 3 həftədir işləməyən liftə görə niyə ödəniş edilməlidir?! Əgər bu lift nasaz olanda onu adama 20-30 manat yığıb biz təmir ediriksə, siz nəyə lazımsınız. Bir çox sahələrdə vəziyyət belədir. Adamlar ancaq aylıq maaşlarını alıb, otururlar.

Bildirim ki, şəhərin mərkəzində yüzlərlə belə liftlər var. Bu qurumlar isə boş yerdən dövlət büdcəsindən pul yeyirlər..."